Exodus 27
EXODUS
ᎼᏏ ᏔᎵᏁ ᎤᏬᏪᎳᏅᎯ
Mo-si Ta-li-ne u-wo-we-la-nv-hi
Mosi Taline uwowelanvhi
ᎠᏯᏙᎸᎢ 27
1
ᎠᎴ ᎰᏢᏅᎭ ᎠᏥᎸ-ᎨᎳᏍᏗᏱ ᎠᏓᎬᎿᎨ ᎰᏢᏔᏅᎭ, ᎯᏍᎩ ᎢᏯᎩᏳᏍᏈᏛ ᏂᎦᏅᎯᏎᏍᏗ, ᎠᎴ ᎯᏍᎩ ᎢᏯᎩᏳᏍᏈᏛ ᎾᏯᏛᎡᏍᏗ, ᎦᏌᏆᎸ ᎨᏎᏍᏗ ᎠᏥᎸ-ᎨᎳᏍᏗᏱ; ᏦᎢᏃ ᎢᏯᎩᏳᏍᏈᏛ ᏂᎦᏖᏍᏗ.
2
ᏕᎤᎷᎬᏃ ᏅᎩ ᏂᏚᏅᏏᏴ ᏗᏣᎪᏗ ᎨᏎᏍᏗ; ᏕᎤᎷᎬ ᎤᏠᏱᏉ ᎨᏎᏍᏗ; ᎥᎶᏱᏃ ᏧᏢᏙᏗ ᎨᏎᏍᏗ.
3
ᏗᏦᏢᏗᏃ ᎨᏎᏍᏗ ᎪᏍᏚ ᎦᎶᏗ, ᎠᎴ ᎪᏕᏍᏗ, ᎠᎴ ᏗᏖᎵᏙ, ᎠᎴ ᎭᏫᏯ ᎦᏂᏴᏙᏗ, ᎠᎴ ᎠᏥᎸ ᎦᎶᏗ; ᏂᎦᏛ ᎾᎿ ᎪᎱᏍᏗ ᎬᏔᏂᏓᏍᏗ ᎥᏣᏱ ᏗᏦᏢᏙᏗ ᎨᏎᏍᏗ.
Ꮞ
ᎠᎴ ᏦᏢᏗ ᎨᏎᏍᏗ ᎠᎦᏯᎷᏗ ᎢᏳᏍᏗ ᎥᏣᏱ ᎪᏢᏔᏅᎯ; ᎾᎿᏃ ᏅᎩ ᏂᏚᏅᏏᏴ ᏅᎩ ᏧᏓᏆᏙᎩ ᎥᏣᏱ ᏗᎪᏢᏔᏅᎯ ᏗᏣ ᏙᏗ ᎨᏎᏍᏗ.
5
ᎾᏍᎩᏃ ᎠᏥᎸ ᎨᎳᏍᏗᏱ ᎤᎦᏌᏛᎢ ᎭᏫᏂᏗᏢ ᏣᏄᏴᏙᏗ ᎨᏎᏍᏗ, ᎾᏍᎩ ᎠᎦᏯᎷᏗ ᎢᏳᏍᏗ ᎠᏥᎸ ᎨᎳᏍᏗᏱ ᎠᏰᎵ ᎢᏴᏛ ᏫᎬᏩᎵᏍᏗᏍᏗ ᎨᏎᏍᏗ.
6
ᎦᏅᏍᏙᏗᏃ ᎠᏥᎸ ᎨᎳᏍᏗᏱ ᏗᏦᏢᏗ ᎨᏎᏍᏗ, ᎾᏍᎩ ᎦᏅᏍᏙᏗ ᎠᏓ-ᎬᎿᎨ ᏗᎪᏢᏔᏅᎯ, ᎠᎴ ᎥᏣᏱ ᏗᎫᏢᏔᏅᎯ.
7
ᎦᏅᏍᏙᏗᏃ ᏧᏓᏆᏉᎩ ᏕᎦᏛ ᏗᎫᏍᏙᏍᏗ ᎨᏎᏍᏗ, ᎠᎴ ᎢᏧᎳᏗᏢ ᏗᏍᏆᎨᏂ ᎠᏥᎸ-ᎨᎳᏍᏗᏱ ᎦᏅᏍᏙᏗ ᏓᏞᏍᏗ, ᎾᏍᎩ ᎠᏥᎸ-ᎨᎳᏍᏗᏱ ᎠᏴᏍᏙᏗ.
8
ᎤᏒᏙᏂ ᏅᏁᎸᎭ ᏧᏯᏖᎾ ᎰᏢᏔᏅᎭ; ᎾᏍᎩᏯ ᏤᏣᎾᏄᎪᏫᏎᎸ ᎣᏓᎸᎢ, ᎾᏍᎩᏯ ᎢᏳᏅᏁᏗ ᎤᏃᏢᏗ ᎨᏎᏍᏗ.
9
ᎠᎴ ᎣᏂ ᎰᏢᏅᎭ ᎯᎠ ᎾᏍᎩ ᎦᎵᏦᏛ ᎤᏚᏫᏛ; ᎠᏍᏆᎨᏂ ᏧᎦᏅᏮ ᎢᏗᏢ ᎠᏰᏙᎳᏕᏍᏗ ᎠᏂ ᎾᏍᎩ ᎣᏂ; ᎤᏏᏙᎵ ᎤᏥᎸᎢ ᏗᏏᏓᎵ ᎨᏎᏍᏗ, ᎠᏍᎪᎯᏧᏈ ᎢᏯᎩᏳᏍᏈᏛ ᏂᎦᏅᎯᏎᏍᏗ ᏌᏉ ᎢᏗᏢ ᎠᏍᏆᎨᏂ.
10
ᏔᎳᏍᎪᎯᏃ ᏗᎦᎫᏍᏛᏗ ᎠᎴ ᎾᏍᎩ ᏔᎳᏍᎪᎯ. ᏓᏔᎴᏒ ᎥᏣᏱ ᏗᎪᏢᏔᏅᎯ ᎨᏎᏍᏗ; ᏗᎦᏙᏌᏗᏍᏗᏱᏃ ᎠᎴ ᎤᏯᏅᎯ ᏗᎦᎫᏍᏛᏗᏱ ᏤᎯ, ᎠᎦᎸ ᎤᏁᎬ ᏗᎪᏢᏔᏅᎯ ᎨᏎᏍᏗ.
11
ᎠᎴ ᎾᏍᏉ ᏧᏴᏢ ᎢᏗᏢ ᎠᏰᏙᎳᏕᏍᏗ ᎠᏍᎪᎯᎫᏈ ᎢᏍᎩᏳᏍᏈᏛ ᏂᎦᏅᎯᏎᏍᏗ; ᎠᎴ ᏗᎦᎫᏍᏛᏗ ᏔᎳᏍᎪᎯ ᎨᏎᏍᏗ, ᎠᎴ ᏔᎳᏍᎪᎯ ᏓᏔᎴᏒ ᎥᏣᏱ ᏗᎪᏢᏔᏅᎯ; ᏗᎦᏙᏌᏗᏍᏗᏱᏃ ᎠᎴ ᎤᏯᏅᎯ ᏗᎦᎫᏍᏛᏗᏱ ᏤᎯ, ᎠᏕᎸ ᎤᏁᎬ ᏗᎪᏢᏔᏅᎯ ᎨᏎᏍᏗ.
12
ᎾᏯᏛᎥᏃ ᎣᏂ ᏭᏕᎵᎬ ᎢᏗᏢ ᏓᏰᏙᎳᏕᏍᏗ ᎯᏍᎪᏍᎪᎯ ᎢᏯᎩᏳᏍᏈᏛ; ᏗᎦᎫᏍᏛᏗ ᎠᏍᎪᎯ ᎨᏎᏍᏗ, ᎠᎴ ᎾᏍᎩ ᏓᏔᎴᏒ ᎠᏍᎪᏂᎯ ᎨᏎᏍᏗ.
13
ᎾᏯᏛᎥᏃ ᎣᏂ ᏗᎧᎸᎬ ᎢᏗᏢ, ᎯᏍᎦᏍᎪᎯ ᎢᏯᎩᏅᏳᏍᏈᏛ ᎨᏎᏍᏗ.
1Ꮞ
ᏓᏰᏙᎳᏛ ᏌᏉ ᎢᏗᏢ [ᎦᎶᎯᏍᏗᏱ] ᎯᏍᎩᎦᏚ ᎢᏯᎩᏳᏍᏈᏛ ᏂᏕᎦᏅᎯᏎᏍᏗ: ᏗᏕᎫᏍᏛᏗ ᏦᎢ ᏂᎦᎡᏍᏗ, ᎠᎴ ᏓᏔᎴᏒ ᏦᎢ.
15
ᎠᎴ ᎠᎢᏗᏢ ᏓᏰᏙᎳᏕᏍᏗ ᎯᏍᎩᎦᏚ ᎢᏯᎩᏳᏍᏈᏛ ᎢᏗᎦᏅᎯᏛ; ᏗᎦᎫᏍᏛᏗ ᏦᎢ ᏂᎦᎡᏍᏗ, ᎠᎴ ᏓᏔᎴᏒ ᏦᎢ ᏂᎦᎡᏍᏗ.
16
ᎦᎶᎯᏍᏗᏱᏃ ᎪᏢᏒ ᎦᎵᏦᏛ ᎠᏰᏙᎳᏕᏍᏗ ᏔᎳᏍᎪᎯ ᎢᏯᎩᏳᏍᏈᏛ ᎢᎦᏅᎯᏛ, ᏕᎭᎷᎨ ᎠᎴ ᎩᎦᎨ, ᎠᎴ ᎤᏍᎪᏍᏛ ᎩᎦᎨ, ᎠᎴ ᎤᏏᏙᎵ ᎤᏥᎸ ᏗᏏᏓᎵ ᎨᏎᏍᏗ, ᎪᏪᎳᏅᎯ ᏴᎩ ᎦᏰᏫᏍᏗ ᎬᏔᏅᎯ; ᏗᏕᎫᏍᏛᏗ ᏅᎩ ᎨᏎᏍᏗ ᎠᎴ ᏓᏔᎴᏒ ᏅᎩ.
17
ᏂᎦᏛᏃ ᏗᎦᎫᏍᏛᏗ ᎦᎵᏦᏛ ᎬᏩᏚᏫᏛ ᎤᏯᏅᎯ ᎠᏕᎸ ᎤᏁᎬ ᏗᎪᏢᏔᏅᎯ ᏂᏕᎬᏁᏕᏍᏗ; ᏗᎦᏙᏌᏏᏍᏗᏱ ᎠᏕᎸ ᎤᏁᎬ ᏗᎪᏢᏔᏅᎯ ᎨᏎᏍᏗ, ᎠᎴ ᏓᏔᎴᏒ ᎾᎿ ᏗᎫᏍᏙᏍᏗᏱ ᎥᏣᏱ ᏗᎪᏢᏔᏅᎯ ᎨᏎᏍᏗ.
18
ᎣᏂ ᎠᏍᎪᎯᏧᏈ ᎢᏯᎩᏳᏍᏈᏛ ᏂᎦᏅᎯᏎᏍᏗ, ᎾᏯᏛᎥᏃ ᎯᏍᎦᏍᎪᎯ ᎨᏎᏍᏗ ᏂᎦᎥᎢ, ᏂᎦᏛᎢᏃ ᎯᏍᎩ ᎢᏯᎩᏳᏍᏈᏛ ᎨᏎᏍᏗ, ᎪᏢᏔᏅᎯ ᎤᏏᏙᎵ ᎤᏥᎸ ᏗᏏᏓᎵ, ᏓᏔᎴᏒᏃ ᎾᎿ ᏗᎫᏍᏙᏍᏗᏱ ᎥᏣᏱ ᏗᎪᏢᏔᏅᎯ ᎨᏎᏍᏗ.
19
ᏂᎦᏛ ᎪᎱᏍᏗ ᏗᎬᏁᏗ ᎦᎵᏦᏛᎢ ᎾᎿ ᏄᏓᎴᏒ ᏗᎦᎸᏫᏍᏓᏁᏗ ᎨᏒᎢ, ᎠᎴ ᏂᎦᏛ ᎾᎿ ᏗᎨᏘᏂᏓᏍᏗ, ᎠᎴ ᏂᎦᏛ ᎣᏂ ᏗᎨᏘᏂᏓᏍᏗ ᎥᏣᏱ ᏗᎪᏢᏔᏅᎯ ᎨᏎᏍᏗ.
20
ᏂᎯᏃ ᏘᏁᏤᏗ ᎨᏎᏍᏗ ᎢᏏᎵ ᏧᏪᏥ, ᎾᏍᎩ ᎨᏣᏁᏦᎮᏗᏱ ᎪᎱᏍᏗ ᎾᏑᏴᎾ ᎣᎵᏩ ᎪᎢ ᎦᏅᏆᎶᎥᎯ ᎢᎦ ᎦᏘᏍᏙᏗ, ᎾᏍᎩ ᎢᏳᏩᏂᏐᏗᏱ ᎤᏓᏪᎵᎩᏍᏗᏱ ᎠᏨᏍᏙᏗ ᏂᎪᎯᎸᎢ.
21
ᎦᎵᏦᏛ ᎭᏫᏂᏗᏢ ᏗᎦᎳᏫᎢᏍᏗᏱ, ᎠᏰᏙᎳᏛ ᏙᏱᏗᏢ, ᎾᏍᎩ ᏗᎧᎿᏩᏛᏍᏗ ᎠᎲᎢ ᎢᎬᏱᏗᏢ, ᎡᎳᏂ ᎾᏍᎩᏃ ᏧᏪᏥ ᎣᏍᏛ ᎢᏳᏅᏁᏗ ᎨᏎᏍᏗ ᎤᏒ ᎤᏓᎴᏅᏛ ᏑᎾᎴ ᎬᏗᏍᎩ ᏱᎰᏩ ᎠᎦᏔᎲᎢ. ᎾᏍᎩ ᏂᎪᎯᎸ ᏧᏂᎧᎿᏩᏛᏍᏗ ᎨᏎᏍᏗ ᎠᎾᏓᏁᏟᏴᏏᏒ ᏑᎾᏓᏡᎩ ᎨᏒ ᎢᏏᎵ ᏧᏪᏥ
Exodus 27 King James Version (KJV)
1 And thou shalt make an altar of shittim wood, five cubits long, and five cubits broad; the altar shall be foursquare: and the height thereof shall be three cubits.
2 And thou shalt make the horns of it upon the four corners thereof: his horns shall be of the same: and thou shalt overlay it with brass.
3 And thou shalt make his pans to receive his ashes, and his shovels, and his basons, and his fleshhooks, and his firepans: all the vessels thereof thou shalt make of brass.
4 And thou shalt make for it a grate of network of brass; and upon the net shalt thou make four brasen rings in the four corners thereof.
5 And thou shalt put it under the compass of the altar beneath, that the net may be even to the midst of the altar.
6 And thou shalt make staves for the altar, staves of shittim wood, and overlay them with brass.
7 And the staves shall be put into the rings, and the staves shall be upon the two sides of the altar, to bear it.
8 Hollow with boards shalt thou make it: as it was shewed thee in the mount, so shall they make it.
9 And thou shalt make the court of the tabernacle: for the south side southward there shall be hangings for the court of fine twined linen of an hundred cubits long for one side:
10 And the twenty pillars thereof and their twenty sockets shall be of brass; the hooks of the pillars and their fillets shall be of silver.
11 And likewise for the north side in length there shall be hangings of an hundred cubits long, and his twenty pillars and their twenty sockets of brass; the hooks of the pillars and their fillets of silver.
12 And for the breadth of the court on the west side shall be hangings of fifty cubits: their pillars ten, and their sockets ten.
13 And the breadth of the court on the east side eastward shall be fifty cubits.
14 The hangings of one side of the gate shall be fifteen cubits: their pillars three, and their sockets three.
15 And on the other side shall be hangings fifteen cubits: their pillars three, and their sockets three.
16 And for the gate of the court shall be an hanging of twenty cubits, of blue, and purple, and scarlet, and fine twined linen, wrought with needlework: and their pillars shall be four, and their sockets four.
17 All the pillars round about the court shall be filleted with silver; their hooks shall be of silver, and their sockets of brass.
18 The length of the court shall be an hundred cubits, and the breadth fifty every where, and the height five cubits of fine twined linen, and their sockets of brass.
19 All the vessels of the tabernacle in all the service thereof, and all the pins thereof, and all the pins of the court, shall be of brass.
20 And thou shalt command the children of Israel, that they bring thee pure oil olive beaten for the light, to cause the lamp to burn always.
21 In the tabernacle of the congregation without the vail, which is before the testimony, Aaron and his sons shall order it from evening to morning before the Lord: it shall be a statute for ever unto their generations on the behalf of the children of Israel.
King James Version (KJV)
Public Domain
Ayadolvi 27
1
ale hotlvnvha atsilv-gelasdiyi adagvhnage hotlvtanvha, hisgi iyagiyusquidv niganvhisesdi, ale hisgi iyagiyusquidv nayadvesdi, gasaqualv gesesdi atsilv-gelasdiyi; tsoino iyagiyusquidv nigatesdi
2
deulugvno nvgi nidunvsiyv ditsagodi gesesdi; deulugv utloyiquo gesesdi; vloyino tsutlvdodi gesesdi
3
ditsotlvdino gesesdi gosdu galodi, ale godesdi, ale ditelido, ale hawiya ganiyvdodi, ale atsilv galodi; nigadv nahna gohusdi gvtanidasdi vtsayi ditsotlvdodi gesesdi
se
ale tsotlvdi gesesdi agayaludi iyusdi vtsayi gotlvtanvhi; nahnano nvgi nidunvsiyv nvgi tsudaquadogi vtsayi digotlvtanvhi ditsa dodi gesesdi
5
nasgino atsilv gelasdiyi ugasadvi hawiniditlv tsanuyvdodi gesesdi, nasgi agayaludi iyusdi atsilv gelasdiyi ayeli iyvdv wigvwalisdisdi gesesdi
6
ganvsdodino atsilv gelasdiyi ditsotlvdi gesesdi, nasgi ganvsdodi ada-gvhnage digotlvtanvhi, ale vtsayi digutlvtanvhi.
7
ganvsdodino tsudaquaquogi degadv digusdosdi gesesdi, ale itsuladitlv disquageni atsilv-gelasdiyi ganvsdodi datlesdi, nasgi atsilv-gelasdiyi ayvsdodi
8
usvdoni nvnelvha tsuyatena hotlvtanvha; nasgiya tsetsananugowiselv odalvi, nasgiya iyunvnedi unotlvdi gesesdi
9
ale oni hotlvnvha hia nasgi galitsodv uduwidv; asquageni tsuganvwv iditlv ayedoladesdi ani nasgi oni; usidoli utsilvi disidali gesesdi, asgohitsuqui iyagiyusquidv niganvhisesdi saquo iditlv asquageni
10
talasgohino digagusdvdi ale nasgi talasgohi datalesv vtsayi digotlvtanvhi gesesdi; digadosadisdiyino ale uyanvhi digagusdvdiyi tsehi, agalv unegv digotlvtanvhi gesesdi
11
ale nasquo tsuyvtlv iditlv ayedoladesdi asgohiguqui isgiyusquidv niganvhisesdi; ale digagusdvdi talasgohi gesesdi, ale talasgohi datalesv vtsayi digotlvtanvhi; digadosadisdiyino ale uyanvhi digagusdvdiyi tsehi, adelv unegv digotlvtanvhi gesesdi.
12
nayadvvno oni wudeligv iditlv dayedoladesdi hisgosgohi iyagiyusquidv; digagusdvdi asgohi gesesdi, ale nasgi datalesv asgonihi gesesdi
13
nayadvvno oni dikalvgv iditlv, hisgasgohi iyaginvyusquidv gesesdi
1se
dayedoladv saquo iditlv [galohisdiyi] hisgigadu iyagiyusquidv nideganvhisesdi: didegusdvdi tsoi nigaesdi, ale datalesv tsoi
15
ale aiditlv dayedoladesdi hisgigadu iyagiyusquidv idiganvhidv; digagusdvdi tsoi nigaesdi, ale datalesv tsoi nigaesdi
16
galohisdiyino gotlvsv galitsodv ayedoladesdi talasgohi iyagiyusquidv iganvhidv, dehaluge ale gigage, ale usgosdv gigage, ale usidoli utsilv disidali gesesdi, gowelanvhi yvgi gayewisdi gvtanvhi; didegusdvdi nvgi gesesdi ale datalesv nvgi
17
nigadvno digagusdvdi galitsodv gvwaduwidv uyanvhi adelv unegv digotlvtanvhi nidegvnedesdi; digadosasisdiyi adelv unegv digotlvtanvhi gesesdi, ale datalesv nahna digusdosdiyi vtsayi digotlvtanvhi gesesdi.
18
oni asgohitsuqui iyagiyusquidv niganvhisesdi, nayadvvno hisgasgohi gesesdi nigavi, nigadvino hisgi iyagiyusquidv gesesdi, gotlvtanvhi usidoli utsilv disidali, datalesvno nahna digusdosdiyi vtsayi digotlvtanvhi gesesdi
19
nigadv gohusdi digvnedi galitsodvi nahna nudalesv digalvwisdanedi gesvi, ale nigadv nahna digetinidasdi, ale nigadv oni digetinidasdi vtsayi digotlvtanvhi gesesdi
20
nihino tinetsedi gesesdi isili tsuwetsi, nasgi getsanetsohediyi gohusdi nasuyvna oliwa goi ganvqualovhi iga gatisdodi, nasgi iyuwanisodiyi udaweligisdiyi atsvsdodi nigohilvi
21
galitsodv hawiniditlv digalawiisdiyi, ayedoladv doyiditlv, nasgi dikahnawadvsdi ahvi igvyiditlv, elani nasgino tsuwetsi osdv iyunvnedi gesesdi usv udalenvdv sunale gvdisgi yihowa agatahvi nasgi nigohilv tsunikahnawadvsdi gesesdi anadanetliyvsisv sunadatlugi gesv isili tsuwetsi