Exodus 31
EXODUS
ᎼᏏ ᏔᎵᏁ ᎤᏬᏪᎳᏅᎯ
Mo-si Ta-li-ne u-wo-we-la-nv-hi
Mosi Taline uwowelanvhi
Exodus 31 King James Version (KJV)
1 And the Lord spake unto Moses, saying,
2 See, I have called by name Bezaleel the son of Uri, the son of Hur, of the tribe of Judah:
3 And I have filled him with the spirit of God, in wisdom, and in understanding, and in knowledge, and in all manner of workmanship,
4 To devise cunning works, to work in gold, and in silver, and in brass,
5 And in cutting of stones, to set them, and in carving of timber, to work in all manner of workmanship.
6 And I, behold, I have given with him Aholiab, the son of Ahisamach, of the tribe of Dan: and in the hearts of all that are wise hearted I have put wisdom, that they may make all that I have commanded thee;
7 The tabernacle of the congregation, and the ark of the testimony, and the mercy seat that is thereupon, and all the furniture of the tabernacle,
8 And the table and his furniture, and the pure candlestick with all his furniture, and the altar of incense,
9 And the altar of burnt offering with all his furniture, and the laver and his foot,
10 And the cloths of service, and the holy garments for Aaron the priest, and the garments of his sons, to minister in the priest's office,
11 And the anointing oil, and sweet incense for the holy place: according to all that I have commanded thee shall they do.
12 And the Lord spake unto Moses, saying,
13 Speak thou also unto the children of Israel, saying, Verily my sabbaths ye shall keep: for it is a sign between me and you throughout your generations; that ye may know that I am the Lord that doth sanctify you.
14 Ye shall keep the sabbath therefore; for it is holy unto you: every one that defileth it shall surely be put to death: for whosoever doeth any work therein, that soul shall be cut off from among his people.
15 Six days may work be done; but in the seventh is the sabbath of rest, holy to the Lord: whosoever doeth any work in the sabbath day, he shall surely be put to death.
16 Wherefore the children of Israel shall keep the sabbath, to observe the sabbath throughout their generations, for a perpetual covenant.
17 It is a sign between me and the children of Israel for ever: for in six days the Lord made heaven and earth, and on the seventh day he rested, and was refreshed.
18 And he gave unto Moses, when he had made an end of communing with him upon mount Sinai, two tables of testimony, tables of stone, written with the finger of God.
King James Version (KJV)
Public Domain
ᎠᏯᏙᎸᎢ 31
1
ᏱᎰᏩᏃ ᎼᏏ ᎤᏁᏤᎸᎩ ᎯᎠ ᏄᏪᏒᎩ,
2
ᎬᏂᏳᏉ ᏚᏙᎥ ᏥᏯᏅᎲ ᏇᏣᎵᎵ ᏳᎳ ᎤᏪᏥ, ᎾᏍᎩ ᎭᎵ ᎤᏪᏥ, ᏧᏓᏏ ᎠᏂᎳᏍᏓᎸ ᏅᏓᏳᏓᎴᏅᎯ.
3
ᎠᎴ ᎠᎧᎵᎢ ᏥᏁᎸ ᎤᏁᎳᏅᎯ ᎤᏓᏅᏙ, ᎾᏍᎩ ᎠᏏᎾᏌᏂ ᎨᏒ, ᎠᎴ ᎪᎵᏍᏗ ᎨᏒ, ᎠᎴ ᎠᎦᏔᎾᎢ ᎨᏒᎢ, ᎠᎴ ᏄᏓᎴᏒ ᎪᏢᏅᏗ ᎨᏒᎢ.
Ꮞ
ᎠᏯᏍᏗ ᎤᏍᏆᏂᎪᏗ ᏗᎦᎸᏫᏍᏓᏁᏗ ᎨᏒᎢ, ᎠᏕᎸ ᏓᎶᏂᎨ ᎪᏢᏅᏗ ᎨᏒᎢ, ᎠᎴ ᎠᏕᎸ ᎤᏁᎬ, ᎠᎴ ᎥᏣᏱ.
5
ᎠᎴ ᏅᏯ ᏗᏲᎳᏅᎯ ᏗᎦᎪᏗ, ᎠᎴ ᎠᏓ ᎪᏢᏅᎥᏍᎩ ᏄᏓᎴᏒ ᎪᏢᏅᏗ ᎨᏒᎢ.
6
ᎠᎴ ᎠᏴ, ᎬᏂᏳᏉ ᏕᏥᏲᏒ ᎾᏍᏉ ᎡᎰᎵᎠᏈ, ᎠᎯᏌᎹᎩ ᎤᏪᏥ, ᏕᏂ ᎠᏂᎳᏍᏓᎸ ᏧᏴᏫ; ᎠᎴ ᎾᏂᎥ ᎠᏂᏏᎾᏌᏂ ᏙᏧᎾᏓᏅᏛᎢ, ᎠᎦᏙᎥᎯᏍᏗ ᎨᏒ ᎦᏥᎳᏁᎸ, ᎾᏍᎩ ᎤᏃᏢᏗᏱ ᏄᏓᎴᏒ ᎬᏁᏤᎸᎯ ᏥᎩ;
7
ᎦᎵᏦᏛ ᏗᎦᎳᏫᎢᏍᏗᏱ ᎠᎴ ᎦᏁᏌᎢ ᏗᎧᎿᏩᏛᏍᏗ ᏗᎦᎶᏗᏱ, ᎠᎴ ᎫᏢᏗ ᎾᏍᎩ ᎾᎿᏂ, ᎠᎴ ᏂᎦᏛ ᎪᎱᏍᏗ ᎬᏔᏂᏓᏍᏗ ᏚᎵᏦᏛᎢ,
8
ᎠᎴ ᎦᏍᎩᎶ ᎠᎴ ᎾᎿ ᎪᎱᏍᏗ ᎬᏔᏂᏓᏍᏗ, ᎠᎴ ᎪᎱᏍᏗ ᎾᏑᏴᎾ ᏗᏨᏍᏙᏗ ᏗᎦᎪᏗᏱ, ᎠᎴ ᎪᎱᏍᏗ ᏗᎬᏔᏂᏓᏍᏗ, ᎠᎴ ᏚᏍᎩᎶ ᎦᏩᏒᎩ ᎬᏙᏗᏱ.
9
ᎠᎴ ᎠᏥᎸ ᎨᎳᏍᏗᏱ, ᎠᎴ ᏂᎦᏛ ᎾᎿ ᎪᎱᏍᏗ ᏗᎬᏔᏂᏓᏍᏗ, ᏗᎪᏑᎴᏗᏱᏃ ᎠᎴ ᎾᏍᎩ ᎠᏠᏗᏱ.
10
ᎠᎴ ᏗᏄᏬ ᏚᏂᎸᏫᏍᏓᏁᎲ ᏗᏄᏬᏍᏗ; ᎠᎴ ᏗᎦᎸᏉᏗ ᏗᏄᏬ ᎡᎳᏂ ᎠᏥᎸ ᎨᎶᎯ ᏧᏄᏬᏍᏗ, ᎠᎴ ᏧᎾᏄᏬ ᎾᏍᎩ ᏧᏪᏥ, ᏧᏂᎸᏫᏍᏓᏁᏗᏱ ᎠᏥᎸ-ᎨᎶᎯ ᏧᏂᎸᏫᏍᏓᏁᏗ ᎨᏒᎢ.
11
ᎠᎴ ᎠᏠᏁᏗ ᎪᎢ, ᎠᎴ ᎤᎦᎾᏍᏛ ᎦᏩᏒᎩ, ᎾᎿ ᎦᎸᏉᏗ ᎨᏒ ᎬᏙᏗ, ᎾᏍᎩᏯ ᏄᏓᎴᏒ ᎬᏁᏤᎸ, ᎾᏍᎩ ᎢᏳᎾᏛᏁᏗ ᎨᏎᏍᏗ.
12
ᏱᎰᏩᏃ ᎤᏁᏤᎸᎩ ᎼᏏ ᎯᎠ ᏄᏪᏒᎩ,
13
ᎩᏁᏥ ᎾᏍᏉ ᎢᏏᎵ ᏧᏪᏥ, ᎯᎠ ᏂᎩᏪᏏ, ᎠᏎ ᎤᎾᏙᏓᏆᏍᎬ ᏗᏆᏤᎵ ᏗᏥᏍᏆᏂᎪᏙᏗ ᎨᏎᏍᏗ; ᎾᏍᎩᏰᏃ ᏗᎦᏁᎶᏙᏗ ᎠᏴ ᏂᎯᏃ ᏂᎪᎯᎸ ᎢᏣᏓᏁᏟᏴᏎᎬᎢ; ᎾᏍᎩ ᎢᏥᎦᏙᎥᎯᏍᏗᏱ ᎠᏴ ᏱᎰᏩ ᎦᎸᏉᏗᏳ ᎢᏨᏴᏁᎯ ᎨᏒᎢ.
1Ꮞ
ᎾᏍᎩ ᎢᏳᏍᏗ ᎢᏥᏍᏆᏂᎪᏕᏍᏗ ᎤᎾᏙᏓᏆᏍᎬᎢ; ᎦᎸᏉᏗᏳ ᎢᏥᏰᎸᏎᏍᏗ; ᎾᏂᎥ ᎩᎶ ᎠᏲᏍᏗᏍᎨᏍᏗ ᎠᏎ ᎠᏥᎢᏍᏗ ᎨᏎᏍᏗ; ᎩᎶᏰᏃ ᎪᎱᏍᏗ ᎠᏛᏁᎮᏍᏗ ᎾᎯᏳ ᎨᏒᎢ. ᎾᏍᎩ ᏴᏫ ᎠᏥᏛᏙᏗ ᎨᏎᏍᏗ ᎤᏓᏑᏴ ᎤᏤᎵᎪᎯ ᏴᏫ.
15
ᏑᏓᎵ ᎢᎦ ᏗᎦᎸᏫᏍᏓᏁᏗ ᎨᏎᏍᏗ; ᎦᎵᏉᎩᏁᏍᎩᏂ ᎤᎾᏙᏓᏆᏍᎬ ᎠᏣᏪᏐᎸᏍᏙᏗᏱ ᎨᏒᎢ, ᏱᎰᏩ ᎦᎸᏉᏓᏁᎸᎯ; ᎩᎶ ᎪᎱᏍᏗ ᎠᏛᏁᎮᏍᏗ ᎤᎾ ᏙᏓᏆᏍᎬ ᎢᎦ ᎨᏒᎢ, ᎠᏎ ᎠᏥᎢᏍᏗ ᎨᏎᏍᏗ.
16
ᎾᏍᎩ ᎢᏳᏍᏗ ᎢᏏᎵ ᏧᏪᏥ ᎤᏂᏍᏆᏂᎪᏙᏗ ᎨᏎᏍᏗ ᎤᎾ ᏙᏓᏆᏍᎬᎢ, ᎤᎾᎦᏌᏯᏍᏙᏗᏱ ᎤᎾ ᏙᏓᏆᏍᎬ ᏂᎪᎯᎸ ᎠᎾᏓᏁᏟᏴᏎᎬᎢ, ᏭᏍᏗᏥᎯᏍᏗ ᏂᎨᏒᎾ ᎧᏃᎮᏛ ᏓᏠᎯᏍᏛᎢ.
17
ᎯᎠ ᎾᏍᎩ ᏗᎦᏁᎶᏙᏗ ᎠᏴ ᎢᏏᎵᏃ ᏧᏪᏥ ᏂᎪᎯᎸᎢ; ᏑᏓᎵᏉᏰᏃ ᎢᎦ ᏚᎸᏫᏍᏓᏁᎸᎩ ᏱᎰᏩ ᎤᏬᏢᏅᎩ ᎦᎸᎶ ᎠᎴ ᎡᎶᎯ, ᎦᎵᏉᎩᏁᏃ ᎢᎦ ᎤᏯᏪᏐᎸᎩ, ᎠᎴ ᎤᎦᎵᏍᏙᏒᎡᎩ.
18
ᎼᏏᏃ ᏚᏲᎯᏎᎸᎩ ᎿᏉ ᎤᏍᏆᏛ ᎤᎵᏃᎮᏗᏍᎬ ᎣᏓᎸ ᏌᎾᏱ, ᏔᎵ ᏗᏯᏖᎾ, ᏗᎧᎿᏩᏛᏍᏗ ᎪᏪᎸᎢ, ᏗᏯᏖᎾ ᏅᏯ ᏗᎪᏢᏔᏅᎯ, ᏗᎪᏪᎵ ᎤᏁᎳᏅᎯ ᎦᏰᏌᏛ ᎬᏔᏅᎯ ᎪᏪᎳᏅᎯ.
Ayadolvi 31
1
yihowano mosi unetselvgi hia nuwesvgi,
2
gvniyuquo dudov tsiyanvhv quetsalili yula uwetsi, nasgi hali uwetsi, tsudasi anilasdalv nvdayudalenvhi
3
ale akalii tsinelv unelanvhi udanvdo, nasgi asinasani gesv, ale golisdi gesv, ale agatanai gesvi, ale nudalesv gotlvnvdi gesvi
se
ayasdi usquanigodi digalvwisdanedi gesvi, adelv dalonige gotlvnvdi gesvi, ale adelv unegv, ale vtsayi
5
ale nvya diyolanvhi digagodi, ale ada gotlvnvvsgi nudalesv gotlvnvdi gesvi
6
ale ayv, gvniyuquo detsiyosv nasquo eholiaqui, ahisamagi uwetsi, deni anilasdalv tsuyvwi; ale naniv anisinasani dotsunadanvdvi, agadovhisdi gesv gatsilanelv, nasgi unotlvdiyi nudalesv gvnetselvhi tsigi;
7
galitsodv digalawiisdiyi ale ganesai dikahnawadvsdi digalodiyi, ale gutlvdi nasgi nahnani, ale nigadv gohusdi gvtanidasdi dulitsodvi,
8
ale gasgilo ale nahna gohusdi gvtanidasdi, ale gohusdi nasuyvna ditsvsdodi digagodiyi, ale gohusdi digvtanidasdi, ale dusgilo gawasvgi gvdodiyi
9
ale atsilv gelasdiyi, ale nigadv nahna gohusdi digvtanidasdi, digosulediyino ale nasgi atlodiyi
10
ale dinuwo dunilvwisdanehv dinuwosdi; ale digalvquodi dinuwo elani atsilv gelohi tsunuwosdi, ale tsunanuwo nasgi tsuwetsi, tsunilvwisdanediyi atsilv-gelohi tsunilvwisdanedi gesvi
11
ale atlonedi goi, ale uganasdv gawasvgi, nahna galvquodi gesv gvdodi, nasgiya nudalesv gvnetselv, nasgi iyunadvnedi gesesdi
12
yihowano unetselvgi mosi hia nuwesvgi,
13
ginetsi nasquo isili tsuwetsi, hia nigiwesi, ase unadodaquasgv diquatseli ditsisquanigododi gesesdi; nasgiyeno diganelododi ayv nihino nigohilv itsadanetliyvsegvi; nasgi itsigadovhisdiyi ayv yihowa galvquodiyu itsvyvnehi gesvi
1se
nasgi iyusdi itsisquanigodesdi unadodaquasgvi; galvquodiyu itsiyelvsesdi; naniv gilo ayosdisgesdi ase atsiisdi gesesdi; giloyeno gohusdi advnehesdi nahiyu gesvi nasgi yvwi atsidvdodi gesesdi udasuyv utseligohi yvwi.
15
sudali iga digalvwisdanedi gesesdi; galiquoginesgini unadodaquasgv atsawesolvsdodiyi gesvi, yihowa galvquodanelvhi; gilo gohusdi advnehesdi una dodaquasgv iga gesvi, ase atsiisdi gesesdi
16
nasgi iyusdi isili tsuwetsi unisquanigododi gesesdi una dodaquasgvi, unagasayasdodiyi una dodaquasgv nigohilv anadanetliyvsegvi, wusditsihisdi nigesvna kanohedv datlohisdvi
17
hia nasgi diganelododi ayv isilino tsuwetsi nigohilvi; sudaliquoyeno iga dulvwisdanelvgi yihowa uwotlvnvgi galvlo ale elohi, galiquogineno iga uyawesolvgi, ale ugalisdosvegi
18
mosino duyohiselvgi hnaquo usquadv ulinohedisgv odalv sanayi, tali diyatena, dikahnawadvsdi gowelvi, diyatena nvya digotlvtanvhi, digoweli unelanvhi gayesadv gvtanvhi gowelanvhi