5.2.1. Ikusmena
Gauzen kolorea, forma, tamaina eta zer distantziatara dauden hautematen ditugu.
BEGIAREN ATALAK
Kanpoaldean dauden egitura babesgarriak:
BETAZALAK: Begiaren aurrealdeaestaltzen duten ehunezko geruzak. Malkoak zabaltzeaz eta begia bustitzeaz arduratzen dira begia lehortu ez dadin.
BETILEAK: Betazaletako iletxoak dira. Begi-ninia babesten dute.
BEKAINAK: Begien gaineko irtengune iletsuak dira. Izerdiaren isuria oztopatzen dute, begietara sar ez dadin.
KORNEA: Begiaren aurrealdea estaltzen duen geruza gardena da.
IRISA: Argiaren sarrera erregulatzen duen geruza da, zabaldu eta uzkur daitekeena.
Argiaren sarbidea begi-niniaren (zulo bat) bidez erregulatzen da.
ESKLEROTIKA: Begi-globoari forma eta gogortasuna ematen dion geruza da.
KONJUNTIBA: Begi-globoa eta betazalaren barrualdea estaltzen eta babesten dituen geruza da.
HUMORE URTSUA: Kornearen eta kristalinoaren arteko barrunbea betetzen duen likidoa.
KRISTALINOA: Lente forma duen mintza, irudiak erretinan fokatzea ahalbidetzen du.
HUMORE BEIRAKARA: Begi-globoaren barrualdea betetzen duen substantzia likatsua da. Humore urtsuarekin batera, kornearen eta kristalinoaren nutrizioaz arduratzen da.
ERRETINA: Begiaren atzealdea eta barrualdea estaltzen duen zelula-xafla da. Argiarekiko sentikorra da eta ikusmen-nerbioari informazioa bidaltzen dio.
BEGIAREN FUNTZIONAMENDUA