گوتن وکار

ناڤێت شول وکاران دگوتنا کوردیدا

ناڤێت شول وکارا دگوتنێت کوردیدا جهەکێ تابەتێ کری. ئەڤە بو مە دیاردبیت کو چ کارێت بەر نیاس د وان دەمادا هەبونە کوردا یێ بکار هینای ب چ رەنگێ هەی. ئەڤ گوتنێت من بەر هەڤکرین ناڤێ کاری یێ تێدا هاتی ب سەر بەخویێ ب ئاشکرایێ و کێم جاران ب فەرمانا وان و ئەو کارێت ناڤێ وان تێدا نە بیت ئەو گوتنە یان نە گەهشتی یە  مە یان ل دەف من نینە و زوربەی ڤان کاران دکەڤنن درێبازا گوتنێدا، و ئەوێت نوی هێشتا جهێ خو بدرستی نەکرینە دناڤ زمانیدا.

ئەڤە ناڤێ کاری یە دگەڵ گوتنا کوردی یا رەسن

ئاشەڤان: نا چمە ئاشی، هەکە چوم دێ ئاشەڤانی کوژم

بارهەلگر: تو چەند مروڤەکێ بارهەلگری

بازرگان: کێ دنیا دوت، یێ کری وفروت - بازرگان

بکر: کێ دنیا دوت، یێ کری وفروت - بکرە

بیرکەر: ما تو کورێ جوهیێ، ژ بیرکەرێ دهێتە قنکەرێ

پالە: بو پالێ پیشی

پنیدوز: من چ دگوت، ئەوی پنیدکر یان پنیەک پێڤەنا

تەڤنرێس: تەڤنرێسی تەڤنەکێ وەسا درێسا

جوندی: گوندی نا بن جوندی

چوتیار: جوتیاری جوت نەکر، مرێبای منێکر

خازوک: ژخازا بدەنە نازا

خانچی: تو دبێژی گیڤرێ خانچی یە

خودان: یان حوکمێ خودانی، یان یێ تەعانی

خولام: نانێ خۆ ب خولامیێ برە سەر

دختور: گوتی: دختور د ب چ بویە دختور گوت: ب ئێشا خو

دروینکەر: داسێ ژپالا دزیت - ئانکو ژ دروینکەرا

دزیکەر: ئەو دزە یێ دزیا ژدزیکەرا دکەت

دەرزیکەر: هەکە دەرزیکەرهاری بیرێ نەکەت، بیر تێرا خو ناکەت

دەرگەهڤان: دەرگەهڤانێ بەحشتێ یە

رێبەر: هەکە رێبەرێ مە عەلوبیت، حالێ مە دێ هەرێ هوبیت

رێنجبەر: رێبەری چێترە ژ رێنجبەری

رەزڤان: رەزێ رەزڤانی یە، بەزێ خودانی یە

زرنابێژ: بێهنا زرنابێژان یا هەی

زێرینگر: زێرینگر قیمەتا زێرێ خو دزانیت

سەروک: سەروک ببیت کەر، بێیا نە دانە سەر

سەعەت چێکەر: یێ ژێ دبن دێ بنە سەعەت چێکەر

شانە: بو شانێ پیڤوکا

شخرەکێش: شخرە گرێدانا مروڤی جودابینە

شڤان: نە پەزێ بێ شڤان، نە کەرێ بێ بەران

شولکەر: شولکەرێ خو بە، خوشتڤیێ خەلکی بە

شویژەنکەر: رێکا کورتانکەری یا ل سەر رێکا شویژەنکەری

قازیێ: قازیێ بچیکا خو خوندقاندی

قنکەر: ما تو کورێ جوهیێ، ژبیرێ دهێتە قنکا

قەصاب: مروڤ گوشتێ گونا دێ خوت، خو هەوجەی قەصابی ناکەت

کابانی: عەوری تیرکر، کابانیێ هەڤیرکر

کاروانی: گەنج ومال کاروانی، جوت وکێڵ ئەرزانی 

کافروش: کافروشو کا ژتە یە، ما کادین ژی ژتە یە

کورتانکەر: رێکا کورتانکەری یا ل سەر رێکا شویژنکەری

گاڤان: فایدێ گاڤانی سوار بینا  کەری یە

ماسیگر: یێ ماسیا دگریت، دێ تەشک لێ تەربن  

مالخۆ: مال ل مالخوی حەرامکری

میر: میرهەوجەی ماشێ بو

میرێ: مالا پیرێ، خوشترە ژمالا میرێ

مەلا: مەلا یێ دەنگ بلندە

مەلوکدار: مەلوکدارا پشت پالا یە

مەلەڤان: مەلەڤان دخندقیت

نانپێژ: نانی بدە نانپێژی، بلا نیڤەکێ بخوت

نەجار: نەجار، بنڤە وەک هەر جار، دەرگەهـ ئێکە کلیل هزار

هوستا: قوینا هوستا دەرمانە

٤-١٢- ٢٠٢٠ – ئەحمەد عەلی حەسەن