پرس وبەرسڤ دگوتنێدا
گوتنێت کوردی دنەرم وشلن دناڤ زاراڤێ مروڤیدا، ئەم دشێین دارێژتنا وێ گوتنێ ب گەلەک رەنگان بێژن وسەر وبنکەین وبەروڤاژیکەین دا کو دئاخڤتنا خۆدا مەبەست ومەرەما ب گەهینن هەمبەری دا ب ساناهی تێ بگەهیت ئەوا مە دڤێت دیارکەین بێ کو شیوازێ گوتنێ ب چ رەنگان تێکدەین وب شێلن. ب شێوێ برسێ وبەرسڤدانێ دبیتە وەک گڤتگو دناڤ بەرا پەیڤکەری وبەرامبەری، ب ڤێ چەندێ دشێت زۆر نهینیێت گوتنا سادە ئەوا هاتیە دارێژتن ژلایێ پیرمەندێ کورد ڤە دکەڤندا، ئەڤ کارە دبیتە وەک رونکرن وشروڤەکرنێ ونیشاندانا نە زەلالیا مەبەستان ل دەف گوهدارێت وەرگر ل وی جهان وشوینان یێ ئەو دانوستاندن لێ چێدبن ب درستی.
پرس: کێ ریتە کانیا گوندی؟
بەرسڤ: یێ چ ل ناڤ بەحسا نە
گوتن: ئێک ل ناڤ بەحسا نەبو چو ریتە کانیا گوندی
گەنگی تە حەقێ من ئینا؟
حەقێ تە یێ ئاسانە
حەقێ من بینە، یێ تە ئاسانە
ژکێیە خەتا خراب؟
ژگایێ پیرە
خەتا خراب ژگایێ پیرە
کی دکەت؟
هندەک دخون
کێ کرو، کێ خار
ل کیری یە نانێ نەکەرا؟
ل چ عەردا نینە
نانێ نەکەرا، ل چ عەردا نینە
گەنگی تو ب سەری ب رێڤە بچی؟
وێ گاڤێ دێ قەدرێ پیان زانی
چ یێ ب سەری ب رێڤە نە چیت، قەدرێ پیان نوزانیت
کێ چمبل برە دیزکێ؟
هوستایێ دیزک چێکری
یێ دیزکێ چێدکەت، دێ شێت چمبلی ژی بەتێ
چەوا خودێ ئێشێ ددەت؟
باربار
چەوا خودێ ئێشێ دبەت؟
مسقال مسقال
خودێ ئێشێ باربار ددەت، بەلێ مسقال مسقال دبەت
چەوا با دهێت؟
بێدەرێ وەسا بدە بای
چەوا با بهێت، وەسا بدە بای
چەند ئاڤ ددولا بمینیت؟
پتر گەنی دبیت
هندی ئاڤ ددولا بمینیت، گەنی دبیت
ئەرێ ما بەس گا دکەت؟
گا دخوت
ما گا دکەت، گا دخوت
چ دکەت یێ نە شێتە کەری؟
هەلدەتا پالیێ
نەشیا کەری، هەلدا پالیێ
ل کیرێ پەنگیا؟
ل وێرێ ب پەقیت
ل کیرێ دپەنگیت، بلا ل وێرێ دپەقیت
گەنگی بەق دپەقیت؟
هەکە نە وەقیت
ئەگەر بەق نە وەقیت، دێ پەقیت
کی دبێژتێ کولاڤێ تە ب چەبدێ یە؟
کەس نە
کەس نا بێژتێ کولاڤێ تە ب چەندێ یە
چەوا کەو چو ددەڤیدا؟
ب پەرڤە
کەو ب پەرڤە چو ددەڤیدا
کیژ کراس بو چیدکر؟
یێ شۆر ودرێژ
مە کراسێ شۆر بو تە کەردکر
١- چ دکەت یێ نە شێتە کەری؟ هەلدەتا پالیێ - نەشیا کەری، هەلدا پالیێ
٢- چەند ئاڤ ددولا بمینیت؟ پتر گەنی دبیت - هندی ئاڤ ددولا بمینیت، گەنی دبیت
٣- چەوا با دهێت؟ بێدەرێ وەسا بدە بای - چەوا با بهێت، وەسا بدە بای
٤- چەوا خودێ ئێشێ ددەت؟ باربار - چەوا خودێ ئێشێ دبەت؟ مسقال مسقال - خودێ ئێشێ ٥- باربار ددەت، بەلێ مسقال مسقال دبەت
٦- چەوا کەو چو ددەڤیدا؟ ب پەرڤە - کەو ب پەرڤە چو ددەڤیدا
٧- ژکێیە خەتا خراب؟ ژگایێ پیرە - خەتا خراب ژگایێ پیرە
٨- کێ چمبل برە دیزکێ؟ هوستای دیزک چێکری - یێ دیزکێ چێدکەت، دێ چمبلی ژی بەتێ
٩- کی دبێژتێ کولاڤێ تە ب چەبدێ یە؟ کەس نە - کەس نا بێژتێ کولاڤێ تە ب چەندێ یە
١٠- کی دکەت؟ هندەک دخون - کێ کرو، کێ خار
١١- کێ ریتە کانیا گوندی؟ یێ لناڤ بەحسا نە - ئێک ل ناڤ بەحسا نەبو چو ریتە کانیا گوندی
١٢- کیژ کراس بو چیدکر؟ یێ شۆر ودرێژ - مە کراسێ درێژ بو تە کەردکر
١٣- گەنگی بەق دپەقیت؟ هەکە نە وەقیت - ئەگەر بەق نە وەقیت، دێ پەقیت
١٤- گەنگی تو ب سەری ب رێڤە بچی؟ وێ گاڤێ دێ قەدرێ پیان زانی - چ یێ ب سەری ب رێڤە نە چیت، قەدرێ پیان نوزانیت.
١٥- گەنگی تە حەقێ من ئینا؟ حەقێ تە یێ ئاسانە - حەقێ من بینە، یێ تە ئاسانە
١٦- ل کیرێ پەنگیا؟ ل وێرێ ب پەقیت - ل کیرێ دپەنگیت، بلا ل وێرێ دپەقیت
١٧- ل کیری یە نانێ نەکەرا؟ ل چ عەردا نینە - نانێ نەکەرا ل چ عەردا نینە
١٨- ئەرێ ما بەس گا دکەت؟ گا دخوت - ما گا دکەت، گا دخوت
٢١-٩-٢٠٢٣- دهوک – ئەحمەد عەلی