2. Gasen legeak
GASEN LEGEAK.pptxGASEN MAGNITUDEAK : P (atm) , V (L) , T (K)
Gasetan, hiru magnitudeak lotuta daude. Gas baten magnitude bat aztertzeko, hiru esperimentu egin daitezke:
XVIII.mendean, zenbait zientzialarik gasen portaera aztertu zuten; izan ere, presioa, bolumena eta tenperatura aztertu zituzten.
Aurreko LABORATEGIAN ikusi dugunez esperimentuen ondorioz, gasen legeak ezarri zituzten.
2.1. Boyle-Mariotteren legea
XVII.mendean zehar, Robert Boyle (1627-1691) britaniarrak eta Edmé Mariotte (1620-1684) frantsesak aztertu zuten zer-nolako aldaketak gertatzen ziren gas baten presioan, tenperaturari konstante eutsita gasaren bolumena aldatzen zenean.
"Tenperatura konstantean gas batean aldaketak gertatzen direnean, presioaren eta bolumenaren arteko biderkadura konstantea da".
P·V=ktea
P1 · V1 = P2 · V2
2.2. Gay-Lussacen legea
XIX. mendearen hasieran, Joseph Louis Gay-Lussac (1778-1850) frantses kimikariak aztertu zuen zer-nolako aldaketak gertatzen ziren gas baten presioan, ontziaren bolumenari konstante eutsita gas haren tenperatura aldatzen zenean.
"Bolumen konstantean gas batean aldaketak gertatzen direnean, presioaren eta tenperaturaren arteko zatidura konstantea da".
P/T=ktea
P1 / T1 = P2 / T2
2.3 Charlesen legea
Jacques Alexandre Charles (1746-1823) zientzialariak aztertu zuen zer-nolako aldaketak gertatzen ziren gas baten bolumenean, presioari konstante eutsita gas haren tenperatura aldatzen zenean.
"Presio konstantean gas batean aldaketak gertatzen direnean, bolumenaren eta tenperatura absolutuaren arteko zatidura konstantea da".
V/T=ktea
V1 / T1 = V2 / T2
