گوتنێت پیس

چەند گوتنێت پیس

دژیانێدا هندەک رەوشتێت نەدرست ونە دجهدا دهێنە کرن ژلایێ هندەک کەسانڤە دبیتە دەلیڤە بو بەرامبەری شیرەتێ ل وان بگریت وبدەتە بەر چاڤێت وان دا ل خۆ بزڤرن وڤێ چەندێ دوبارەنەکن جارەکا دی دکارێت خۆدا ل پێشە روژێ چنکی دین نسحەتە ئانکو ئایین شیرەتە. ڤەهاند ودارژتنا ڤان گوتنان دهێت ب شێوازەکێ جێواز وڤاڤێر ئەوژێ ژلایێ پەیڤانڤە یێت ڤەجنیق دئاخڤتنێدا وهەمی کەس دخۆرا نابینن وان گوتنا بێژنە بەرامبەری چنکێ جهێ شکاندنێ یە ونەکامیێ یە وهەر وەسا دبیتە جهێ داخێ وپێهەرشینێ ژلایێ وەرگری ڤە یێ ب وی کارێ پیس وچەپەل رابوی. بەلێ دهێنە گوتن ولێدان دگەلەک دەلیڤاندا دا ببیت شیرەت بو خڕ کەسێت ل رەخ ودوران دا مەبەستێ ژێوەرگرن ل سەر وی کاری هاتیە کرن. داخازا لێ بۆرینێ دکەم ئەگەر هندەک ژوان گوتنا زیراندنێ ب گەهینتە زەوقێ خویندەڤانی، چنکی ئەم هەمی دزانن چ عەیب دزانینیدا نینە، ئو چ شەرم نینە دپێزانیناندا. چنکی پەند وتێگەهشتن ورەوشت مەبەستا ڤان رەنگە گوتنانە بو وان کەسێت ڤان توڤە بزاڤێت لەنگ وخار دکەن.

گوتن ومەبەست:

گوتن: ئێکی یێ تفکریە دبن ئەزمانێ دی ڤە

مەبەست:(هەردو ئێکن وتوخمەکن)

گوتن: ب دەڤەکی دخون وب قوینەکێ درین

مەبەست: (دوستین وهەڤالینیەکا نێزک دناڤ بەرا هەر دوواندا یا هەی)

گوتن: پشتی تڕێ قوین مچاندن نینە

مەبەست: (دهێتە گوتن پشتی رویدان دبۆریت وب دویماهیک دهێت)

گوتن: تبلا بری خوێ ناکەت (پێڤە نامیزیت)

مەبەست: (بو مروڤێ زکرەش وخێربەخیل)

گوتن: چاڤێت وێ چاڤێت قەحپانە

مەبەست:(یێ بێ شەرم وحەیا وەکی ژنا پیچ ودەهمەن پیس)

گوتن: حەسەن کەچەل وکەچەل حەسەن

مەبەست:(بەرامبەرێ ئێکن، شپتی ئێکن ب کارێ خرابیێ)

گوتن: دنکێت گەنمی ژگوی دگریت

مەبەست:(بو مروڤێ قورت وقەلس ورەزیل دهێتە گوتن)

گوتن: دەڤێ وی ژقوینا وی پیسترە

مەبەست:(مروڤێ ئەزمان پیس وچەپەل)

گوتن: دەهواتا میرا، وگڕ ل فەقیرا

مەبەست:(بو کارێ بێ سود و قازانج)

گوتن: گوی برایێ میزێ یە

مەبەست:(شپتی ئێکن چ گوهورین تێدا نینە)

گوتن: نوزانیت کا قوینا وی ب کیرێ ڤەیە

مەبەست:(بو مروڤێ خشیم ونەزان)

گوتن:هندێ ناخوت دا نەریت

مەبەست:(بو مروڤێ قەلس وبەخیل وتەماع)

گوتن:هەکە خێر دمویا هەبا ل دەرێ قوینێ نەدهاتن

مەبەست:(دهێتە گوتن بو مروڤێ مەدحو دەما سمبێلا بادەن)

گوتن: وەک تڕا دئاڤێدا

مەبەست:(بو مروڤێ تورەهات یێ بێ قەدر وبها)

گوتن: وەک میزا حێشتری یە

مەبەست:(بو وان کەسێت پاشکەڤتی دهێتە گوتن)

گوتن: یێ ل کەری سواردبیت دێ بێهنا تڕوفسا هێتێ

مەبەست:(یێ ل گەل پیسا بژیت دڤێت خۆ لبەر خرابیێت وان ب گریت)

٢٨-٥-٢٠١٩ -دهوک - ئەحمەد عەلی حەسەن