EXODUS 21
EXODUS 21
ᎼᏏ ᏔᎵᏁ ᎤᏬᏪᎳᏅᎯ 21
Mo-si Ta-li-ne u-wo-we-la-nv-hi 21
Mosi Taline uwowelanvhi 21
Exodus 21:1-36 King James Version (KJV)
ᎠᏯᏙᎸᎢ 21:1-36
Ayadolvi 21:1-36
A-ya-do-lv-i 21:1-36
Exodus 21:1
Now these are the judgments which thou shalt set before them.
ᎠᏯᏙᎸᎢ 21:1
ᎾᏍᎩᏃ ᎯᎠ ᏗᎧᎿᏩᏛᏍᏗ ᎾᏍᎩ ᎬᏂᎨᏒ ᎢᎩᏴᏁᏗ ᎨᏒᎢ.
Ayadolvi 21:1
nasgino hia dikahnawadvsdi nasgi gvnigesv igiyvnedi gesvi
Exodus 21:2
If thou buy an Hebrew servant, six years he shall serve: and in the seventh he shall go out free for nothing.
ᎠᏯᏙᎸᎢ 21:2
ᎢᏳᏃ ᎠᎫᏏ ᎯᏅᏏᏓᏍᏗ ᎢᎯᏩᏒᎭ, ᏑᏓᎵ ᏧᏕᏘᏴᏛ ᎪᎱᏍᏗ ᎤᏛᏁᏗ ᎨᏎᏍᏗ; ᎦᎵᏉᎩᏁᏃ ᎤᏕᏘᏴᏌᏗᏒ ᎾᏥᎾᏝᎥᎾ ᎤᏄᎪᎢᏍᏗ ᎨᏎᏍᏗ ᎪᎱᏍᏗ ᏄᎫᏴᎲᎾ.
Ayadolvi 21:2
iyuno agusi hinvsidasdi ihiwasvha, sudali tsudetiyvdv gohusdi udvnedi gesesdi; galiquogineno udetiyvsadisv natsinatlavna unugoisdi gesesdi gohusdi nuguyvhvna
Exodus 21:3
If he came in by himself, he shall go out by himself: if he were married, then his wife shall go out with him.
ᎠᏯᏙᎸᎢ 21:3
ᎢᏳᏃ ᎤᏩᏒᏉ ᎤᎷᏨᎯ ᏱᎩ, ᎤᏩᏒᏉ ᎤᏄᎪᎢᏍᏗ ᎨᏎᏍᏗ; ᎢᏳᏃ ᎤᏓᎵ ᏱᎩ, ᎿᏉ ᎤᏓᎵᎢ ᎤᏂᏄᎪᎢᏍᏗ ᎨᏎᏍᏗ.
Ayadolvi 21:3
iyuno uwasvquo ulutsvhi yigi, uwasvquo unugoisdi gesesdi; iyuno udali yigi, hnaquo udalii uninugoisdi gesesdi
Exodus 21:4
If his master have given him a wife, and she have born him sons or daughters; the wife and her children shall be her master's, and he shall go out by himself.
ᎠᏯᏙᎸᎢ 21:Ꮞ
ᎢᏳᏃ ᎤᎾᏝᎢ ᏳᏪᎧᏁᎸ ᎤᏓᎵᎢ, ᎾᏍᎩᏃ ᏱᏚᎾᏄᎪᏫᏎᎸ ᏧᏪᏥ ᎠᏂᏍᎦᏯ ᎠᎴ ᎠᏂᎨᏴ;: ᎠᎨᏴ ᎠᎴ ᏧᏪᏥ ᎤᏓᎾᏝᎢ ᏧᏤᎵ ᎨᏎᏍᏗ, ᎤᏩᏒᏉᏃ ᎤᏄᎪᎢᏍᏗ ᎨᏎᏍᏗ.
Ayadolvi 21:4
iyuno unatlai yuwekanelv udalii, nasgino yidunanugowiselv tsuwetsi anisgaya ale anigeyv;: ageyv ale tsuwetsi udanatlai tsutseli gesesdi, uwasvquono unugoisdi gesesdi
Exodus 21:5
And if the servant shall plainly say, I love my master, my wife, and my children; I will not go out free:
ᎠᏯᏙᎸᎢ 21:5
ᎠᏥᎾᏝᎢᏃ ᎬᏂᎨᏒ ᎢᏳ ᎯᎠ ᏱᏄᏪᏒ, ᎠᎩᎾᏝᎢ ᏥᎨᏳᎠ, ᎠᏆᏓᎵᎢ, ᎠᎴ ᏗᏇᏥ; ᎥᏝ ᏅᎩᎾᏝᎥᎾ ᏴᎦᏥᏄᎪᎢ:
Ayadolvi 21:5
atsinatlaino gvnigesv iyu hia yinuwesv, aginatlai tsigeyua, aquadalii, ale diquetsi; vtla nvginatlavna yvgatsinugoi:
Exodus 21:6
Then his master shall bring him unto the judges; he shall also bring him to the door, or unto the door post; and his master shall bore his ear through with an aul; and he shall serve him for ever.
ᎠᏯᏙᎸᎢ 21:6
ᎿᏉ ᎾᏍᎩ ᎤᎾᏝᎢ ᎤᏘᏃᎯᏍᏗ ᎨᏎᏍᏗ ᎤᏁᎳᏅᎯᏱ; ᎠᎴ ᎾᏍᏉ ᎦᎶᎯᏍᏗᏱ ᎠᎴ ᎦᎶᎯᏍᏗᏱ ᎦᏯᎸ ᎤᏘᏃᎯᏍᏗ ᎨᏎᏍᏗ; ᎤᎾᏝᎢᏃ ᏴᎩ ᎬᏗ ᎤᏔᎴᏎᏗ ᎨᏎᏍᏗ ᎦᎴᏂ,; ᏂᎪᎯᎸᏃ ᎠᏥᎾᏢᏗ ᎨᏎᏍᏗ.
Ayadolvi 21:6
hnaquo nasgi unatlai utinohisdi gesesdi unelanvhiyi; ale nasquo galohisdiyi ale galohisdiyi gayalv utinohisdi gesesdi; unatlaino yvgi gvdi utalesedi gesesdi galeni,; nigohilvno atsinatlvdi gesesdi
Exodus 21:7
And if a man sell his daughter to be a maidservant, she shall not go out as the menservants do.
ᎠᏯᏙᎸᎢ 21:7
ᎢᏳᏃ ᎩᎶ ᎠᏍᎦᏯ ᎤᏪᏥ ᎠᎨᏴ ᏳᎾᏗᏅ, ᎠᏥᎾᏝᎢ ᎢᏳᎵᏍᏙᏗᏱ, ᎥᏝ ᎠᏂᏍᎦᏯ ᏗᎨᏥᎾᏝᎢ ᎠᏂᏄᎪᎬ ᎾᏍᎩᏯ ᎬᏩᏄᎪᎢᏍᏗ ᏱᎨᏎᏍᏗ.
Ayadolvi 21:7
iyuno gilo asgaya uwetsi ageyv yunadinv, atsinatlai iyulisdodiyi, vtla anisgaya digetsinatlai aninugogv nasgiya gvwanugoisdi yigesesdi.
Exodus 21:8
If she please not her master, who hath betrothed her to himself, then shall he let her be redeemed: to sell her unto a strange nation he shall have no power, seeing he hath dealt deceitfully with her.
ᎠᏯᏙᎸᎢ 21:8
ᎢᏳᏃ ᎣᏏᏳ ᏄᏰᎸᏒᎾ ᏱᎩ ᎤᎾᏝᎢ, ᎾᏍᎩ ᎤᏓᏴᏍᏗᏱ ᎤᏁᏨᎢ, ᎿᏉ ᎤᏁᎳᎩ ᎤᏪᎵᏍᏗ ᎨᏎᏍᏗ ᎠᎦᎫᏴᏗᏱ; ᏅᏩᎾᏓᎴᏍᎩᏂ ᏴᏫ ᎥᏝ ᏳᎮᏍᏗ ᏧᏪᎧᏁᏗᏱ, ᎤᎶᎾᏍᏔᏅᎢ ᎢᏳᏍᏗ.
Ayadolvi 21:8
iyuno osiyu nuyelvsvna yigi unatlai, nasgi udayvsdiyi unetsvi, hnaquo unelagi uwelisdi gesesdi agaguyvdiyi; nvwanadalesgini yvwi vtla yuhesdi tsuwekanediyi, ulonastanvi iyusdi
Exodus 21:9
And if he have betrothed her unto his son, he shall deal with her after the manner of daughters.
ᎠᏯᏙᎸᎢ 21:9
ᎢᏳ ᎠᎴ ᎠᏍᎦᏯ ᎤᏪᏥ ᎤᏓᏴᏍᏗᏱ ᎤᏁᏨᎯ ᏱᎩ, ᎠᏂᎨᏴ ᎨᎦᏅᎩ ᎢᎨᎦᏛᏁᏗ ᎨᏒ ᎾᏍᎩᏯ ᎢᏳᏛᏁᏗ ᎨᏎᏍᏗ.
Ayadolvi 21:9
iyu ale asgaya uwetsi udayvsdiyi unetsvhi yigi, anigeyv geganvgi igegadvnedi gesv nasgiya iyudvnedi gesesdi
Exodus 21:10
If he take him another wife; her food, her raiment, and her duty of marriage, shall he not diminish.
ᎠᏯᏙᎸᎢ 21:10
ᎢᏳᏃ ᏅᏩᏓᎴ ᎠᏓᏰᎨᏍᏗ, ᎤᎵᏍᏓᏴᏗ, ᏧᏄᏬᎢ, ᎠᎴ ᏚᏳᎪᏛ ᎢᏯᏛᏁᏗ ᎨᏒ ᏛᏤᎲ, ᎥᏝ ᎤᎪᎳᏕᏗ ᏱᎨᏎᏍᏗ.
Ayadolvi 21:10
iyuno nvwadale adayegesdi, ulisdayvdi, tsunuwoi, ale duyugodv iyadvnedi gesv dvtsehv, vtla ugoladedi yigesesdi
Exodus 21:11
And if he do not these three unto her, then shall she go out free without money.
ᎠᏯᏙᎸᎢ 21:11
ᎢᏳᏃ ᎾᏍᎩ ᏦᎢ ᎢᏳᏓᎴᎩ ᏄᏛᏁᎸᎾ ᏱᎩ, ᎿᏉ ᎠᏎᏉ ᎤᏄᎪᎢᏍᏗ ᎨᏎᏍᏗ ᎠᏕᎸ ᏄᎫᏴᏔᏅᎾ.
Ayadolvi 21:11
iyuno nasgi tsoi iyudalegi nudvnelvna yigi, hnaquo asequo unugoisdi gesesdi adelv nuguyvtanvna
Exodus 21:12
He that smiteth a man, so that he die, shall be surely put to death.
ᎠᏯᏙᎸᎢ 21:12
ᎩᎶ ᏴᏫ ᎢᎬᏂᎮᏍᏗ ᎾᏍᎩᏃ ᎠᏲᎢᏍᎨᏍᏗ, ᎠᏎ ᎤᏲᎱᎯᏍᏗ ᎨᏎᏍᏗ.
Ayadolvi 21:12
gilo yvwi igvnihesdi nasgino ayoisgesdi, ase uyohuhisdi gesesdi
Exodus 21:13
And if a man lie not in wait, but God deliver him into his hand; then I will appoint thee a place whither he shall flee.
ᎠᏯᏙᎸᎢ 21:13
ᎢᏳᏃ ᎠᏎ ᎾᏍᎩ ᏄᏛᏁᎸᎾ ᎢᎨᏎᏍᏗ, ᎤᏁᎳᏅᎯᏉᏍᎩᏂ ᏱᏚᏲᎯᏎᎸ; ᎿᏉ ᏓᎬᏯᏎᎮᎵ ᏭᎶᎯᏍᏗᏱ ᎤᎵᏘᏍᏗᏱ.
Ayadolvi 21:13
iyuno ase nasgi nudvnelvna igesesdi, unelanvhiquosgini yiduyohiselv; hnaquo dagvyaseheli wulohisdiyi ulitisdiyi.
Exodus 21:14
But if a man come presumptuously upon his neighbour, to slay him with guile; thou shalt take him from mine altar, that he may die.
ᎠᏯᏙᎸᎢ 21:1Ꮞ
ᎢᏳᏍᎩᏂ ᎩᎶ ᎠᏎ ᎤᏚᎸᏛ ᎨᏒ ᏕᎦᎶᏄᎮᏛ ᏳᏩᏔᏅ ᎾᎥ ᎢᏧᎾᏓᎳ ᏳᎸ, ᎯᏯᎧᎲᏍᏗ ᎨᏎᏍᏗ ᎠᏆᏤᎵ ᎠᏥᎸ ᎨᎳᏍᏗᏱ, ᎾᏍᎩ ᎤᏲᎱᎯᏍᏗᏱ.
Ayadolvi 21:14
iyusgini gilo ase udulvdv gesv degalonuhedv yuwatanv nav itsunadala yulv, hiyakahvsdi gesesdi aquatseli atsilv gelasdiyi, nasgi uyohuhisdiyi
Exodus 21:15
And he that smiteth his father, or his mother, shall be surely put to death.
ᎠᏯᏙᎸᎢ 21:15
ᎠᎴ ᎩᎶ ᎤᏙᏓ, ᎠᎴ ᎤᏥ ᎢᎬᏂᎮᏍᏗ, ᎠᏎ ᎤᏲᎱᎯᏍᏗ ᎨᏎᏍᏗ.
Ayadolvi 21:15
ale gilo udoda, ale utsi igvnihesdi, ase uyohuhisdi gesesdi
Exodus 21:16
And he that stealeth a man, and selleth him, or if he be found in his hand, he shall surely be put to death.
ᎠᏯᏙᎸᎢ 21:16
ᎠᎴ ᎩᎶᎢ ᎠᏍᎦᏯ ᎢᎦᏃᏍᎩᏍᎨᏍᏗ, ᎠᎴ ᎢᎦᎾᏕᎨᏍᏗ, ᎠᎴ ᎤᏪᎧᎲᏉ ᎠᏥᏩᏛᎡᎮᏍᏗ, ᎠᏎ ᎤᏲᎱᎯᏍᏗ ᎨᏎᏍᏗ.
Ayadolvi 21:16
ale giloi asgaya iganosgisgesdi, ale iganadegesdi, ale uwekahvquo atsiwadvehesdi, ase uyohuhisdi gesesdi
Exodus 21:17
And he that curseth his father, or his mother, shall surely be put to death.
ᎠᏯᏙᎸᎢ 21:17
ᎠᎴ ᎩᎶᎢ ᎤᏙᏓ ᎠᎴ ᎣᏥ ᏓᏍᎩᏅᏗᏍᎨᏍᏗ, ᎠᏎ ᎤᏲᎱᎯᏍᏗ ᎨᏎᏍᏗ.
Ayadolvi :17
ale giloi udoda ale otsi dasginvdisgesdi, ase uyohuhisdi gesesdi
Exodus 21:18
And if men strive together, and one smite another with a stone, or with his fist, and he die not, but keepeth his bed:
ᎠᏯᏙᎸᎢ 21:18
ᎢᏳ ᎠᎴ ᎠᏂᏍᎦᏯ ᎠᎾᎵᎲᎢ ᎠᏏᏴᏫ ᏐᎢ ᏅᏯ ᏳᏩᏂᏍᏔᏅ, ᎠᎴ ᎠᏍᏈᏅᏉ ᏳᏩᏔᏅ, ᏄᏲᏴᏒᎾᏃ ᏱᎩ, ᏳᏂᏏᏅᏉᏍᎩᏂ;
Ayadolvi 21:18
iyu ale anisgaya analihvi asiyvwi soi nvya yuwanistanv, ale asquinvquo yuwatanv, nuyoyvsvnano yigi, yunisinvquosgini;
Exodus 21:19
If he rise again, and walk abroad upon his staff, then shall he that smote him be quit: only he shall pay for the loss of his time, and shall cause him to be thoroughly healed.
ᎠᏯᏙᎸᎢ 21:19
ᎢᏳᏃ ᏳᏗᏛᎲ, ᎠᎴ ᏙᏱ ᎤᏪᏙᎸ ᏳᏙᎳᏅᏂᏙᎸ, ᎿᏉ ᎾᏍᎩ ᎤᏩᏂᎸᎯ ᎤᏚᏓᎴᏛ ᎨᏎᏍᏗ; ᎤᎫᏴᎡᏗᏍᎩᏂᏃᏅ ᎨᏎᏍᏗ ᎢᎪᎯᏛ ᎤᏲᎱᏎᎸᎢ, ᎠᎴ ᎾᏍᎩ ᎢᏳᏩᏂᏐᏗ ᎨᏎᏍᏗ ᎣᏍᏛ ᎠᏥᏅᏬᏗᏱ.
Ayadolvi 21:19
iyuno yudidvhv, ale doyi uwedolv yudolanvnidolv, hnaquo nasgi uwanilvhi ududaledv gesesdi; uguyvedisgininonv gesesdi igohidv uyohuselvi, ale nasgi iyuwanisodi gesesdi osdv atsinvwodiyi
Exodus 21:20
And if a man smite his servant, or his maid, with a rod, and he die under his hand; he shall be surely punished.
ᎠᏯᏙᎸᎢ 21:20
ᎢᏳᏃ ᎩᎶ ᎠᏍᎦᏯ ᎦᎾᏍᏓ ᏳᏩᏂᏍᏔᏅ ᎠᏍᎦᏯ ᎤᏅᏏᏓᏍᏗ, ᎠᎴ ᎠᎨᏴ ᎤᏅᏏᏓᏍᏗ, ᎠᎴ ᎾᎯᏳᏉ ᏳᏲᎱᏒ, ᎠᏎ ᎠᏥᏍᏛᏗᏍᏙᏗ ᎨᏎᏍᏗ.
Ayadolvi 21:20
iyuno gilo asgaya ganasda yuwanistanv asgaya unvsidasdi, ale ageyv unvsidasdi, ale nahiyuquo yuyohusv, ase atsisdvdisdodi gesesdi.
Exodus 21:21
Notwithstanding, if he continue a day or two, he shall not be punished: for he is his money.
ᎠᏯᏙᎸᎢ 21:21
ᎢᏳᏍᎩᏂᏃᏅ ᏔᎵᎭ ᏧᏒᎯᏛ ᏱᎬᏅ, ᎥᏝ ᎠᏥᏍᏛᏗᏍᏙᏗ ᏱᎨᏎᏍᏗ; ᎠᏕᎸᏰᏃ ᏧᏤᎵ ᎾᏍᎩ.
Ayadolvi 21:21
iyusgininonv taliha tsusvhidv yigvnv, vtla atsisdvdisdodi yigesesdi; adelvyeno tsutseli nasgi
Exodus 21:22
If men strive, and hurt a woman with child, so that her fruit depart from her, and yet no mischief follow: he shall be surely punished, according as the woman's husband will lay upon him; and he shall pay as the judges determine.
ᎠᏯᏙᎸᎢ 21:22
ᎢᏳᏃ ᎠᏂᏍᎦᏯ ᏳᎾᎵᎸ, ᎠᎴ ᎪᎱᏍᏗ ᏳᏅᏁᎸ ᎠᎨᏴ ᎦᏁᎵᏛ, ᎾᏍᎩᏃ ᎦᏁᎵᏒ ᏳᏲᎱᏎᎸ; ᎪᎱᏍᏗᏃ ᎤᏐᏅ ᏫᏄᎵᏰᎢᎶᎸᎾ ᏱᎩ; ᎠᏎ ᎤᎫᏴᏗ ᎨᏎᏍᏗ, ᎯᎠᏉ ᎢᎦᎢ ᏳᏛᏅ ᎠᎨᏴ ᎤᏰᎯ; ᎠᎴ ᎤᎫᏴᏗ ᎨᏎᏍᏗ ᏗᏄᎪᏗᏍᎩᏱ.ᎠᏯᏙᎸᎢ
Ayadolvi 21:22
iyuno anisgaya yunalilv, ale gohusdi yunvnelv ageyv ganelidv, nasgino ganelisv yuyohuselv; gohusdino usonv winuliyeilolvna yigi; ase uguyvdi gesesdi, hiaquo igai yudvnv ageyv uyehi; ale uguyvdi gesesdi dinugodisgiyi
Exodus 21:23
And if any mischief follow, then thou shalt give life for life,
ᎠᏯᏙᎸᎢ 21:23
ᎢᏳᏃ ᎪᎱᏍᏗ ᎤᏐᏅ ᏫᏳᎵᏰᎢᎶᎸ, ᎿᏉ ᎾᏍᎩ ᎬᏅᎢ ᎬᏅ ᏣᎫᏴᏙᏗ ᎨᏎᏍᏗ.
Ayadolvi 21:23
iyuno gohusdi usonv wiyuliyeilolv, hnaquo nasgi gvnvi gvnv tsaguyvdodi gesesdi
Exodus 21:24
Eye for eye, tooth for tooth, hand for hand, foot for foot,
ᎠᏯᏙᎸᎢ 21:2Ꮞ
ᎠᎦᏔ, ᎠᎦᏔ ᏣᎫᏴᏙᏗ ᎨᏎᏍᏗ, ᎧᏳᎦ, ᎧᏳᎦ ᏣᎫᏴᏙᏗ ᎨᏎᏍᏗ, ᎤᏬᏰᏂᏃ ᎤᏬᏰᏂ ᏣᎫᏴᏙᏗ ᎨᏎᏍᏗ, ᎤᎳᏏᏕᏂᏃ ᎤᎳᏏᏕᏂ ᏣᎫᏴᏙᏗ ᎨᏎᏍᏗ,
Ayadolvi 21:24
agata, agata tsaguyvdodi gesesdi, kayuga, kayuga tsaguyvdodi gesesdi, uwoyenino uwoyeni tsaguyvdodi gesesdi, ulasidenino ulasideni tsaguyvdodi gesesdi,
Exodus 21:25
Burning for burning, wound for wound, stripe for stripe.
ᎠᏯᏙᎸᎢ 21:25
ᎤᎴᏴᏒᏃ ᎤᎴᏴᏒ ᏣᎫᏴᏙᏗ ᎨᏎᏍᏗ, ᎠᏥᏐᏅᏅ ᎠᏥᏐᏅᏅ ᏣᎫᏴᏙᏗ ᎨᏎᏍᏗ, ᎠᏥᎵᎥᏂᎸ, ᎠᏥᎵᎥᏂᎸ ᏣᎫᏴᏙᏗ ᎨᏎᏍᏗ.
Ayadolvi 21:25
uleyvsvno uleyvsv tsaguyvdodi gesesdi, atsisonvnv atsisonvnv tsaguyvdodi gesesdi, atsilivnilv, atsilivnilv tsaguyvdodi gesesdi
Exodus 21:26
And if a man smite the eye of his servant, or the eye of his maid, that it perish; he shall let him go free for his eye's sake.
ᎠᏯᏙᎸᎢ 21:26
ᎢᏳᏃ ᎩᎶ ᎤᏅᏏᏓᏍᏗ ᎠᏍᎦᏯ ᎠᎦᏙᎵ ᎢᎬᏂᎮᏍᏗ, ᎠᎴ ᎤᏅᏏᏓᏍᏗ ᎠᎨᏴ ᎠᎦᏙᎵ ᎢᎬᏂᎮᏍᏗ, ᎾᏍᎩᏃ ᎠᏲᎨᏍᏗ; ᎾᏍᎩ ᎤᏪᎪᏗ ᎨᏎᏍᏗ ᎠᎦᏙᎵ ᎠᎫᏱᏍᎨᏍᏗ.
Ayadolvi 21:26
iyuno gilo unvsidasdi asgaya agadoli igvnihesdi, ale unvsidasdi ageyv agadoli igvnihesdi, nasgino ayogesdi; nasgi uwegodi gesesdi agadoli aguyisgesdi
Exodus 21:27
And if he smite out his manservant's tooth, or his maidservant's tooth; he shall let him go free for his tooth's sake.
ᎠᏯᏙᎸᎢ 21:27
ᎢᏳ ᎠᎴ ᎠᏍᎦᏯ ᎤᏅᏏᏓᏍᏗ, ᎠᎴ ᎠᎨᏴ ᎤᏅᏏᏓᏍᏗ ᏳᏄᏕᏍᏔᏅ; ᎤᏪᎪᏗ ᎨᏎᏍᏗ ᎦᏄᏙᎬ ᎠᎫᏱᏍᎨᏍᏗ.
Ayadolvi 21:27
iyu ale asgaya unvsidasdi, ale ageyv unvsidasdi yunudestanv; uwegodi gesesdi ganudogv aguyisgesdi.
Exodus 21:28
If an ox gore a man or a woman, that they die: then the ox shall be surely stoned, and his flesh shall not be eaten; but the owner of the ox shall be quit.
ᎠᏯᏙᎸᎢ 21:28
ᎢᏳᏃ ᏩᎦ ᏱᏚᏪᏘᎸ ᎠᏍᎦᏯ ᎠᎴ ᎠᎨᏴ, ᎾᏍᎩᏃ ᏳᏲᎱᏒ; ᎿᏉ ᎾᏍᎩ ᏩᎦ ᎠᏎ ᏅᏯ ᏣᎬᏂᏍᏙᏗ ᎨᏎᏍᏗ, ᎤᏫᏯᏃ ᎥᏝ ᎠᎩᏍᏗ ᏱᎨᏎᏍᏗ; ᎤᎾᏝᎢᏃ ᏩᎦ ᎤᏚᏓᎴᏛ ᎨᏎᏍᏗ.
Ayadolvi 21:28
iyuno waga yiduwetilv asgaya ale ageyv, nasgino yuyohusv; hnaquo nasgi waga ase nvya tsagvnisdodi gesesdi, uwiyano vtla agisdi yigesesdi; unatlaino waga ududaledv gesesdi
Exodus 21:29
But if the ox were wont to push with his horn in time past, and it hath been testified to his owner, and he hath not kept him in, but that he hath killed a man or a woman; the ox shall be stoned, and his owner also shall be put to death.
ᎠᏯᏙᎸᎢ 21:29
ᎢᏳᏍᎩᏂ ᏩᎦ ᏗᎬᏩᏓᏘᏍᏗ ᏱᎩ ᏧᏩᎫᏔᏅᏒᎢ, ᎠᎴ ᎠᏥᏃᏁᎸᎯ ᏱᎩ ᎤᎾᏲᎢ, ᎠᎴ ᎤᎬᏔᏅᎯᏉ ᏂᎨᏒᎾ ᏱᎩ, ᎠᏍᎦᏯᏃ ᎠᎴ ᎠᎨᏴ ᎤᎸᎯ ᏱᎩ: ᏩᎦ ᏅᏯ ᏣᎬᏂᏍᏙᏗ ᎨᏎᏍᏗ, ᎠᎴ ᎤᎾᏝᎢ ᎾᏍᏉ ᎤᏲᎱᎯᏍᏗ ᎨᏎᏍᏗ.
Ayadolvi 21:29
iyusgini waga digvwadatisdi yigi tsuwagutanvsvi, ale atsinonelvhi yigi unayoi, ale ugvtanvhiquo nigesvna yigi, asgayano ale ageyv ulvhi yigi: waga nvya tsagvnisdodi gesesdi, ale unatlai nasquo uyohuhisdi gesesdi
Exodus 21:30
If there be laid on him a sum of money, then he shall give for the ransom of his life whatsoever is laid upon him.
ᎠᏯᏙᎸᎢ 21:30
ᎢᏳᏃ ᎠᎫᏴᏙᏗ ᏳᎾᏎᎸ, ᎿᏉ ᎤᎫᏴᏗ ᎨᏎᏍᏗ ᎢᎦᎢ ᎤᎾᏎᎸ ᎬᏅ ᎫᏓᎴᏍᎬᎢ.
Ayadolvi 21:30
iyuno aguyvdodi yunaselv, hnaquo uguyvdi gesesdi igai unaselv gvnv gudalesgvi
Exodus 21:31
Whether he have gored a son, or have gored a daughter, according to this judgment shall it be done unto him.
ᎠᏯᏙᎸᎢ 21:31
ᎾᏍᏉ ᎩᎶ ᎤᏪᏥ ᎠᏧᏣ ᎠᎴ ᎠᎮᏳᏣ ᏧᏪᏘᎸᎯ ᏱᎩ, ᎾᏍᎩᏯ ᎯᎠ ᏚᏚᎪᏔᏅ ᎢᏳᎵᏍᏓᏁᏗ ᎨᏎᏍᏗ.
Ayadolvi 21:31
nasquo gilo uwetsi atsutsa ale aheyutsa tsuwetilvhi yigi, nasgiya hia dudugotanv iyulisdanedi gesesdi
Exodus 21:32
If the ox shall push a manservant or a maidservant; he shall give unto their master thirty shekels of silver, and the ox shall be stoned.
ᎠᏯᏙᎸᎢ 21:32
ᎢᏳᏃ ᏩᎦ ᏱᏚᏪᏘᎸ ᎠᏍᎦᏯ ᎠᏥᏅᏏᏓᏍᏗ, ᎠᎴ ᎠᎨᏴ ᎠᏥᏅᏏᏓᏍᏗ; ᎿᏉ ᏦᎠᏍᎪᎯ ᎠᏰᎵᎠᏕᎸ ᏧᏁᏗ ᎨᏎᏍᏗ ᎤᎾᏝᎢ, ᏩᎦᏃ ᏅᏯ ᏣᎬᏂᏍᏙᏗ ᎨᏎᏍᏗ.
Ayadolvi 21:32
iyuno waga yiduwetilv asgaya atsinvsidasdi, ale ageyv atsinvsidasdi; hnaquo tsoasgohi ayeliadelv tsunedi gesesdi unatlai, wagano nvya tsagvnisdodi gesesdi
Exodus 21:33
And if a man shall open a pit, or if a man shall dig a pit, and not cover it, and an ox or an ass fall therein;
ᎠᏯᏙᎸᎢ 21:33
ᎢᏳᏃ ᎩᎶ ᏳᏍᏚᎢᏒ ᎠᏔᎴᏒᎢ, ᎢᏳ ᎠᎴ ᎩᎶ ᏳᏍᎪᏒ ᎠᏔᎴᏒᎢ, ᏄᏭᏢᏅᎾᏃ ᏱᎩ, ᏩᎦᏃ ᎠᎴ ᏐᏈᎵ ᏗᎦᎵᎠᏅᎯᏛ ᏳᏂᎸᏨ ᎾᎿᏂ;
Ayadolvi 21:33
iyuno gilo yusduisv atalesvi, iyu ale gilo yusgosv atalesvi, nuwutlvnvnano yigi, wagano ale soquili digalianvhidv yunilvtsv nahnani;
Exodus 21:34
The owner of the pit shall make it good, and give money unto the owner of them; and the dead beast shall be his.
ᎠᏯᏙᎸᎢ 21:3Ꮞ
ᎾᏍᎩ ᎠᏔᎴᏒ ᎤᏤᎵᎦ ᎤᎫᏴᏗ ᎨᏎᏍᏗ, ᎠᏕᎸ ᏧᏁᏗ ᎨᏎᏍᏗ ᎤᎾᏝᎢ: ᎤᎵᏬᏨᎯᏃ ᎤᏤᎵ ᎨᏎᏍᏗ.
Ayadolvi 21:34
nasgi atalesv utseliga uguyvdi gesesdi, adelv tsunedi gesesdi unatlai: uliwotsvhino utseli gesesdi
Exodus 21:35
And if one man's ox hurt another's, that he die; then they shall sell the live ox, and divide the money of it; and the dead ox also they shall divide.
ᎠᏯᏙᎸᎢ 21:35
ᎢᏳᏃ ᎩᎶ ᎤᏤᎵ ᏩᎦ, ᏅᏩᏓᎴ ᎤᏤᎵ ᏩᎦ ᏱᏚᏪᏘᎸ, ᏳᎵᏬᏨᏃ, ᎿᏉ ᎬᏃᏛ ᏩᎦ ᎤᏂᎾᏗᏅᏗ ᎨᏎᏍᏗ, ᎠᎴ ᏧᎬᏩᎳᏅᎯ ᎠᏕᎸ ᏔᎵ ᎢᏳᏂᏗᏍᏗ ᎨᏎᏍᏗ; ᎠᎴ ᎤᎵᏬᏨᎯ ᏩᎦ ᎾᏍᏉ ᏔᎵ ᎢᏳᏂᏗᏍᏗ ᎨᏎᏍᏗ.
Ayadolvi 21:35
iyuno gilo utseli waga, nvwadale utseli waga yiduwetilv, yuliwotsvno, hnaquo gvnodv waga uninadinvdi gesesdi, ale tsugvwalanvhi adelv tali iyunidisdi gesesdi; ale uliwotsvhi waga nasquo tali iyunidisdi gesesdi
Exodus 21:36
Or if it be known that the ox hath used to push in time past, and his owner hath not kept him in; he shall surely pay ox for ox; and the dead shall be his own.
ᎠᏯᏙᎸᎢ 21:36
ᎢᏳᏍᎩᏂ ᏳᎾᏅᏔ ᏗᎬᏩᏓᏘᏍᏗ ᎨᏒ ᏩᎦ ᏧᏩᎫᏔᏅᏒᎢ, ᎠᎴ ᎤᎾᏝᎢ ᏄᏴᏔᏅᎾ ᏱᎩ; ᎠᏎ ᏩᎦ ᎤᎫᏴᏙᏗ ᎨᏎᏍᏗ ᏩᎦ, ᎤᎵᏬᏨᎯᏃ ᎤᏤᎵ ᎨᏎᏍᏗ.
Ayadolvi 21:36
iyusgini yunanvta digvwadatisdi gesv waga tsuwagutanvsvi, ale unatlai nuyvtanvna yigi; ase waga uguyvdodi gesesdi waga, uliwotsvhino utseli gesesdi
King James Version (KJV)
Public Domain
Exodus 21:1-36
ᎠᏯᏙᎸᎢ 21:1-36
Ayadolvi 21:1-36
A-ya-do-lv-i 21:1-36