ئاگر وسوتن دناڤ گوتنێدا
سوتن وسوتەمەنی: ئەڤە چەند ڤەرێژێت ئاگرینە وئەو پەیڤێت یەکسان دهێن وەک سوتنێ دزمانێ مە کوردیدا.
سوتن: سوژین: شەوتین
براژتن: ئەڤە ژی وەک قەلاندنێ یە دهێتە سوتن چ ب ئاگری ژدەرڤە یان ژناڤدا
حەلاندن: ئاگر دکەڤتە دبن وی تشتێ دهێتە حەلاندن حەتا دحەلیێت ورونبیت
داخکرن: دهێتە سوتن ژدەرڤە چ ب ئامیرەتەکێ گەرم یان چ بزوتەکی ئاگر پێڤە هەبیت
سوتن: بسوژە – دسوژیت – سوت – سوتن - هاتە سوتن – شەوتاند - شەوتی
قماندن: ئاگر ژدویرڤە ڤێ دکەڤیت و ب سەرڤە سەرڤە بەس ناهێتە سوتن ب درستی
قەلاندن: سوتنە تشتانە چ ب ئاگری ژدەرڤە سەرانسەر یان ژناڤدا دئامانیدا
کوزرین: ئاگر ڤێ دکەڤیت ژنێزیک وژسەرڤە دکوزریت وەک مویا وچەرمێ ژدەرڤە
کەلاندن: ئەو تشتێت دهێنە کەلاندن ئاگر دکەڤتە دبن ڤە حەتا دکەلیت وچێدبیت
گەرمکرن: چ ل سەر ئاگری یان ژی ب ئالیکاریا ئاگری تشت دهێنە گەرمکرن
چەند کارێت دەست پێکێ بو بەرهەڤکرن وئامەدەکرنا ئاگری
هەلکر، ئاگرهەلکر، پفکرە ئاگری، ئاگر پێڤەنا، ئاگر بەردایێ، بزوت دانان بن، ئاگر ڤێ هەلچو، ئاگر دبن هەلچو، ئاگر ڤێکەت،، ئاگر بەربویێ، گوری ڤێکەت، ئاتەشی گرت، ئاتەشی خولێدا، ئاگر دبن هەلکر، ئاگر دا بن، ئاگر بو شابیت، بو نە پەل، ئاگر گەشبو..
چەند رەوش وسالوقدانێت تشتان دبن ئاگری ڤە
هلما ژیدچیت، کرە رەژی، بو رەژی، بو قەلەبرێژک، برچکێ دهێنێ، بربچی، یێ دبربچیت، پێڤە حشکبو، دکێلا ژێ دچیت، گوریا ژێ دچیت، سوت، شەوتی...
پەیڤێت دژی سوتنێ
مراندن، ڤەمراندن، تەمراند، کوژتن، قوتکرن، نەهێلان، نەڤەدەت، ئاگر داهات، بوخولی، بو هەلەمور، بو تەمەدی ...
گوتنێت کوردی ل سەر ئاگری و ئەوێت دگرێدای دگەل ئاگری
ئاگر ب دارەکا پتنێ، وەک مێرێ دبن حوکمێ ژنێ
ئاگر ب قورما ڤە دمینیت
ئاگر بەر بو دەحلی تەر وهشک پێگڤە دسوژن
ئاگر بەر بو مالا درەوینى، کەسێ ژێ باوەر نەکر
ئاگر بەر بو مالا ئێکی یێ دی کەوێ خو لبەرقەلاند
ئاگر بەربو دەشتێ، هەر ل زکی هەر ل پشتێ
ئاگر دوست دۆژمنا ژێک نا نیاسیت
ئاگر ژدەڤی بچیت، کەس ژێ نا ترسیت
ئاگر کەڤتە دبن پیا
ئاگر کەڤتە مالا ئێکى، یێ دی کەوێ خۆ ل بەر بژارت.
ئاگرى ب دارێت هویر هەلکە
ئاگرێ دینەک هەل کەت، سەدێت بئاقل نەشێن ڤەمرینن
به‌ری هه‌وارێ بفكه گراگێ
بەرتیل ئاسنی دحەلینیت
پشتا خو ب وان گەرم نەکە
چ ئاگر دبێ دکێل نینن
حەمام ب تڕا گەرم نابیت
خولیا بنێ گوچکی یە
دهێت سوتن ناهێت گوتن
دیتنا چاڤا، سوتنا هناڤا
گرارا مێرا ب حەمد دکەلیت
مالێ وی بحەفت ئاگرا نا هێتە سوتن
من پەلەک ب ئەزمانێ خو ڤەنا
ھەمی دار دھێنە سوتن ،بەلێ ھەمی ئاخڤتن ناھێنە گۆتن
١٣-٦-٢٠١٧ - دهوک – ئەحمەد عەلی حەسەن