5.3.Nerbio-sistema
Nerbio-sistemak zentzumen-organoek eta barne-errezeptoreek hautemandako estimuluak aztertzen ditu, dagokion erantzuna prestatzeko.
Nerbio-sistemaren zelulak neuronak dira.
NEURONAK
Neuronek hiru atal dituzte:
Neurona-gorputza: Atal handiena da, nukleoa eta zitoplasmaren zatirik zabalena ditu.
Dendritak: Neuronaren gorputzetik ateratzen diren adarkadura laburrak dira. Hauen bidez, neuronak elkarri konektatzen dira, eta era horretan informazioa jasotzen dute.
Axoia: Luzakin hauek dendritak baino luzeagoak dira eta adarkadura urrikoak. Informazioa helarazten dute beste neurona batzuetara.
Neurona-gorputzak elkartu egiten dira nerbio-zentroak osatuz.
Axoiak elkartu egiten dira nerbioak osatuz.
Neuronek informazioa transmititzen diote elkarri nerbio-bulkaden bitartez (intentsitate gutxiko korronte elektrikoak dira).
Sinapsia
Bi neuronen artean sortzen den komunikazioa da.
Sinapsiaurreko neurona: nerbio-bulkada emititzen duen neurona
Sinapsiosteko neurona: nerbio-bulkada jasotzen duen neurona
Sinapsiarteko gunea: bi neuronen arteko tartea, sinapsia gertatzen den gunea 1.Nerbio-bulkadak sinapsiaurreko neurona zeharkatzen du,dendritetatik axoiaren muturreraino.
2. Nerbio-bulkaden ondorioz, sinapsiarteko gunean neurotransmisoreak izeneko substantziak askatzen dira.
3. Neurotransmisoreak, espazio hori zeharkatuta, sinapsiosteko neuronaren dendritei lotzen zaizkie eta horrela, beste bulkada bat eragiten dute.