1.2. Elementuen sailkapena: metalak, ez-metalak eta gas geldoak

METALAK

• Elementu guztien ia %75 metalak dira.
• Distira bereizgarria dute: distira metalikoa.
• Beroaren eta elektrizitatearen oso eroale onak dira.
• Harikorrak (luzatu eta hariak egin daitezke) eta xaflakorrak (xaflak ere egin daitezke) dira.
• Metalak solidoak dira giro-tenperaturan, merkurioa izan ezik (likidoa da). Urtze-puntuak altuak dituzte.
• Elektroiak galdu eta ioi positiboak eratu ohi ditzute.

EZ-METALAK

• Beroaren eta elektrizitatearen eroale txarrak dira.
• Giro-tenperaturan solidoak izan daitezke (sufrea), likidoak (bromoa) edo gasak (fluorra).
• Ez metal solido gehienak bigunak dira. Iodoak, esate baterako, eskuz hausten diren ezkata batzuk eratzen ditu.
• Oro har, ez-metal solidoek urtze-tenperatura baxua dute, eta likidoek, irakite-tenperatura baxua.
• Elektroiak hartu eta ioi negatiboak eratu ohi ditzute.

GAS GELDOAK

• Naturan, gas geldoen atomoak bakartuta ageri dira.
• Gasak dira giro-tenperaturan.
• Kimikaren ikuspuntutik, oso egonkorrak dira: ez dute konposaturik eratzen. Ez dute elektroirik ez hartzen ez galtzen; hau da, ez dute ioirik osatzen.
• Gauza jakin batzuetarako erabiltzen dira, oso egonkorrak direlako kimikoki (neon hodi fluoreszenteak).