6. Zaborrak berreskuratzea
Giza jarduerek hondakin ugari sortzen dituzte; zaborra deritzoguna, hain zuzen.
Hondakin horietako batzuek oso bizitza luzea dute; plastikoek, esaterako. Beste batzuek lurzorua eta urak kutsatzen dituzte; metal astunek eta pilen nahiz baterien edukiak, besteak beste. Beste hondakin batzuk deskonposatu egiten dira, eta kiratsa sortzeaz gain, mikroorganismoak garatzen dira.
Zaborrak bereskuratzeko ondokoa egin behar dugu:
MURRIZTU zabor kantitatea.
BERRERABILI materialak, bakoitzaren balio-bizitza ahalik gehien luzatzeko.
BIRZIKLATU materialak, haiek erabiliz beste produktu batzuk egiteko.
Hona hemen zenbait aholku baliagarri:
Erabili plastikozko poltsa gutxiago, eta baliatu behin baino gehiagotan. Poltsarik bota behar baduzu, bota edukiontzi egokira, birzikla ditzaten.
Pilak eta bateriak erabat agortu arte baliatzen badituzu, gutxiago behar izango dituzu. Ahal duzun guztietan, erabili berriz kargatzeko pilak edo bateriak. Agortutakoan, bota edukiontzi egokira; horrelakoak tratatzeko instalazioetan, izan ere, barruan dituzten metalak aterako dizkiete.