1 Timothy 6

ᏉᎳ ᏧᏬᏪᎳᏅᎯ, ᎢᎬᏱᏱ ᏗᎹᏗ ᏧᏬᏪᎳᏁᎸᎯ

quo-la tsu-wo-we-la-nv-hi, i-gv-yi-yi di-ma-di tsu-wo-we-la-ne-lv-hi

quola tsuwowelanvhi, igvyiyi dimadi tsuwowelanelvhi

1st Timothy 6th Chapter

ᏗᎹᏗ [ ᏘᎹᏗ ] ᎢᎬᏱᏱ ᎠᎪᏪᎳᏁᎸᎯ 6 ᎠᏯᏙᎸᎢ

di-ma-di [Ti-ma-di] i-gv-yi-yi a-go-we-la-ne-lv-hi 6 A⁠-ya⁠-do-⁠lv⁠-i⁠

dimadi [timadi] igvyiyi agowelanelvhi 6 ayadolvi

1st Timothy 6:1-21 KJV (public domain)

ᏗᎹᏗ ᎢᎬᏱᏱ 6:1-21

di-ma-di i-gv-yi-yi 6:1-21

dimadi igvyiyi 6:1-21

1 Timothy 6:1

1st Timothy 6th Chapter

1 Timothy 6:1

Let as many servants as are under the yoke count their own masters worthy of all honour, that the name of God and his doctrine be not blasphemed.

ᏗᎹᏗ ᎢᎬᏱᏱ 6:1

ᎾᏂᎥ ᏗᎨᏥᎾᏝᎢ ᎾᏍᎩ ᏗᎨᏥᎩᎳᎾᎳ ᏥᎩ ᎤᏣᏘ ᏧᏂᎸᏉᏗᏳ ᎨᏎᏍᏗ ᏗᎬᏩᏂᎾᏝᎢ, ᎾᏍᎩ ᏚᏙᎥ ᎤᏁᎳᏅᎯ ᎠᎴ ᎤᏤᎵ ᏗᏕᏲᏗ ᎨᏒ ᎠᏐᏢᎯ ᎢᏳᎵᏍᏙᏗᏱ ᏂᎨᏒᎾ.

di-ma-di i-gv-yi-yi 6:1

Na-ni-v di-ge-tsi-na-tla-i na-s-gi di-ge-tsi-gi-la-na-la tsi-gi u-tsa-ti tsu-ni-lv-quo-di-yu ge-se-s-di di-gv-wa-ni-na-tla-i, na-s-gi du-do-v U-ne-la-nv-hi a-le u-tse-li di-de-yo-di ge-sv a-so-tlv-hi i-yu-li-s-do-di-yi ni-ge-sv-na.

dimadi igvyiyi 6:1

naniv digetsinatlai nasgi digetsigilanala tsigi utsati tsunilvquodiyu gesesdi digvwaninatlai, nasgi dudov unelanvhi ale utseli dideyodi gesv asotlvhi iyulisdodiyi nigesvna.

1 Timothy 6:2

And they that have believing masters, let them not despise them, because they are brethren; but rather do them service, because they are faithful and beloved, partakers of the benefit. These things teach and exhort.

ᏗᎹᏗ ᎢᎬᏱᏱ 6:2

ᎾᏃ ᎠᏃᎯᏳᎲᏍᎩ ᏗᎬᏩᏂᎾᏝᎢ ᎨᏒ ᏞᏍᏗ ᏱᏚᏂᏂᏆᏘᎴᏍᏗ ᏱᏅᏗᎦᎵᏍᏙᏗᏍᎨᏍᏗ ᎠᎾᎵᏅᏟ ᎨᏒᎢ, ᎪᎱᏍᏗᏍᎩᏂ ᏓᎾᏛᏁᎮᏍᏗ ᏅᏗᎦᎵᏍᏙᏗᏍᎨᏍᏗ ᎠᏃᎯᏳᎲᏍᎩ ᎠᎴ ᎨᏥᎨᏳᎢ ᎨᏒᎢ, ᎤᎾᏠᏯᏍᏗᏍᎩ ᎣᏍᏛ ᎾᎦᏛᏁᎸᎢ. ᎾᏍᎩ ᎯᎠ ᏄᏍᏕᏍᏗ ᏕᎭᏕᏲᎲᏍᎨᏍᏗ, ᎠᎴ ᏕᎯᏁᏤᎮᏍᏗ.

di-ma-di i-gv-yi-yi 6:2

Na-no a-no-hi-yu-hv-s-gi di-gv-wa-ni-na-tla-i ge-sv tle-s-di yi-du-ni-ni-qua-ti-le-s-di yi-nv-di-ga-li-s-do-di-s-ge-s-di a-na-li-nv-tli ge-sv-i, go-hu-s-di-s-gi-ni da-na-dv-ne-he-s-di nv-di-ga-li-s-do-di-s-ge-s-di a-no-hi-yu-hv-s-gi a-le ge-tsi-ge-yu-i ge-sv-i, u-na-tlo-ya-s-di-s-gi o-s-dv na-ga-dv-ne-lv-i. Na-s-gi hi-a nu-s-de-s-di de-ha-de-yo-hv-s-ge-s-di, a-le de-hi-ne-tse-he-s-di.

dimadi igvyiyi 6:2

nano anohiyuhvsgi digvwaninatlai gesv tlesdi yiduniniquatilesdi yinvdigalisdodisgesdi analinvtli gesvi, gohusdisgini danadvnehesdi nvdigalisdodisgesdi anohiyuhvsgi ale getsigeyui gesvi, unatloyasdisgi osdv nagadvnelvi. nasgi hia nusdesdi dehadeyohvsgesdi, ale dehinetsehesdi.

1 Timothy 6:3

If any man teach otherwise, and consent not to wholesome words, even the words of our Lord Jesus Christ, and to the doctrine which is according to godliness;

ᏗᎹᏗ ᎢᎬᏱᏱ 6:3

ᎢᏳᏃ ᎩᎶ ᎤᏣᏘᏂ ᏂᎦᏪᏍᎨᏍᏗ ᏓᏕᏲᎲᏍᎨᏍᏗ, ᎠᎴ ᎣᏏ ᎾᏰᎸᏍᎬᎾ ᎢᎨᏎᏍᏗ ᎣᏍᏛ ᎤᏬᏂᏒ ᎢᎦᏤᎵ ᎤᎬᏫᏳᎯ ᏥᏌ ᎦᎶᏁᏛ, ᎠᎴ ᏗᏕᏲᏗ ᎨᏒ ᎾᏍᎩ ᎤᏁᎳᏅᎯ ᏗᏂᎶᏙᏗ ᎨᏒ ᏥᏓᏕᏲᎲᏍᎦ;

di-ma-di i-gv-yi-yi 6:3

I-yu-no gi-lo u-tsa-ti-ni ni-ga-we-s-ge-s-di da-de-yo-hv-s-ge-s-di, a-le o-si na-ye-lv-s-gv-na i-ge-se-s-di o-s-dv u-wo-ni-sv i-ga-tse-li U-gv-wi-yu-hi Tsi-sa Ga-lo-ne-dv, a-le di-de-yo-di ge-sv na-s-gi U-ne-la-nv-hi di-ni-lo-do-di ge-sv tsi-da-de-yo-hv-s-ga;

dimadi igvyiyi 6:3

iyuno gilo utsatini nigawesgesdi dadeyohvsgesdi, ale osi nayelvsgvna igesesdi osdv uwonisv igatseli ugvwiyuhi tsisa galonedv, ale dideyodi gesv nasgi unelanvhi dinilododi gesv tsidadeyohvsga;

1 Timothy 6:4

He is proud, knowing nothing, but doting about questions and strifes of words, whereof cometh envy, strife, railings, evil surmisings,

ᏗᎹᏗ ᎢᎬᏱᏱ 6:4

ᎾᏍᎩ Ꮎ ᎤᏢᏉᏗ, ᎪᎱᏍᏗ ᎾᎦᏔᎲᎾ, ᎤᎵᏰᏔᏁᎯ ᎦᏬᏂᎯᏍᏗ ᎨᏒ, ᎠᎴ ᏧᏘᏲᏌᏘ ᎠᎵᏃᎮᏍᎬᎢ, ᎾᎿᏨᏗᏓᎴᎲᏍᎦ ᎠᏛᏳᎨᏗ ᎨᏒᎢ, ᎠᎴ ᎠᏗᏒᏍᏗ ᎨᏒᎢ, ᎠᎴ ᎠᏐᏢᎢᏍᏙᏗ ᎨᏒᎢ, ᎠᎴ ᎪᎱᏍᏗ ᏗᏓᏕᎵᏎᏗ ᎨᏒᎢ,

di-ma-di i-gv-yi-yi 6:4

Na-s-gi na u-tlv-quo-di, go-hu-s-di na-ga-ta-hv-na, u-li-ye-ta-ne-hi ga-wo-ni-hi-s-di ge-sv, a-le tsu-ti-yo-sa-ti a-li-no-he-s-gv-i, na-hna tsv-di-da-le-hv-s-ga a-dv-yu-ge-di ge-sv-i, a-le a-di-sv-s-di ge-sv-i, a-le a-so-tlv-i-s-do-di ge-sv-i, a-le go-hu-s-di di-da-de-li-se-di ge-sv-i,

dimadi igvyiyi 6:4

nasgi na utlvquodi, gohusdi nagatahvna, uliyetanehi gawonihisdi gesv, ale tsutiyosati alinohesgvi, nahna tsvdidalehvsga advyugedi gesvi, ale adisvsdi gesvi, ale asotlvisdodi gesvi, ale gohusdi didadelisedi gesvi,

1 Timothy 6:5

Perverse disputings of men of corrupt minds, and destitute of the truth, supposing that gain is godliness: from such withdraw thyself.

ᏗᎹᏗ ᎢᎬᏱᏱ 6:5

ᎠᎴ ᎬᏍᎦᎢᏍᏓᎩ ᎤᏂᏬᏂᎯᏍᏗ ᎨᏒ ᏴᏫ ᎤᎪᏏᏛ ᏧᎾᏓᏅᏘ, ᎤᏂᏂᎩᏛ ᏚᏳᎪᏛᎢ, ᎨᏅᎢᏍᏗ ᎨᏒ ᎤᏁᎳᏅᎯ ᏗᏁᎶᏙᏗ ᎢᏧᎳᎭ ᎠᏁᎵᏍᎩ. ᎾᏍᎩ ᎢᏳᎾᏍᏗ ᏕᎭᏓᏅᎡᎮᏍᏗ.

di-ma-di i-gv-yi-yi 6:5

A-le gv-s-ga-i-s-da-gi u-ni-wo-ni-hi-s-di ge-sv yv-wi u-go-si-dv tsu-na-da-nv-ti, u-ni-ni-gi-dv du-yu-go-dv-i, ge-nv-i-s-di ge-sv U-ne-la-nv-hi di-ne-lo-do-di i-tsu-la-ha a-ne-li-s-gi. Na-s-gi i-yu-na-s-di de-ha-da-nv-e-he-s-di.

dimadi igvyiyi 6:5

ale gvsgaisdagi uniwonihisdi gesv yvwi ugosidv tsunadanvti, uninigidv duyugodvi, genvisdi gesv unelanvhi dinelododi itsulaha anelisgi. nasgi iyunasdi dehadanvehesdi.

1 Timothy 6:6

But godliness with contentment is great gain.

ᏗᎹᏗ ᎢᎬᏱᏱ 6:6

ᎤᏁᎳᏅᎯᏍᎩᏂ ᏗᏁᎶᏙᏗ ᎨᏒ ᎠᎴ ᏅᏩᏙᎯᏯᏛ ᎠᏓᏅᏓᏗᏍᏗ ᎨᏒ, ᎾᏍᎩ ᎤᏣᏘ ᎨᏅᎢᏍᏗ.

di-ma-di i-gv-yi-yi 6:6

U-ne-la-nv-hi-s-gi-ni di-ne-lo-do-di ge-sv a-le nv-wa-do-hi-ya-dv a-da-nv-da-di-s-di ge-sv, na-s-gi u-tsa-ti ge-nv-i-s-di.

dimadi igvyiyi 6:6

unelanvhisgini dinelododi gesv ale nvwadohiyadv adanvdadisdi gesv, nasgi utsati genvisdi.

1 Timothy 6:7

For we brought nothing into this world, and it is certain we can carry nothing out.

ᏗᎹᏗ ᎢᎬᏱᏱ 6:7

ᏝᏰᏃ ᎪᎱᏍᏗ ᏱᎩᏲᎴ ᎠᏂ ᎡᎶᎯ, ᎠᎴ ᎬᏂᎨᏳᎢᏳ Ꮭ ᎪᎱᏍᏗ ᏴᎨᏗᏄᎪᏩ.

di-ma-di i-gv-yi-yi 6:7

Tla-ye-no go-hu-s-di yi-gi-yo-le a-ni e-lo-hi, a-le gv-ni-ge-yu-i-yu tla go-hu-s-di yv-ge-di-nu-go-wa.

dimadi igvyiyi 6:7

tlayeno gohusdi yigiyole ani elohi, ale gvnigeyuiyu tla gohusdi yvgedinugowa.

1 Timothy 6:8

And having food and raiment let us be therewith content.

ᏗᎹᏗ ᎢᎬᏱᏱ 6:8

ᎢᏳᏃ ᏱᎩᎭ ᎠᎵᏍᏓᏴᏗ ᎠᎴ ᏗᎦᏄᏬ ᏱᏗᎩᎾᎠ, ᎾᏍᎩ ᏰᎵᏉ ᎢᎩᏰᎸᏎᏍᏗ.

di-ma-di i-gv-yi-yi 6:8

I-yu-no yi-gi-ha a-li-s-da-yv-di a-le di-ga-nu-wo yi-di-gi-na-a, na-s-gi ye-li-quo i-gi-ye-lv-se-s-di.

dimadi igvyiyi 6:8

iyuno yigiha alisdayvdi ale diganuwo yidiginaa, nasgi yeliquo igiyelvsesdi.

1 Timothy 6:9

But they that will be rich fall into temptation and a snare, and into many foolish and hurtful lusts, which drown men in destruction and perdition.

ᏗᎹᏗ ᎢᎬᏱᏱ 6:9

ᎤᎾᏚᎵᏍᎩᏍᎩᏂ ᏥᎩ ᎤᏁᏅᎢᏍᏗᏱ, ᎤᏓᎴᎾᏍᏗᏱ ᎠᎴ ᎠᏌᏛ ᏫᏓᏂᏅᎪᎢ, ᎠᎴ ᎤᏣᏘ ᎢᏳᏓᎴᎩ ᎤᎵᏍᎦᏂᏍᏛ ᎠᎴ ᎤᏲ ᎢᏯᏓᏛᏁᎯ ᎠᎬᎥᎯᏍᏗ ᎨᏒᎢ; ᎾᏍᎩ ᏥᏚᏂᏃᏴᏘᏍᏗᎭ ᏴᏫ ᎾᎿᎠᎩᎵᏲᎢᏍᏗ ᎨᏒ ᎠᎴ ᎠᏲᎱᎯᏍᏗ ᎨᏒᎢ.

di-ma-di i-gv-yi-yi 6:9

U-na-du-li-s-gi-s-gi-ni tsi-gi u-ne-nv-i-s-di-yi, u-da-le-na-s-di-yi a-le a-sa-dv wi-da-ni-nv-go-i, a-le u-tsa-ti i-yu-da-le-gi u-li-s-ga-ni-s-dv a-le u-yo i-ya-da-dv-ne-hi a-gv-v-hi-s-di ge-sv-i; na-s-gi tsi-du-ni-no-yv-ti-s-di-ha yv-wi na-hna a-gi-li-yo-i-s-di ge-sv a-le a-yo-hu-hi-s-di ge-sv-i.

dimadi igvyiyi 6:9

unadulisgisgini tsigi unenvisdiyi, udalenasdiyi ale asadv widaninvgoi, ale utsati iyudalegi ulisganisdv ale uyo iyadadvnehi agvvhisdi gesvi; nasgi tsiduninoyvtisdiha yvwi nahna agiliyoisdi gesv ale ayohuhisdi gesvi.

1 Timothy 6:10

For the love of money is the root of all evil: which while some coveted after, they have erred from the faith, and pierced themselves through with many sorrows.

ᏗᎹᏗ ᎢᎬᏱᏱ 6:10

ᎠᏕᎸᏰᏃ ᏗᎨᏳᏗ ᎨᏒ ᎾᎿᏗᏓᎴᎲᏍᎦ ᏄᏓᎴᏒ ᎤᏲᎢ, ᎾᏍᎩ ᎩᎶ ᎤᏂᎬᎥᏍᎬᎢ ᎤᎾᏞᏒ ᎪᎯᏳᏗ ᎨᏒᎢ, ᎠᎴ ᎤᏅᏒ ᏚᎾᏓᏘᏍᏔᏅ ᎤᏣᏘ ᎤᏲ ᎠᏓᏅᏓᏗᏍᏗ ᎨᏒᎢ.

di-ma-di i-gv-yi-yi 6:10

A-de-lv-ye-no di-ge-yu-di ge-sv na-hna di-da-le-hv-s-ga nu-da-le-sv u-yo-i, na-s-gi gi-lo u-ni-gv-v-s-gv-i u-na-tle-sv go-hi-yu-di ge-sv-i, a-le u-nv-sv du-na-da-ti-s-ta-nv u-tsa-ti u-yo a-da-nv-da-di-s-di ge-sv-i.

dimadi igvyiyi 6:10

adelvyeno digeyudi gesv nahna didalehvsga nudalesv uyoi, nasgi gilo unigvvsgvi unatlesv gohiyudi gesvi, ale unvsv dunadatistanv utsati uyo adanvdadisdi gesvi.

1 Timothy 6:11

But thou, O man of God, flee these things; and follow after righteousness, godliness, faith, love, patience, meekness.

ᏗᎹᏗ ᎢᎬᏱᏱ 6:11

ᏂᎯᏍᎩᏂ ᎯᏍᎦᏯ ᎤᏁᎳᏅᎯ ᎤᏤᎵᎦ ᎾᏍᎩ ᎯᎠ ᏕᎭᏓᏅᎡᎮᏍᏗ, ᎠᎴ ᏕᎯᏍᏓᏩᏗᏎᏍᏗ ᏚᏳᎪᏛ ᎨᏒᎢ, ᎠᎴ ᎤᏁᎳᏅᎯ ᎦᎾᏰᎯᏍᏗ ᎨᏒᎢ, ᎠᎴ ᎪᎯᏳᏗ ᎨᏒᎢ, ᎠᎴ ᎠᏓᎨᏳᏗ ᎨᏒᎢ, ᎠᎴ ᎬᏂᏗᏳ ᎨᏒᎢ, ᎠᎴ ᎤᏓᏅᏘᏳ ᎨᏒᎢ.

di-ma-di i-gv-yi-yi 6:11

Ni-hi-s-gi-ni hi-s-ga-ya U-ne-la-nv-hi u-tse-li-ga na-s-gi hi-a de-ha-da-nv-e-he-s-di, a-le de-hi-s-da-wa-di-se-s-di du-yu-go-dv ge-sv-i, a-le U-ne-la-nv-hi ga-na-ye-hi-s-di ge-sv-i, a-le go-hi-yu-di ge-sv-i, a-le a-da-ge-yu-di ge-sv-i, a-le gv-ni-di-yu ge-sv-i, a-le u-da-nv-ti-yu ge-sv-i.

dimadi igvyiyi 6:11

nihisgini hisgaya unelanvhi utseliga nasgi hia dehadanvehesdi, ale dehisdawadisesdi duyugodv gesvi, ale unelanvhi ganayehisdi gesvi, ale gohiyudi gesvi, ale adageyudi gesvi, ale gvnidiyu gesvi, ale udanvtiyu gesvi.

1 Timothy 6:12

Fight the good fight of faith, lay hold on eternal life, whereunto thou art also called, and hast professed a good profession before many witnesses.

ᏗᎹᏗ ᎢᎬᏱᏱ 6:12

ᎪᎯᏳᏗ ᎨᏒ ᎲᏗᏍᎨᏍᏗ ᎣᏍᏛ ᎠᎵᏍᏗ ᎨᏒ ᎭᎵᎮᏍᏗ. ᎾᎵᏍᏆᏗᏍᎬᎾ ᎬᏂᏛ ᎨᏒ ᏘᏂᏴ, ᎾᎿᎾᏍᏉ ᎡᏣᏯᏅᏛ ᏥᎩ, ᎠᎴ ᏣᏃᏅᎯ ᏥᎩ ᎣᏍᏛ ᎧᏃᎮᏗ ᎨᏒ ᎤᏂᏣᏘ ᎠᏂᎦᏔᎯ ᎠᏂᏚᏔᎲᎢ.

di-ma-di i-gv-yi-yi 6:12

Go-hi-yu-di ge-sv hv-di-s-ge-s-di o-s-dv a-li-s-di ge-sv ha-li-he-s-di. Na-li-s-qua-di-s-gv-na gv-ni-dv ge-sv ti-ni-yv, na-hna na-s-quo e-tsa-ya-nv-dv tsi-gi, a-le tsa-no-nv-hi tsi-gi o-s-dv ka-no-he-di ge-sv u-ni-tsa-ti a-ni-ga-ta-hi a-ni-du-ta-hv-i.

dimadi igvyiyi 6:12

gohiyudi gesv hvdisgesdi osdv alisdi gesv halihesdi. nalisquadisgvna gvnidv gesv tiniyv, nahna nasquo etsayanvdv tsigi, ale tsanonvhi tsigi osdv kanohedi gesvu unitsati anigatahi anidutahvi.

1 Timothy 6:13

I give thee charge in the sight of God, who quickeneth all things, and before Christ Jesus, who before Pontius Pilate witnessed a good confession;

ᏗᎹᏗ ᎢᎬᏱᏱ 6:13

ᎬᏁᏤᎭ ᎤᏁᎳᏅᎯ ᎠᎦᏔᎲᎢ, ᎾᏍᎩ ᏗᎬᏂᏗᏍᎩ ᏥᎩ ᏂᎦᎥ ᏄᎾᏓᎴᏒᎢ, ᎠᎴ ᎠᎦᏔᎲ ᏥᏌ ᎦᎶᏁᏛ ᎾᏍᎩ ᏆᏂᏗ ᏆᎴᏗ ᎠᎦᏔᎲ ᎤᏃᏅᎯ ᏥᎩ ᎣᏍᏛ ᎧᏃᎮᏛ ᎨᏒᎢ,

di-ma-di i-gv-yi-yi 6:13

Gv-ne-tse-ha U-ne-la-nv-hi a-ga-ta-hv-i, na-s-gi di-gv-ni-di-s-gi tsi-gi ni-ga-v nu-na-da-le-sv-i, a-le a-ga-ta-hv Tsi-sa Ga-lo-ne-dv na-s-gi Qua-ni-di Qua-le-di a-ga-ta-hv u-no-nv-hi tsi-gi o-s-dv ka-no-he-dv ge-sv-i,

dimadi igvyiyi 6:13

gvnetseha unelanvhi agatahvi, nasgi digvnidisgi tsigi nigav nunadalesvi, ale agatahv tsisa galonedv nasgi quanidi qualei agatahv unonvhi tsigi osdv kanohedv gesvi,

1 Timothy 6:14

That thou keep this commandment without spot, unrebukeable, until the appearing of our Lord Jesus Christ:

ᏗᎹᏗ ᎢᎬᏱᏱ 6:14

ᎾᏍᎩ ᏣᏍᏆᏂᎪᏙᏗᏱ ᏗᎧᎿᏩᏛᏍᏗ, ᏄᏓᏓᎸᎾ ᎠᎴ ᎪᎱᏍᏗ ᎦᏰᏤᎵᏎᏗ ᏂᎨᏒᎾ ᎢᏳᎵᏍᏙᏗᏱ ᎢᎦᏤᎵ ᎤᎬᏫᏳᎯ ᏥᏌ ᎦᎶᏁᏛ ᎦᎾᏄᎪᏥᎸ ᎬᏗᏍᎩ:

di-ma-di i-gv-yi-yi 6:14

Na-s-gi tsa-s-qua-ni-go-do-di-yi di-ka-hna-wa-dv-s-di, nu-da-da-lv-na a-le go-hu-s-di ga-ye-tse-li-se-di ni-ge-sv-na i-yu-li-s-do-di-yi i-ga-tse-li U-gv-wi-yu-hi Tsi-sa Ga-lo-ne-dv ga-na-nu-go-tsi-lv gv-di-s-gi:

dimadi igvyiyi 6:14

nasti tsasquanigododiyi dikahnawadvsdi, nudadalvna ale gohusdi gayetselisedi nigesvna iyulisdodiyi igatseli ugvwiyuhi tsisa galonedv gananugotsilv gvdisgi:

1 Timothy 6:15

Which in his times he shall shew, who is the blessed and only Potentate, the King of kings, and Lord of lords;

ᏗᎹᏗ ᎢᎬᏱᏱ 6:15

ᎾᏍᎩ ᏨᎦᎾᏄᎪᏫᏏ ᎾᎯᏳ ᏧᎾᏄᎪᏫᏎᏗ ᎨᏒᎢ, ᎾᏍᎩ ᏅᏩᏙᎯᏯᏛ ᎤᏓᏅᏘ ᎠᎴ ᎤᏩᏒᎯ ᎤᎵᏂᎩᏛ ᎨᏒᎢ, ᎤᎬᏫᏳᎯ ᎤᏂᎬᏫᏳᎯ ᎠᏁᎲᎢ, ᎠᎴ ᎤᎬᏫᏳᏌᏕᎩ ᏄᏂᎬᏫᏳᏌᏕᎩ ᎠᏁᎲᎢ;

di-ma-di i-gv-yi-yi 6:15

Na-s-gi tsv-ga-na-nu-go-wi-si na-hi-yu tsu-na-nu-go-wi-se-di ge-sv-i, na-s-gi nv-wa-do-hi-ya-dv u-da-nv-ti a-le u-wa-sv-hi u-li-ni-gi-dv ge-sv-i, U-gv-wi-yu-hi U-ni-gv-wi-yu-hi a-ne-hv-i, a-le U-gv-wi-yu-sa-de-gi Nu-ni-gv-wi-yu-sa-de-gi a-ne-hv-i;

dimadi igvyiyi 6:15

nasgi tsvgananugowisi nahiyu tsunanugowisedi gesvi, nasgi nvwadohiyadv udanvti ale uwasvhi ulinigidv gesvi, ugvwiyuhi unigvwiyuhi anehvi, ale ugvwiyusadegi nunigvwiyusadegi anehvi;

1 Timothy 6:16

Who only hath immortality, dwelling in the light which no man can approach unto; whom no man hath seen, nor can see: to whom be honour and power everlasting. Amen.

ᏗᎹᏗ ᎢᎬᏱᏱ 6:16

ᎾᏍᎩ ᎤᏩᏒᎯ ᎠᏲᎱᎯᏍᏗ ᏂᎨᏒᎾ ᎨᏒ ᎤᎯ, ᎢᎦᎦᏛ ᎡᎯ ᎨᏒᎢ, ᎾᏍᎩ ᎢᎦᎦᏛ ᎾᎿᎩᎶ ᎬᏩᎷᎯᏍᏗ ᏂᎨᏒᎾ ᎨᏒᎢ, ᎾᏍᎩ ᎩᎶ ᎤᎪᎲᎩ ᏂᎨᏒᎾ, ᎠᎴ ᎬᏩᎪᏩᏛᏗ ᏂᎨᏒᎾ ᎨᏒᎢ; ᎾᏍᎩ ᎠᏥᎸᏉᏗᏳ ᎨᏎᏍᏗ ᎠᎴ ᎤᎵᏂᎩᏗ ᎨᏒ ᏫᎾᏍᏛᎾ ᎨᏎᏍᏗ. ᎡᎺᏅ.

di-ma-di i-gv-yi-yi 6:16

Na-s-gi u-wa-sv-hi a-yo-hu-hi-s-di ni-ge-sv-na ge-sv u-hi, i-ga-ga-dv e-hi ge-sv-i, na-s-gi i-ga-ga-dv na-hna gi-lo gv-wa-lu-hi-s-di ni-ge-sv-na ge-sv-i, na-s-gi gi-lo u-go-hv-gi ni-ge-sv-na, a-le gv-wa-go-wa-dv-di ni-ge-sv-na ge-sv-i; na-s-gi a-tsi-lv-quo-di-yu ge-se-s-di a-le u-li-ni-gi-di ge-sv wi-na-s-dv-na ge-se-s-di. E-me-nv.

dimadi igvyiyi 6:16

nasgi uwasvhi ayohuhisdi nigesvna gesv uhi, igagadv ehi gesvi, nasgi igagadv nahna gilo gvwaluhisdi nigesvna gesvi, nasgi gilo ugohvgi nigesvna, ale gvwagowadvdi nigesvna gesvi; nasgi atsilvquodiyu gesesdi ale ulinigidi gesv winasdvna gesesdi. emenv.

1 Timothy 6:17

Charge them that are rich in this world, that they be not highminded, nor trust in uncertain riches, but in the living God, who giveth us richly all things to enjoy;

ᏗᎹᏗ ᎢᎬᏱᏱ 6:17

ᎩᏁᏤᎮᏍᏗ ᏧᏁᎿᎢ ᏥᎩ ᎠᏂ ᎡᎶᎯ ᎾᏍᎩ ᎤᎾᏢᏉᏗ ᏱᏉ ᏂᎨᏒᎾ, ᎠᎴ ᎤᎾᎵᏍᎦᏍᏙᏙᏗᏱ ᏂᎨᏒᎾ ᎤᏓᎵᏓᏍᏗ ᎨᏅᎢᏍᏗ ᎨᏒᎢ, ᎤᏁᎳᏅᎯᏍᎩᏂ ᎬᏂᏛ ᎠᎾᎵᏍᎦᏍᏙᏗᏍᎨᏍᏗ ᎾᏍᎩ ᎤᏣᏘ ᎢᎩᏁᎯ ᏥᎩ ᎾᎦᎥ ᏄᏓᎴᏒ ᎣᏍᏛ ᎢᎦᎵᏍᏓᏁᏗ.

di-ma-di i-gv-yi-yi 6:17

Gi-ne-tse-he-s-di tsu-ne-hna-i tsi-gi a-ni e-lo-hi na-s-gi u-na-tlv-quo-di yi-quo ni-ge-sv-na, a-le u-na-li-s-ga-s-do-do-di-yi ni-ge-sv-na u-da-li-da-s-di ge-nv-i-s-di ge-sv-i, U-ne-la-nv-hi-s-gi-ni gv-ni-dv a-na-li-s-ga-s-do-di-s-ge-s-di na-s-gi u-tsa-ti i-gi-ne-hi tsi-gi na-ga-v nu-da-le-sv o-s-dv i-ga-li-s-da-ne-di.

dimadi igvyiyi 6:17

ginetsehesdi tsunehnai tsigi ani elohi nasgi unatlvquodi yiquo nigesvna, ale unalisgasdododiyi nigesvna udalidasdi genvisdi gesvi, unelanvhisgini gvnidv analisgasdodisgesdi nasgi utsati igihehi tsigi nagav nudalesv osdv igalisdanedi.

1 Timothy 6:18

That they do good, that they be rich in good works, ready to distribute, willing to communicate;

ᏗᎹᏗ ᎢᎬᏱᏱ 6:18

ᎠᎴ ᎣᏍᏛ ᎾᎾᏛᏁᎮᏍᏗ, ᎠᎴ ᎤᏁᎿᎢᏳ ᎨᏎᏍᏗ ᎣᏍᏛ ᎾᎾᏛᏁᎲᎢ, ᎠᎴ ᎠᏂᎦᎵᏰᏍᏗ ᎤᎾᏓᏁᏗᏱ, ᎠᏂᏯᏙᎯᎯ ᎨᏎᏍᏗ ᎤᏂᎲᎢ;

di-ma-di i-gv-yi-yi 6:18

A-le o-s-dv na-na-dv-ne-he-s-di, a-le u-ne-hna-i-yu ge-se-s-di o-s-dv na-na-dv-ne-hv-i, a-le a-ni-ga-li-ye-s-di u-na-da-ne-di-yi, a-ni-ya-do-hi-hi ge-se-s-di u-ni-hv-i;

dimadi igvyiyi 6:18

ale osdv nanadvnehesdi, ale unehnaiyu gesesdi osdv nanadvnehvi, ale anigalisyesdi unadanediyi, aniyadohihi gesesdi unihvi;

1 Timothy 6:19

Laying up in store for themselves a good foundation against the time to come, that they may lay hold on eternal life.

ᏗᎹᏗ ᎢᎬᏱᏱ 6:19

ᎠᎾᏓᏁᎸᏍᎨᏍᏗ ᎤᏅᏒ ᎤᎾᏤᎵᎦ ᎣᏍᏛ ᎦᎫᏍᏛᏗ ᎠᏏ ᎾᏍᏆᎵᏍᎬᎾ ᎾᎯᏳ ᎤᏍᏆᎸᏗ ᏥᎩ, ᎾᏍᎩ ᎾᎵᏍᏆᏗᏍᎬᎾ ᎬᏂᏛ ᏗᎬᏩᏂᏂᏴᏗ ᎢᏳᎵᏍᏙᏗᏱ.

di-ma-di i-gv-yi-yi 6:19

A-na-da-ne-lv-s-ge-s-di u-nv-sv u-na-tse-li-ga o-s-dv ga-gu-s-dv-di a-si na-s-qua-li-s-gv-na na-hi-yu u-s-qua-lv-di tsi-gi, na-s-gi na-li-s-qua-di-s-gv-na gv-ni-dv di-gv-wa-ni-ni-yv-di i-yu-li-s-do-di-yi.

dimadi igvyiyi 6:19

anadanelvsgesdi unvsv unatseliga osdv gagusdvdi asi nasqualisgvna nahiyu usqualvdi tsigi, nasgi nalisquadisgvna gvnidv digvwaniniyvdi iyulisdodiyi.

1 Timothy 6:20

O Timothy, keep that which is committed to thy trust, avoiding profane and vain babblings, and oppositions of science falsely so called:

ᏗᎹᏗ ᎢᎬᏱᏱ 6:20

ᏗᎹᏗ, ᏣᏍᏆᏂᎪᏕᏍᏗ ᎾᏍᎩ ᏤᏣᎨᏅᏴ, ᎢᏴᏛ ᏅᏁᎮᏍᏗ ᎦᏪᏢᏗ ᎨᏒ ᎠᎴ ᎠᏎᏉᏉ ᎦᏬᏂᎯᏍᏗ ᎨᏒᎢ, ᎠᎴ ᎠᏗᏒᏍᏗ ᎨᏒ ᎠᎦᏙᎥᎯᏍᏗ ᏂᏚᏳᎪᏛᎾ ᏥᏚᏙᎥ:

di-ma-di i-gv-yi-yi 6:20

Di-ma-di, tsa-s-qua-ni-go-de-s-di na-s-gi tse-tsa-ge-nv-yv, i-yv-dv nv-ne-he-s-di ga-we-tlv-di ge-sv a-le a-se-quo-quo ga-wo-ni-hi-s-di ge-sv-i, a-le a-di-sv-s-di ge-sv a-ga-do-v-hi-s-di ni-du-yu-go-dv-na tsi-du-do-v:

dimadi igvyiyi 6:20

dimadi, tsasquanigodesdi nasgi tsetsagenvyv, iyvdv nvnehesdi gawetlvdi gesv ale asequoquo gawonihisdi gesvi, ale adisvsdi gesv agadovhisdi niduyugodvna tsidudov:

1 Timothy 6:21

Which some professing have erred concerning the faith. Grace be with thee. Amen.

ᏗᎹᏗ ᎢᎬᏱᏱ 6:21

ᎾᏍᎩ ᎩᎶ ᎠᏂᏍᏓᏩᏗᏒ ᎤᎾᏞᏒ ᎪᎯᏳᏗ ᎨᏒᎢ. [ᎤᏁᎳᏅᎯ] ᎤᏓᏙᎵᏍᏗ ᎨᏒ ᏕᏣᎧᏩᏗᏙᎮᏍᏗ. ᎡᎺᏅ.

di-ma-di i-gv-yi-yi 6:21

Na-s-gi gi-lo a-ni-s-da-wa-di-sv u-na-tle-sv go-hi-yu-di ge-sv-i. [U-ne-la-nv-hi] u-da-do-li-s-di ge-sv de-tsa-ka-wa-di-do-he-s-di. E-me-nv.

dimadi igvyiyi 6:21

nasgi gilo anisdawadisv unatlesv gohiyudi gesvi [unelanvhi] udadolisdi gesv detsakawadidohesdi. emenv.

1 Timothy 5 PREVIOUS CHAPTER NEXT BOOK 2 Timothy 1