گوتن وسەقا

گوتن ل سەقایێ بەفرێ

بەفر وجەمەد دوو رەنگێت جودانە ودجێوازن ژئێک ودوو ب شێوەکێ بنگەهی ب چێبونێ، هەردوو تەرز وێنەکە ژئاڤێ بەلێ هەر ئێک ژوان کەش وسەقایەکێ تایبەتێ سار دڤێت بو پەیدابونێ، جەمەدێ زۆر رەنگێ دهەین کو چێدبیت ب هاریکاریا بایێ سارێ قەرسی ودشێت وێ ئاڤا رون ب گوهێریت دا ببیتە رەق وتەق، هەر کەسەک دکاریت وێ چێکەت ل مال، بەلێ بەر وڤاژێ بەفرێ ئێک رەنگێ هەی یێ تایبەت ئەو ژێ ئەوە رەنگێ پەرمێچکان ب رەنگێ ئەندزیاری ددەتە ل سەر رەنگێ سپی ڤە یێ نەرم وشل ودهێتە چێکرن ب کارتێکرنا سروشتی ژبەر رەوشا سەقای یا وەرزی بێ کو دەستێ مروڤی تێدا هەبیت وب چ رەنگا نەشێت وەسا چێکەت.

ل ژێری قەفتەکا گوتنانە ل سەر بەفرێ

١- پەیڤا بەفرێ ل پێشیێ

‌به‌فر ژی یا سپییه‌، بەلێ چ تام تێنیە

بەفر ب هێتە ناڤ تەنگێ، نا دەتە دچوکارا

بەفر بێ با نابیت

بەفر بێ با نینە

بەفر تەلیسێ میرانە

بەفر‌ حه‌لیا، لنگ وه‌شیا

بەفر دجیت چیا دمینیت، مروڤ دچیت ناڤ دمینیت، گا دجیت چەرم دمینیت

بەفر دچیت، ئەرد دمینیت

بەفر دحەلیێت، بەس چیا دمینیت

بەفر دهێت وەک میرا، دچیت وەک فەقیرا

بەفر زبلێ ئەردی یە

بەفر ساریا خۆ نا هێلیت

بەفر سپییە، بەلێ کەر وگولک ددەنە بەر بێیە

بەفر سەران ببەت، ئەو هەر دێ یا خۆ کەت

بەفر فعلا خۆ ناهێلیت

بەفر قەیدا مێرانە

بەفر کەت کولانا، مێر کەتن دیوانا

بەفر ل چیایێت بلند دباریت

بەفر ل زوزانا دهێت رم رم، ل دەشتێ شین دبن گەنم، جوتیار دبنە حاکم

بەفر هەڤیر ترشێ عەردی یە

بەفرا کانینا کچک، ب ئەردی ڤە دبیتە مویچک

بەفرا کانینا مازن، ب ئەردی ڤە دبیتە ئاسن

بەفرا گر، زوی ڤەکر

بەفرا گولین، هرچا خرین، مێرێ گەفین، ژێ نە ترسە

بەفرا گەلەکا سپی یە، بەلێ کەر وگولک ددەنە سەر

بەفرا ل ناڤ بەرواریا دهێت  

بەفرا ل ناڤ تاوییا

بەفرا هویرە، دوماهیا دویرە

بەفرا هیر، خو دهاڤێتە رانێ ستیر

بەفرا هیر، دکەڤیت حەتا رانێ ستیر

بەفرا ئادارێ، بکەڤیت حەتا گوهێت دارێ، نامینیت حەتا ئێڤارێ

بەفرا ئیڤارا، بارانا سحارا

بەفرێ گژە گژە، خیالا پشێ هەر ژژە

بەفرێ لێکر، نیسکی کارێ خۆکر

٢- پەیڤا بەفرێ دناڤەرۆکێدا

بێندلخە، کەتن تلخە

ج روژ بەفر وبارانە، ئەو روژ زڤستانە

چ روژ بەفر وبارانە، ئەو روژ زانا بزنانە، وبالاڤا جلکانە

خودێ چیا دبینیت، لەوما بەفرێ لێ دبارینیت

شواتێ، بەفرو باتێ

کانونا بچیک، بەفر دهێت پیچک پیچک، ب عەردیڤە دبیتە میوچک

کانونا مەزن، بەفر دهێت بەژن بەژن، وەسا دچیت وەکی ئاگر ل بن

مەها ئادارێ، بهوستەکا بەفرێ هاتە خارێ، خو نەگرت حەتا دانێ ئێڤارێ

نیشانا مرنێ تایە، نیشانا بەفرێ بایە

٢٦-١١-٢٠٢٠ – دهوک- ئەحمەد عەلی