6º Sociais U-1

1.Copia na túa libreta a información en amarelo.

2 Fai un esquema coa información anterior.

3. Mira nun mapa a situación de Galicia. Con respecto ás comunidades de Baleares e Canarias, que podes dicir desde o punto de vista dos puntos cardinais?

Sesión 3

Mirade o seguinte vídeo: Liñas imaxinarias

Paralelos e meridianos

Os planisferios ou mesmo as esferas terrestres represéntase con paralelos e meridianos, unhas liñas imaxinarias que facilitan a orientación e permiten situar un lugar polas súas coordenadas, esto é: polo lugar onde se cruzan estas liñas.

O paralelo de referencia é o Ecuador, que cruza a Terra de leste a oeste e a divide en dúas metades: hemisferio norte e hemisferio sur.

Hemisferio significa a metade (hemi) da esfera (sferio).

Todos os demais paralelos son precisamente paralelos ao Ecuador. Cos paralelos mídese a latitude, que é a distancia desde calquera punto da Terra ao Ecuador.

O meridiano máis importante é o de Greenwich, o cal, como todos os meridianos, vai desde o Polo Norte ao Polo Sur. A diferenza do Ecuador, non divide a Terra en dúas metades, porque non dá unha volta completa, mais aínda así podemos dicir que separa o leste do oeste. Os demais meridianos dipóñense ao leste ou ao oeste ao de Greenwich, e perpendiculares ao Ecuador. Cos meridianos mídese a lonxitude.

O meridiano que continúa polo outro lado da esfera ao meridiano 0 e o meridiano 180 ou antimeridiano. Grazas aos meridianos podemos encontrar os diferentes fusos horarios, que nos din as horas nas que están os diferentes países.

O Ecuador e o meridiano de Greenwich son a referencia para medir a latitude e a lonxitude, pois o seu punto de intersección ten latitude 0º e lonxitude 0º. A partir de aí, os diferentes puntos terán unha determinada latitude norte ou sur, dependendo de se están ao norte ou ao sur do Ecuador, e unha determinada lonxitude leste ou oeste, dependendo de se están ao leste ou ao oeste do meridiano de Greenwich.

1. Cal é o paralelo máis importante?

2. Que é un hemisferio?

3. Que é un meridiano? Di o nome do meridiano máis importante.

4. Que é o antimeridiano?

Sesión 4

Os códigos dos mapas

Os mapas son ferramentas universais. Para que todos os entendamos igual, adoptouse un código de cores para representar os elementos que o conforman:

As poboacións aparecen de cor vermello.

A hidrografía coa cor azul.

Os elementos vexetais son subliñados con cor verde.

As áreas industriais móstranse en negro.

As redes de transporte:

En vermello: autovías, autopistas, estradas.

En negro: camiños, vías de ferrocarril, oleoductos.

Tamén se empregaron símbolos lineais para sinalar os límites entre as diferentes unidades administrativas:

Nación: +++++

Autonomía: +.+.+.+.

Provincia: +-+-+-+-

Municipio: +--+--+--+

Isto, en ocasións, compleméntase escribindo o nome dos lugares máis importantes e con outra información máis específica: presenza de minas, torres, castelos, ermidas, salinas...

Tarefa: Fai un resumo do anterior copiando o que está suliñado (o amarelo).

Facer un esquema aproveitando o resumo e encaixando algún dato máis que non estea nel.

Tipos de mapas

Traballo por equipos sobre os tipos de mapas.

Físicos:

Explicaranse os mapas físicos, como son, as súas características (a escala, as diferentes cores) a súa utilidade. Se expondrán e explicarán mapas de Galicia e España.

Políticos:

Explicaranse as características principais, a escala, o que significan as liñas...

Expondranse e explicaranse mapas de España e Europa.

Turísticos:

Explicaranse as súas características e utilidade.

Comentaremos todo tipo de mapas turísticos de países, comunidades, comarcas ou cidades.

Estradas:

Explicaranse as súas características e utilidade, o significado das diferentes liñas que se empregan.

Comentaremos mapas de carreteras da nosa comarca e de España.

Meteorolóxicos:

Explicaranse as súas características e utilidade, así coma os diferentes sinais que se debuxan neles.

Comentaremos mapas meteorolóxicos diversos de España.

Históricos:

Explicaranse as súas características e utilidade.

Comentaranse mapas de Europa e España en idades antigas.

Económicos:

Explicaranse as súas características e utilidade, os diferentes tipos que podemos atopar, etc.

Comentaranse mapas agrarios, gandeiros, industriais, turísticos, etc.

Sesión 5

Traballaremos con Netex. Coa túa sesión aberta pulsa o seguinte enlace Netex U-1 Páx 2

(ou busca en Edixgal).

Sesión 6

O mapa físico da Península Ibérica:

Xoga cos mapas físicos en : Mapas físicos

Mapa hidrográfico é o dos ríos: Mapa hidrográfico

Vocabulario de accidentes xeográficos

Lembramos de 5º:

Altitude: distancia en vertical dun punto ata o nivel do mar.

Relevo: forma que ten o terreo, cos seus accidentes xeográficos.

Chaira: superficie cha, sen elevacións.

Serras: conxunto de montañas altas que se atopan xuntas.

Cordilleras ou sistemas montañosos: grandes extensións de montañas.

Depresión: afundimento do terreo que queda por debaixo do nivel do mar.

Val: terreo excavado polo cauce dun río entre montañas.

Veiga: terreo regado por un río e cuberto por el nas crecidas.

Meseta: chaira elevada.

Conca fluvial: conxunto de ríos que van desembocar no mesmo mar.

Cauce fluvial: camiño que segue o río.

Afluente: río que desauga noutro.

marisma…

Costa: parte da terra bañada por un lago, mar ou océano.

Cabo: parte da terra que se adentra no mar. Ten forma de pico.

Golfo: parte do mar que se adentra na terra.

Badía: Entrada de mar na terra que forma unha concavidad ampla onde poden afondar os barcos para abrigarse do vento; é de menores dimensións que un golfo e maior que unha ensenada.

Península: Anaco de terra que está rodeado por auga e conéctase con outra terra de extensión máis importante a través dunha porción de superficie que é máis estreita.

Ría, delta, esteiro, istmo, arquipélago, cantil...

Sesión 7

Ríos de España

3 vertentes o cuncas (onde vai toda a auga dun sitio).

Vertente Atlántica:

Miño: Nace en Fontemiña, preto de Lugo. Pasa por Lugo e Ourense. Desemboca en A Guarda, provincia de Pontevedra, facendo fronteira con Portugal. O seu afluente principal é o Sil. A súa lonxitude total é de 350 km.

Douro (Duero): Nace nos Picos de Urbión. Discorre pola Submeseta Norte. Pasa por Soria e Zamora, regando tamén as provincias de Burgos, Valladolid e Salamanca e desemboca en Oporto (Portugal). Os seus principais afluentes son, polo norte o Pisuerga e o Esla, e polo sur, o Adaxa e o Tormes. Ten 897 km de longo.

1. Copia estes datos, investiga e recolle outros datos de máis ríos da Vertente Atlántica.

2. Copia los datos do principal río da Vertente Mediterránea.

Sesións 8, 9 e 10

Mapas políticos

Mira este vídeo: España: comunidades

Neles poden apreciarse as fronteiras entre países, comunidades, provincias, departamentos, etc.

O mapa político da España autonómica é:

O das provincias é: