Genesis 19
THIS WORK WAS COMPLETED BASED OFF A COPY OF SCRIPTURES published by Park Hill By Edwin Archer in 1856
Park Hill: Mission Press: Edwin Archer, Printer, 1856. PUBLIC DOMAIN
ᎼᏏ ᎢᎬᏱᏱ ᎤᏬᏪᎳᏅᎯ
mosi igvyiyi uwowelanvhi
First Book of Moses
ᏗᏓᎴᏂᏍᎬᎢ ᎤᏁᎳᏅᎯ ᏚᏬᏢᏁ ᎦᎸᎶᎢ ᎠᎴ ᎡᎶᎯ
didalenisgvi Unelanvhi duwotlvne galvloi ale elohi
Genesis 19 King James Version (KJV)
ᎠᏯᏙᎸᎢ 19
ayadolvi 19
19:1 And there came two angels to Sodom at even; and Lot sat in the gate of Sodom: and Lot seeing them rose up to meet them; and he bowed himself with his face toward the ground;
19:1 ᎤᏒᎢᏃ ᎠᏂᏔᎵ ᏗᏂᎧᎿᏩᏗᏙᎯ ᏐᏓᎻ ᎤᏂᎷᏤᎢ; ᎶᏗᏃ ᏐᏓᎻ ᎦᎶᎯᏍᏗᏱ ᎤᏬᎴᎢ; ᎶᏗᏃ xᏚᎪᎲ ᏚᎴᏁ ᏚᏠᏒᏎᎢ; ᎡᎳᏗᏃ ᏄᏛᏁᎴᎢ, ᎤxᏛ ᏚᏙᎯ ᎢᏗᏢ ᏄᏩᏁᎴᎢ.
19:1 usvino anitali dinikahnawadidohi sodami unilutsei; lodino sodami galohisdiyi uwolei; lodino xdugohv dulene dutlosvsei; eladino nudvnelei, uxdv dudohi iditlv nuwanelei
19:2 And he said, Behold now, my lords, turn in, I pray you, into your servant's house, and tarry all night, and wash your feet, and ye shall rise up early, and go on your ways. And they said, Nay; but we will abide in the street all night.
19:2 ᎯᎠᏃ ᏄᏪᏎᎢ, Ꭷ, ᎢᏍᏗᎬᏫᏳᎯ ᏗᏆᏤᎵᎦ, ᎢᏍᏛᏔᏲᏏ ᎡᏍᏗᏅᏏᏓᏍᏗ ᎦᏁᎸ ᎢᏍᏗᏴᏍᏗᏱ, ᎠᎴ ᎢᏍᏗᏒᏍᏗᏱ, ᎠᎴ ᏗᏍᏙᏑᎴᏗᏱ ᏗᏍᏓᎳᏏᏕᏂ; ᏑᎾᎴᏃ ᏕᏍᏓᏗᏛᎲᎭ, ᎠᎴ ᏫᏍᏗᎦᏛ ᏫᏍᏗᎶᏒᎭ. ᎯᎠᏃ ᏄᏂᏪᏎᎢ, ᎥᏝ; ᎦᎳᏅᏛᏉᏍᎩᏂ ᏓᏲᎩᏂᏒᎵ.
19:2 hiano nuwesei, ka, isdigvwiyuhi diquatseliga, isdvtayosi esdinvsidasdi ganelv isdiyvsdiyi, ale isdisvsdiyi, ale disdosulediyi disdalasideni; sunaleno desdadidvhvha, ale wisdigadv wisdilosvha hiano nuniwesei, vtla; galanvdvquosgini dayoginisvli
19:3 And he pressed upon them greatly; and they turned in unto him, and entered into his house; and he made them a feast, and did bake unleavened bread, and they did eat.
19:3 ᎤᏣᏘᏃ ᏚᏍᏗᏰᏔᏁᎢ, ᏗᎬᏩᎦᏔᎲᎡᎴᏃ ᎠᎴ ᎦᏁᎸ ᏭᏂᏴᎴᎢ; ᎠᎴ ᏚᏛᏅᎢᏍᏓᏁᎴ ᎠᏗᏔᏍᏗ, ᎠᎴ ᏂᏓᎪᏔᏅᎾ ᎦᏚ ᏚᏪᏚᏁᎢ, ᎠᎴ ᎤᎾᎵᏍᏓᏴᏁᎢ.
19:3 utsatino dusdiyetanei, digvwagatahveleno ale ganelv wuniyvlei; ale dudvnvisdanele aditasdi, ale nidagotanvna gadu duwedunei, ale unalisdayvnei
19:4 But before they lay down, the men of the city, even the men of Sodom, compassed the house round, both old and young, all the people from every quarter:
19:4 ᎠᏏᏉᏃ ᏂᏚᎾᏂᏢᏅᎾ ᎨᏎᎢ, ᎠᏂᏍᎦᏯ ᎦᏚᎲ ᎠᏁᎯ, ᎾᏍᎩ ᎠᏂᏍᎦᏯ ᏐᏓᎻ ᎠᏁᎯ, ᎠᏓᏁᎸ ᏚᎾᏚᏫᏍᏔᏁᎢ, ᎠᏂᏫᏅ ᎠᎴ ᎾᏍᏉ ᏧᎾᏛᏐᏅᎯ, ᏂᎦᏛ ᏴᏫ ᎬᏩᏚᏫᏛ ᏅᏓᏳᏂᎶᏒᎯ.
19:4 asiquono nidunanitlvnvna gesei, anisgaya gaduhv anehi, nasgi anisgaya sodami anehi, adanelv dunaduwistanei, aniwinv ale nasquo tsunadvsonvhi, nigadv yvwi gvwaduwidv nvdayunilosvhi
19:5 And they called unto Lot, and said unto him, Where are the men which came in to thee this night? bring them out unto us, that we may know them.
19:5 ᎶᏗᏃ ᏫᎬᏩᏯᏅᎮᎢ, ᎠᎴ ᎯᎠ ᏂᎬᏩᏪᏎᎴᎢ, ᎭᏢ ᎠᏂᏍᎦᏯ ᎪᎯ ᎤᏒ ᏥᎰᏣᏴᏎᎸᎩ? ᎡᏗᏍᎩᏄᎪᏫᏏ ᏙᏥᎦᏙᎥᏒᎭ.
19:5 lodino wigvwayanvhei, ale hia nigvwaweselei, hatlv anisgaya gohi usv tsihotsayvselvgi. edisginugowisi dotsigadovsvha
19:6 And Lot went out at the door unto them, and shut the door after him,
19:6 ᎶᏗᏃ ᏚᏄᎪᏤᎴ ᎦᎶᎯᏍᏗᏱ, ᎦᎶᎯᏍᏗᏱᏃ ᎤᏍᏚᏁᎢ.
19:6 lodino dunugotsele galohisdiyi, galohisdiyino usdunei.
19:7 And said, I pray you, brethren, do not so wickedly.
19:7 ᎯᎠᏃ ᏄᏪᏎᎢ, ᎢᏨᏔᏲᏎᎭ ᎢᏓᎵᏅᏟ, ᏞᏍᏗ ᎾᏍᎩ ᎢᏳᏲ ᏗᏥᎸᏫᏍᏓᏁᎸᎩ;
19:7 hiano nuwesei, itsvtayoseha idalinvtli, tlesdi nasgi iyuyo ditsilvwisdanelvgi;
19:8 Behold now, I have two daughters which have not known man; let me, I pray you, bring them out unto you, and do ye to them as is good in your eyes: only unto these men do nothing; for therefore came they under the shadow of my roof.
19:8 ᎬᏂᏳᏉ, ᎠᏂᏔᎵ ᏗᏇᏥ ᎠᏂᎨᏴ ᎠᏁᎭ ᎠᏍᎦᏯ ᏄᏂᎦᏙᎥᏒᎾ, ᎾᏍᎩ ᏗᏨᏄᎪᏫᏏ, ᎾᏍᎩᏃ ᎢᏣᏓᏅᏖᏍᎬᏉ ᏂᏗᏨᎦ; ᎯᎠᏍᎩᏂ ᎠᏂᏍᎦᏯ ᏞᏍᏗ ᎪᎱᏍᏗ ᏗᏨᏁᎸᎩ; ᎾᏍᎩᏰᏃ ᎢᏳᏍᏗ ᏥᏁᎸ ᎤᎾᎵᏍᎦᏍᏙᏔᏂᎸ.
19:8 gvniyuquo, anitali diquetsi anigeyv aneha asgaya nunigadovsvna, nasgi ditsvnugowisi, nasgino itsadanvtesgvquo niditsvga; hiasgini anisgaya tlesdi gohusdi ditsvnelvgi; nasgiyeno iyusdi tsinelv unalisgasdotanilv.
19:9 And they said, Stand back. And they said again, This one fellow came in to sojourn, and he will needs be a judge: now will we deal worse with thee, than with them. And they pressed sore upon the man, even Lot, and came near to break the door.
19:9 ᎯᎠᏃ ᏄᏂᏪᏎᎢ, ᎭᎴᎲᎾᏉ. ᎠᎴ ᎯᎠ ᏄᏂᏪᏎᎢ, ᎯᎠ ᎠᏍᎦᏯ ᎤᎳᏂᏏᎸᎯᏉ, ᏗᎫᎪᏓᏁᎯ ᎢᏳᎵᏍᏙᏗᏱ ᎤᏚᎵᎭ. ᎤᏟ ᎢᏳᏲ ᏅᏓᏨᏴᏁᎵ ᏂᎯ ᎡᏍᎦᏉ ᎯᎠ ᎠᏂᏍᎦᏯ. ᎠᎴ ᎬᏍᎦᎢᏍᏓᎩ ᏚᏂᎦᏘᎸᏎ ᎠᏍᎦᏯ, ᎾᏍᎩ ᎶᏗ, ᎠᎴ ᎾᎥ ᎤᏂᎷᏤ ᎠᏍᏚᏗ ᏗᏂᏲᏍᏔᏂᏎᎢ.
19:9 hiano nuniwesei, halehvnaquo ale hia nuniwesei, hia asgaya ulanisilvhiquo, digugodanehi iyulisdodiyi uduliha. utli iyuyo nvdatsvyvneli nihi esgaquo hia anisgaya ale gvsgaisdagi dunigatilvse asgaya, nasgi lodi, ale nav unilutse asdudi diniyostanisei.
19:10 But the men put forth their hand, and pulled Lot into the house to them, and shut to the door.
19:10 ᎠᏎᏃ ᎾᏍᎩ ᎠᏂᏍᎦᏯ ᏫᏚᎾᏙᏯᏅᎯᏕ, ᎠᎴ ᏫᎬᏩᏎᏒᎮ ᎶᏗ ᎦᎵᏦᏕ ᎬᏩᏴᏔᏁ ᎠᏂᏯᎥᎢ, ᎠᎴ ᎤᏂᏍᏚᏁ ᎦᎶᎯᏍᏗᏱ.
19:10 aseno nasgi anisgaya widunadoyanvhide, ale wigvwasesvhe lodi galitsode gvwayvtane aniyavi, ale unisdune galohisdiyi
19:11 And they smote the men that were at the door of the house with blindness, both small and great: so that they wearied themselves to find the door.
19:11 ᎦᎵᏦᏕᏃ ᎦᎶᎯᏍᏗᏱ ᏅᏛᏂᏙᎾᎢ ᏗᏂᎨᏫ ᏂᏚᏅᏁᎴᎢ, ᏄᎾᏍᏗ ᎠᎴ ᎾᏍᏉ ᏧᎾᏛᏅ; ᎾᏍᎩ ᎢᏳᏍᏗ ᏚᎾᏣᏪᎢᏍᏔᏁ ᎦᎶᎯᏍᏗᏱ ᎤᏂᏲᎲᎢ.
19:11 galitsodeno galohisdiyi nvdvnidonai dinigewi nidunvnelei, nunasdi ale nasquo tsunadvnv; nasgi iyusdi dunatsaweistane galohisdiyi uniyohvi?
19:12 And the men said unto Lot, Hast thou here any besides? son in law, and thy sons, and thy daughters, and whatsoever thou hast in the city, bring them out of this place:
19:12 ᎠᏂᏍᎦᏯᏃ ᎯᎠ ᏂᎬᏩᏪᏎᎴ ᎶᏗ, ᎦᎪ ᎠᏏ ᏗᏣᏤᎵᎦ ᏴᏫ ᎠᏂ ᎠᏁᎭ? ᏣᎾᏥ, ᏗᏤᏥ ᎠᏂᏍᎦᏯ, ᎠᎴ ᎠᏂᎨᏴ ᏗᏤᏥ, ᎠᎴ ᏄᏓᎴᏒ ᎪᎱᏍᏗ ᏣᎲ ᎠᏂ ᎦᏚᎲᎢ, ᎯᏄᎪᏩ ᎠᏂ;
19:12 anisgayano hia nigvwawesele lodi, gago asi ditsatseliga yvwi ani aneha. tsanatsi, ditsetsi anisgaya, ale anigeyv ditsetsi, ale nudalesv gohusdi tsahv ani gaduhvi, hinugowa ani;
19:13 For we will destroy this place, because the cry of them is waxen great before the face of the Lord; and the Lord hath sent us to destroy it.
19:13 ᎠᏴᏰᏃ ᏓᏲᏍᏗᏲᏍᏔᏂ ᎯᎠ ᎠᏂ, ᏅᏗᎦᎵᏍᏙᏗᎭ ᎤᏁᎷᎬ ᎾᏍᎩ ᎨᏥᏁᎢᏍᏗᏍᎬ ᎤᎶᏘ ᎡᏉᎯᏳ ᏄᎵᏍᏔᏅ ᏱᎰᏩ ᎠᎦᏯᎲᎢ; ᎠᎴ ᏱᎰᏩ ᏦᎩᏂᏅᏒ ᎣᎩᏂᏲᏍᏙᏗᏱ ᎯᎠ ᎠᏂ.
19:13 ayvyeno dayosdiyostani hia ani, nvdigalisdodiha unelugv nasgi getsineisdisgv uloti equohiyu nulistanv yihowa agayahvi; ale yihowa tsogininvsv oginiyosdodiyi hia ani
19:14 And Lot went out, and spake unto his sons in law, which married his daughters, and said, Up, get you out of this place; for the Lord will destroy this city. But he seemed as one that mocked unto his sons in law.
19:14 ᎶᏗᏃ ᎤᏄᎪᏤᎢ, ᎠᎴ ᏚᏁᏤᎴ ᏧᎾᏥ, ᎾᏍᎩ ᏧᏪᏥ ᎠᏂᎨᏴ ᏗᎾᏓᏰᎯ, ᎯᎠ ᏄᏪᏎᎢ, ᏗᏣᎴᎲᎦ ᎠᎴ ᎢᏥᏄᎪᎢ ᎠᏂ; ᏱᎰᏩᏰᏃ ᏛᏲᏍᏔᏂ ᎯᎠ ᎦᏚᎲᎢ. ᎠᏎᏃ ᎠᏎᏉ ᏥᏂᎦᏪᏍᎪ ᎤᏂᏰᎸᏁ ᏧᎾᏥ.
19:14 lodino unugotsei, ale dunetsele tsunatsi, nasgi tsuwetsi anigeyv dinadayehi, hia nuwesei, ditsalehvga ale itsinugoi ani; yihowayeno dvyostani hia gaduhvi. aseno asequo tsinigawesgo uniyelvne tsunatsi
19:15 And when the morning arose, then the angels hastened Lot, saying, Arise, take thy wife, and thy two daughters, which are here; lest thou be consumed in the iniquity of the city.
19:15 ᏑᎾᎴᏃ ᏄᎵᏍᏔᏅ ᏗᏂᎧᎿᏩᏗᏙᎯ ᎬᏩᎵᏍᏓᏁᎴ ᎶᏗ, ᎯᎠ ᏄᏂᏪᏎᎢ, ᏔᎴᎲᎦ ᎠᎴ ᏔᏘᏄᎦ ᏣᏓᎵᎢ ᎠᎴ ᎠᏂᏔᎵ ᏗᏤᏥ ᎠᏂᎨᏴ, ᎠᏂ ᏣᏁᏙᎭ; ᏰᏣᏠᏯᏍᏓᏰᏃ ᏰᏣᏛᏓ ᎤᏂᏍᎦᏅᏨ ᎤᏂᏛᏗᏍᎬ ᎯᎠ ᎦᏚᎲᎢ.
19:15 sunaleno nulistanv dinikahnawadidohi gvwalisdanele lodi, hia nuniwesei, talehvga ale tatinuga tsadalii ale anitali ditsetsi anigeyv, ani tsanedoha; yetsatloyasdayeno yetsadvda unisganvtsv unidvdisgv hia gaduhvi
19:16 And while he lingered, the men laid hold upon his hand, and upon the hand of his wife, and upon the hand of his two daughters; the Lord being merciful unto him: and they brought him forth, and set him without the city.
19:16 ᎠᏏᏉᏃ ᎤᏙᎯᎸᎢ, ᎠᏂᏍᎦᏯ ᎬᏬᏯᏁᏎᎢ, ᎠᎴ ᎾᏍᏉ ᎤᏓᎵᎢ ᎬᏬᏯᏁᏎᎢ, ᎠᎴ ᎾᏍᏉ ᏧᏪᏥ ᎠᏂᎨᏴ ᎠᏂᏔᎵ ᏚᏃᏯᏁᏎᎢ; ᏱᎰᏩᏰᏃ ᎤᏪᏙᎵᎨᎢ; ᎠᎴ ᎬᏩᏄᎪᏫᏎᎢ, ᎦᏚᎲᏃ ᏙᏱᏗᏢ ᏫᎬᏪᎧᏁᎢ.
19:16 asiquono udohilvi, anisgaya gvwoyanesei, ale nasquo udalii gvwoyanesei, ale nasquo tsuwetsi anigeyv anitali dunoyanesei; yihowayeno uwedoligei; ale gvwanugowisei, gaduhvno doyiditlv wigvwekanei.
19:17 And it came to pass, when they had brought them forth abroad, that he said, Escape for thy life; look not behind thee, neither stay thou in all the plain; escape to the mountain, lest thou be consumed.
19:17 ᎯᎠᏃ ᏄᎵᏍᏔᏁᎢ ᎿᏉ ᏙᏱᏗᏢ ᏫᏗᎨᏥᎧᏅ, ᎯᎠ ᏄᏪᏎᎢ, ᎭᎵᏘ ᎲᏅ ᎯᏍᏕᎸ; ᏞᏍᏗ ᏩᎦᏔᎲᏒᎩ, ᏞᏍᏗ ᎠᎴ ᎯᎸᎯᏢ ᎤᏬᏓᎸ ᏣᎴᏫᏍᏔᏅᎩ; Ꮎ ᏦᏓᎸ ᏩᏗᏢᏍᏓ, ᏰᏣᏛᏓᎾᏏ.
19:17 hiano nulistanei hnaquo doyiditlv widigetsikanv, hia nuwesei, haliti hvnv hisdelv; tlesdi wagatahvsvgi, tlesdi ale hilvhitlv uwodalv tsalewistanvgi; na tsodalv waditlvsda, yetsadvdanasi
19:18 And Lot said unto them, Oh, not so, my Lord:
19:18 ᎶᏗᏃ ᎯᎠ ᏂᏚᏪᏎᎴᎢ, ᏞᏍᏗ, ᏣᎬᏫᏳᎯ ᎠᏆᏤᎵᎦ;
19:18 lodino hia niduweselei, tlesdi, tsagvwiyuhi aquatseliga;
19:19 Behold now, thy servant hath found grace in thy sight, and thou hast magnified thy mercy, which thou hast shewed unto me in saving my life; and I cannot escape to the mountain, lest some evil take me, and I die:
19:19 ᎬᏂᏳᏉ ᎯᏅᏏᏓᏍᏗ ᎬᏩᎦᏘᏯ ᏣᏓᏙᎵᏍᏗ ᎨᏒ ᎯᎾᏄᎪᏫᏎᎸ, ᎠᎴ ᏣᏓᏙᎵᏍᏗ ᎨᏒ ᏣᏔᏃᎯᏍᏔᏅ, ᎾᏍᎩ ᏥᏍᎩᎾᏄᎪᏫᏎᎸ ᎬᏅ ᏍᎩᏍᏕᎸᎡᎸᎯ ᏥᎩ; ᎥᏝ ᎠᎴ Ꮎ ᏦᏓᎸ ᏰᎵ ᏫᎬᏆᏗᏫᏍᏙᏗ ᏱᎩ, ᎪᎱᏍᏗᏰᏃ ᎤᏲ ᏯᏆᏢᏔ ᎠᎴ ᏴᏥᏲᎤᎯ.
19:19 gvniyuquo hinvsidasdi gvwagatiya tsadadolisdi gesv hinanugowiselv, ale tsadadolisdi gesv tsatanohistanv, nasgi tsisginanugowiselv gvnv sgisdelvelvhi tsigi; vtla ale na tsodalv yeli wigvquadiwisdodi yigi, gohusdiyeno uyo yaquatlvta ale yvtsiyouhi.
19:20 Behold now, this city is near to flee unto, and it is a little one: Oh, let me escape thither, (is it not a little one?) and my soul shall live.
19:20 ᎬᏂᏳᏉ, ᎯᎠ ᎦᏚᎲ ᎡᏍᎦᏂᏳᏉ ᎾᎿ ᏩᏗᏢᏍᏙᏗᏱ, ᎠᎴ ᎤᏍᏗᏉ ᎦᏚᎭ; ᎾᎿᏉ ᏫᎦᏗᏢᏍᏓ; ᏝᏍᎪ ᎰᏩ ᎤᏍᏗᏉ ᏱᎩ?
19:20 gvniyuquo, hia gaduhv esganiyuquo nahna waditlvsdodiyi, ale usdiquo gaduha; nahnaquo wigaditlvsda; tlasgo howa usdiquo yigi.
19:21 And he said unto him, See, I have accepted thee concerning this thing also, that I will not overthrow this city, for the which thou hast spoken.
19:21 ᎯᎠᏃ ᏄᏪᏎᎴᎢ, ᎬᏂᏳᏉ, ᎯᎠ ᎾᏍᏉ ᏙᎬᏯᏓᏂᎸᏥᏏ, ᎾᏍᎩ ᎥᏝ ᏴᎦᏥᏛᏓ ᎯᎠ ᎦᏚᎲ ᎾᏍᎩ ᏥᏁᎢᏍᏓ.
19:21 hiano nuweselei, gvniyuquo, hia nasquo dogvyadanilvtsisi, nasgi vtla yvgatsidvda hia gaduhv nasgi tsineisda.
19:22 Haste thee, escape thither; for I cannot do anything till thou be come thither. Therefore the name of the city was called Zoar.
19:22 ᏞᎩᏳ ᎾᎿ ᏩᏗᏢᏍᏓ; ᎥᏝᏰᏃ ᎪᎱᏍᏗ ᏴᎦᎦᏛᎦ ᎬᏂ ᎾᎿ ᏫᎷᏨᎭ. ᎾᏍᎩᏃ ᎢᏳᏍᏗ ᎾᎿ ᎦᏚᎲ ᏦᎠ ᏚᏃᎡᎢ.
19:22 tlegiyu nahna waditlvsda; vtlayeno gohusdi yvgagadvga gvni nahna wilutsvha. nasgino iyusdi nahna gaduhv tsoa dunoei
19:23 The sun was risen upon the earth when Lot entered into Zoar.
19:23 ᏅᏙ ᎦᏳᎳ ᏗᎧᎴ ᎶᏗ ᏭᏴᎸ ᏦᎠ ᎦᏚᎲᎢ.
19:23 nvdo gayula dikale lodi wuyvlv tsoa gaduhvi.
19:24 Then the Lord rained upon Sodom and upon Gomorrah brimstone and fire from the Lord out of heaven;
19:24 ᎿᏉᏃ ᏱᎰᏩ ᏓᎶᏂᎨ ᏓᏪᎵᎩᏍᎩ ᎠᏑᏴᏗ ᎠᎴ ᎠᏥᎸ ᎤᏅᎪᎥᏔᏁ ᏐᏓᎻᏱ ᎠᎴ ᎪᎹᎵᏱ, ᏱᎰᏬ ᎦᎸᎳᏗ ᏧᏓᎴᏁᎢ.
19:24 hnaquono yihowa dalonige daweligisgi asuyvdi ale atsilv unvgovtane sodamiyi ale gomaliyi, yihowo galvladi tsudalenei
19:25 And he overthrew those cities, and all the plain, and all the inhabitants of the cities, and that which grew upon the ground.
19:25 ᎠᎴ ᏚᏛᏔᏁ ᎾᏍᎩ ᏕᎦᏚᎲᎢ, ᎠᎴ ᏂᎦᏛ ᎾᎿ ᎤᏬᏓᎸᎢ, ᎠᎴ ᏂᎦᏛ ᏕᎦᏚᎲ ᎠᏁᎯ ᎠᎴ ᎾᏍᎩ ᎦᏙᎯ ᎤᏰᎾᎥᎢ.
19:25 ale dudvtane nasgi degaduhvi, ale nigadv nahna uwodalvi, ale nigadv degaduhv anehi ale nasgi gadohi uyenavi.
19:26 But his wife looked back from behind him, and she became a pillar of salt.
19:26 ᎠᏎᏃ ᎶᏗ ᎤᏓᎵᎢ ᎤᏍᏓᏩᏗᏒ ᎤᎦᏔᎲᏎᎢ, ᎠᎴ ‾ᎠᎹ ᏄᎵᏍᏔᏁᎢ ᎠᎴ ᎢᎦᎧᎮᎢ.
19:26 aseno lodi udalii usdawadisv ugatahvsei, ale ‾ama nulistanei ale igakahei
19:27 And Abraham gat up early in the morning to the place where he stood before the Lord:
19:27 ᎡᏆᎭᎻᏃ ᏑᎾᎴᏉ ᎤᎿᎷᏎ ᎾᎿ ᏭᎷᏤ ᏱᎰᏩ ᎠᎦᏔᎲ ᎤᎴᏅᎢ;
19:27 equahamino sunalequo uhnaluse nahna wulutse yihowa agatahv ulenvi;
19:28 And he looked toward Sodom and Gomorrah, and toward all the land of the plain, and beheld, and, lo, the smoke of the country went up as the smoke of a furnace.
19:28 ᏐᏓᎻᏱᏃ ᎠᎴ ᎪᎹᎵᏱ ᎢᏗᏢ ᏫᏚᎧᎾᏁᎢ, ᎠᎴ ᏂᎬᎾᏛ ᎤᏬᏓᎸ ᎦᏙᎯ, ᎤᎪᎮᏃ, ᎠᎴ ᎬᏂᏳᏉ, ᎾᎿ ᏂᎬᎾᏛ ᏚᎦᏒᏍᏛ ᏓᎴᎲᏍᎨ ᎬᎾᏬᏙᏗᏱ ᏥᏚᎦᏒᏍᏙ ᎾᏍᎩᏯᎢ.
19:28 sodamiyino ale gomaliyi iditlv widukananei, ale nigvnadv uwodalv gadohi, ugoheno, ale gvniyuquo, nahna nigvnadv dugasvsdv dalehvsge gvnawododiyi tsidugasvsdo nasgiyai?
19:29 And it came to pass, when God destroyed the cities of the plain, that God remembered Abraham, and sent Lot out of the midst of the overthrow, when he overthrew the cities in the which Lot dwelt.
19:29 ᎯᎠᏃ ᏄᎵᏍᏔᏁᎢ ᎾᏍᎩ ᎤᏁᎳᏅᎯ ᏚᏲᏍᏔᏅ ᎤᏬᏓᎸ ᏕᎦᏚᎲᎢ, ᎤᏁᎳᏅᎯ ᎡᏆᎭᎻ ᎢᎤᏅᏓᏕᎢ, ᎠᎴ ᎶᏗ ᎤᏄᎪᏫᏎ ᎾᎿ ᎠᏲᏍᏗᏍᎬᎢ, ᎾᎯᏳ ᏥᏓᏲᏍᏗᏍᎨ ᏕᎦᏚᎲ ᎾᎿ ᎶᏗ ᎡᎲᎢ.
19:29 hiano nulistanei nasgi unelanvhi duyostanv uwodalv degaduhvi, unelanvhi equahami iunvdadei, ale lodi unugowise nahna ayosdisgvi, nahiyu tsidayosdisge degaduhv nahna lodi ehvi
19:30 And Lot went up out of Zoar, and dwelt in the mountain, and his two daughters with him; for he feared to dwell in Zoar: and he dwelt in a cave, he and his two daughters.
19:30 ᎶᏗᏃ ᏦᎠ ᎤᏄᎪᏤᎢ, ᎠᎴ ᎣᏓᎸ ᏭᏕᏁᎢ, ᎠᎴ ᎾᏍᏉ ᎠᏂᏔᎵ ᏧᏪᏥ ᎠᏂᎨᏴ; ᎠᏍᎦᎢᎮᏰᏃ ᏦᎠ ᎤᏕᏗᏱ; ᎤᏍᏓᎨᎸᏃ ᎡᎮᎢ, ᎤᏩᏒ, ᎠᎴ ᎠᏂᏔᎵ ᏧᏪᏥ ᎠᏂᎨᏴ.
19:30 lodino tsoa unugotsei, ale odalv wudenei, ale nasquo anitali tsuwetsi anigeyv; asgaiheyeno tsoa udediyi; usdagelvno ehei, uwasv, ale anitali tsuwetsi anigeyv.
19:31 And the firstborn said unto the younger, Our father is old, and there is not a man in the earth to come in unto us after the manner of all the earth:
19:31 ᎤᏓᏂᎵᎨᏃ ᎯᎠ ᏄᏪᏎᎴ ᎣᏂ ᎡᎯ, ᎩᏂᏙᏓ ᎠᎦᏴᎵᏳ, ᎥᏝ ᎠᎴ ᎡᎶᎯ ᏂᎬᎾᏛ ᏰᎭ ᎠᏍᎦᏯ ᎨᎩᏂᎷᏤᏗ ᎾᏍᎩᏯ ᎢᏳᎾᏛᏁᏗ ᏥᎩ ᎡᎶᎯ ᏂᎬᎾᏛᎢ.
19:31 udaniligeno hia nuwesele oni ehi, ginidoda agayvliyu, vtla ale elohi nigvnadv yeha asgaya geginilutsedi nasgiya iyunadvnedi tsigi elohi nigvnadvi
19:32 Come, let us make our father drink wine, and we will lie with him, that we may preserve seed of our father.
19:32 Ꭷ, ᎩᎦᎨ ᎠᏗᏔᏍᏗ ᎡᏂᎤᎥᎦ ᎩᏂᏙᏓ, ᎠᎴ ᎡᎾᏂᏏᏁᎸᎭ, ᎩᏂᏙᏓᏃ ᎤᏁᏢᏔᏅᎯ ᎡᏂᏍᏆᏂᎪᏓᏁᎸᎭ.
19:32 ka, gigage aditasdi eniuvga ginidoda, ale enanisinelvha, ginidodano unetlvtanvhi enisquanigodanelvha.
19:33 And they made their father drink wine that night: and the firstborn went in, and lay with her father; and he perceived not when she lay down, nor when she arose.
19:33 ᎾᎯᏳᏉᏃ ᎤᏒᎢ ᎩᎦᎨ ᎠᏗᏔᏍᏗ ᎤᏂᎱᏁ ᎤᏂᏙᏓ; ᎤᏓᏂᎵᎨᏃ ᎤᎷᏤ ᎠᎴ ᎤᏙᏓ ᎤᏂᏏᏁᎴᎢ; [ᎤᏙᏓᏃ] ᎥᏝ ᏳᏙᎴᎰᏎ ᎤᏂᏏᏂᎸ, ᎠᎴ ᎢᎤᏗᏛᎲ.
19:33 nahiyuquono usvi gigage aditasdi unihune unidoda; udaniligeno ulutse ale udoda unisinelei; [udodano] vtla yudolehose unisinilv, ale iudidvhv.
19:34 And it came to pass on the morrow, that the firstborn said unto the younger, Behold, I lay yesternight with my father: let us make him drink wine this night also; and go thou in, and lie with him, that we may preserve seed of our father.
19:34 ᎯᎠᏃ ᏄᎵᏍᏔᏁ ᎤᎩᏨᏛ, ᎾᏍᎩ ᎤᏓᏂᎵᎨ ᎯᎠ ᏄᏪᏎᎴ ᎣᏂ ᎡᎯ, ᎬᏂᏳᏉ ᎤᏒᎯ ᏒᏃᏱ ᏥᎨᏒ ᎠᏴ ᏥᏯᏂᏏᏁᎸᎩ ᎡᏙᏓ; ᎪᎯ ᎾᏍᏉ ᎤᏒ ᎡᏂᎤᏅᎭ ᎩᎦᎨ ᎠᏗᏔᏍᏗ; ᏂᎯᏃ ᎡᏒᎭ, ᎯᏯᏂᏏᏁᎸᎭ, ᎩᏂᏙᏓᏃ ᎤᏁᏢᏔᏅᎯ ᎡᏂᏍᏆᏂᎪᏓᏁᎸᎭ.
19:34 hiano nulistane ugitsvdv, nasgi udanilige hia nuwesele oni ehi, gvniyuquo usvhi svnoyi tsigesv ayv tsiyanisinelvgi edoda; gohi nasquo usv eniunvha gigage aditasdi; nihino esvha, hiyanisinelvha, ginidodano unetlvtanvhi enisquanigodanelvha
19:35 And they made their father drink wine that night also: and the younger arose, and lay with him; and he perceived not when she lay down, nor when she arose.
19:35 ᎾᎯᏳᏃ ᎾᏍᏉ ᎤᏒᎢ ᎩᎦᎨ ᎠᏗᏔᏍᏗ ᎤᏂᎱᏁ ᎤᏂᏙᏓ; ᎣᏂᏃ ᎡᎯ ᏚᎴᏁ ᎠᎴ ᏭᏂᏏᏁᎴᎢ; ᎤᏙᏓᏃ ᎥᏝ ᏳᏙᎴᎰᏎ ᎤᏂᏎᏂᎸ, ᎠᎴ ᎢᎤᏗᏛᎲ.
19:35 nahiyuno nasquo usvi gigage aditasdi unihune unidoda; onino ehi dulene ale wunisinelei; udodano vtla yudolehose unisenilv, ale iudidvhv.
19:36 Thus were both the daughters of Lot with child by their father.
19:36 ᎾᏍᎩᏃ ᎢᏧᎳ ᎶᏗ ᏧᏪᏥ ᏗᏂᏁᎵᏛ ᏄᎵᏍᏔᏁ ᎤᏂᏙᏓ ᏧᏪᏥ.
19:36 nasgino itsula lodi tsuwetsi dininelidv nulistane unidoda tsuwetsi
19:37 And the first born bare a son, and called his name Moab: the same is the father of the Moabites unto this day.
19:37 ᎤᏓᏂᎵᎨᏃ ᎠᏧᏣ ᎤᎾᏄᎪᏫᏎᎢ, ᎠᎴ ᎼᎠᏈ ᏚᏬᎡᎢ; ᎾᏍᎩᏃ ᎤᏂᎦᏰᎵᎨ ᎠᏂᎼᎠᏈ ᎩᎳᎯᏳ ᏣᏁᎭ.
19:37 udaniligeno atsutsa unanugowisei, ale moaqui duwoei; nasgino unigayelige animoaqui gilahiyu tsaneha.
19:38 And the younger, she also bare a son, and called his name Benammi: the same is the father of the children of Ammon unto this day.
19:38 ᎣᏂᏃ ᎡᎯ ᎾᏍᏉ ᎠᏧᏣ ᎢᎤᎾᏄᎪᏫᏎᎢ, ᎠᎴ ᏇᎾᎻ ᏚᏬᎡᎢ; ᎾᏍᎩᏃ ᎤᏂᎦᏴᎵᎨ ᎠᎼᏏ ᏧᏪᏥ ᎩᎳᎯᏳ ᏣᏁᎭ.
19:38 onino ehi nasquo atsutsa iunanugowisei, ale quenami duwoei; nasgino unigayvlige amosi tsuwetsi gilahiyu tsaneha
King James Version (KJV)
Public Domain
LINKS:
~Old Testament Project > Genesis Resources > Genesis 1 plus Index & PDF > Genesis 2 > Genesis 3 > Genesis 4 > Genesis 5 > Genesis 6 > Genesis 7 > Genesis 8 > Genesis 9 > Genesis 10 > Genesis 11 > Genesis 12 > Genesis 13 > Genesis 14 > Genesis 15 > Genesis 16 > Genesis 17 > Genesis 18 > Genesis 19 > Genesis 20 > Genesis 21 > Genesis 22 > Genesis 23 > Genesis 24 > Genesis 25 > Genesis 26 > Genesis 27 > Genesis 28 > Genesis 29 > Genesis 30 > Genesis 31 > Genesis 32 > Genesis 33 > Genesis 34 > Genesis 35 > Genesis 36 > Genesis 37 > Genesis 38 > Genesis 39 > Genesis 40 > Genesis 41 > Genesis 42 > Genesis 43 > Genesis 44 > Genesis 45 > Genesis 46 > Genesis 47 > Genesis 48 > Genesis 49 > Genesis 50 last chapter