گوتن وساخلەمی

ب گیان بخو، ب گیان بستینە

دهەمی جورێت خارنێدا دڤێت مروڤ تایێ نیڤێ بگریت، نە زور نەکێم

بڤ بڤ نە خوشترە ژ پپێڤەدانێ

زور جارا تشتەکێ کێم ئەسەرا خو پتر دکەت سەر مروڤی چنکی مروڤ پێتێ نادەتێ

پاشی دێ کادا ب ماستی خوی

ئەڤە دیار دکەت کو کادە دگەل ماستی زورا بهایە بو هێز وزاخێت مروڤی

خوێ کری خوێ دەرمانە

هندە جارا چەند دەرد هەنە دهێنە چارەسەرکرن هەر ب ئەگەرا وان

خر شول ب خوێ، ئو خو ب مەعنێ

ئانکو هندی خوی یە یان ئاڤە یا پێدڤی یە بو مروڤی بەس دڤێت یا بقەدەربیت

دل پر نابیت چاڤ تێرنابیت

ئەڤ هەردو پارچ ورەوالە دلەشیدا ژخرا پتر تشتی دادکەن ووەردگرن

روژا خوش نە دە ب یا نەخوش

خوشی وبەختەوری وشادی زور زور چێترە ژنەخوشیێ وکول وژانا

 چ خوشى دبێ نەخوشى نینن

دڤێت مروم خو راگریت ل بەر هەردوکا نەهێلیت نەخوشی سەری ژمروڤی بستینیت

پشتى مرنێ چاڤ کولى نینە

مرن دسەر خر ئێشانە، وێڤەتر نینە بو مرنێ، دڤێت مروڤ دبەر خو راوستیای بیت

هندەک ب بێهنا خۆش، نەخۆش دبن

زور جارا تشتێت دخوش هەکە ژپلێ بلندتر لێ هات دڤەگێریت بەر نە باشیێ ڤە

کوزکێ نوى یە ئاڤا تەزى یە

یێ کەڤن کویرهە گرتی دبیت، کون دهێنە گرتن، ئاڤ تەزی نابیت ئودبیت نەیا ساخلەمبیت

به‌ری بارانێ بانه‌ به‌ری مرنێ تانه‌

ئەگەر تا مروڤی شدیا وزور دژواربو، دبیت بنە نیشانێت مرنێ، دڤێت چارەسەرکرن بوهەبیت

ئاڤ دگولا دا بمینیت ، دێ گەنى بیت

دڤێت مرەڤێ هشیاربیت ڤان رەنگە ئاڤا بکارنەهینیت بو ڤەخارنێ چنکی یا پیسە

سەرێ نە ئێشیت، هەوجەى دەرسوکێ نینە

زورێت دساخلەم دهەین دەرمانا دخون دا خو پارێزن ژهندەک ئێش ودەردا، ئەڤە نەیا درستە

ددان ئێشانا، دەرمان هەلکێشانا

هەکە ددان کرمی بو وئێش وژاندان، یا فەر ئەوە بهێتە دەر ئینان وهەلکێشان

شویشتن وڤەشویشتن رەنگ وروی..

ئەڤ گوتنە بو مە دیاردکەت کو شویشتن زورا پێدڤی یە بو چەرم ولەشی مروڤی

ئه‌و کانیا تو ئاڤێ ژێ ڤه‌دخوی شێلی نه‌که

ئاڤا زەلال یا پاقژ وساخلەمە، بەلێ یا شێلی دبیت ئێشا پەیداکەت بو مروڤی

کەس نا بیژیت ماستێ منێ ترشە 

ل ڤێرێ بو مە ئاشکرا دکەت دا خو پارێزین کو ماستێ ترش ئێشێ پەیدادکەت

خو پاراستن چێتره‌ ژچاره‌سه‌رکرنێ

زورا درستە، دڤێت مروڤ خو پارێزیت ژ خر تشتێت خراب دا نە پێدڤیێ دەرمانا بیت

هه‌ر تشته‌ک ب گه‌رمی یێ خوشه‌

زادێ گەرم زور ساخلەمترە ژ یێ سار وشەڤی چنکی مانا میکروبا کێمترە

 پاریەکێ خوەش، بەدەڵ گایەکێ رەش

خارنا خوش پر ڤیتامین زاخێ دەتە لەش وگیانی ودهێلیت ساخلەم دویر ژئێشا

زڤستانێ خو گیرو نەکە، بهارێ خو تەر نەکە

لزڤستانێ مروڤ ژجلکا یێ پاراستی یە، بەلێ لبهاری نە، دبیت تەرکرن ئێشێ بینیت

حەتا ستویر زراڤ دبیت، زراڤ دقەتیێت

چ پێ نەڤێت یێ قەلەو دی شێت پتر ژ یێ لاواز خو ل بەر ئێش وئازار بگریت

چێ دبن جهێ خه‌نجه‌را چێنابن جهێ خه‌به‌را

جهێت برینا سەر لەشی چێدبن، بەلێ ئاخڤتنێت چکور ب ئەسەر دمینن دناڤ دلیدا

چاڤه‌ک کوره‌ بیت مروڤ، ده‌ستێ خو ده‌ته‌ به‌ر یێ دی

هەکە رەوالەک ژلەشی تویشێ ئازارەکی بو دڤێت بێتە چارەسەرکرن دا نەڤە دەت

مروڤ ژبەر شرینیا مێوێ، قورمێوکا دخوت

ل ڤێرێ دیاربیت کو هەمی رەنگێت تری بهایێ خو یێ هەی بو گیانێ مروڤی

وەک وی یێ قەسپ ب دوشاڤێ خاری

هەر دوک شریناهینە، هەرو پیگڤە دبیت قازانجا وان ئێک بیت

 نا نڤم ل ناڤ زیارەتا دا خەونێت خراب نەبینم

زور تشتێت دهەین مروڤ دزانیت دخرابن، دڤێت مروڤ نەکەت دا نەخوشی نەهێت

خو نە ل بەر گەرمێ دگریت ئو نە ل بەر سەرمایێ

هندەک لەشێت دهەین نە گەرمی ونە سەرمایێ قەبیل ناکەن دڤێت هەر دەم دپاراستی بن

دونیا سارە، گلدە یارە، دونیا گەرمە، گلدە شەرمە

ل سارمایێ دڤێت مروڤ خو پارێزیت ب جلکا، بەلێ لگەرمێ جلکێت زێدە ژبەر خو بکەت

دێ دبەر مرنێ را کەین، دا دبەر تا یێ را بچێت

زور جارا نوژدار ڤێ ب کاردهینن، یا خراب دبێژتە نساخی دا یا کێمتر دبەررا بچیت

پیرێ پاڤێن ناڤ خوشیا ، جانێ پاڤێن ناڤ نەخوشیا ، دا ببینن عەجیبیا

هەر دەم خوشی چێترە ژنەخوشیێ، نەخاسمە پشتی مروڤی زور نەخوشی بربن

ئێش ب بالە، فەرج بمسقالە: خودێ ئێشێ باربار دەت، بەلێ مسقال مسقال دبەت

هەکە ئێش دهێت ب سەر ئێکڤە دهێت ب مشەیێ، دەما دچیت یا کێم کێمەیە

ئێشا لهەڤالى، تیرا لکەندالى :خەمێ تو خەمەکا مازنی، نەکو لبەر کوچکێ منی

خودانێ برینێ دزانیت وپتر پێ دحەسیێت کا چەندە پلا برینا وی ژبەرامبەری

ئەگەر دڵ شکەست خو پێگڤە ناگریت: دل شوشه‌ یه‌ ئه‌گه‌ر شکه‌ست ناچێبیت ڤه

دل خر تشتا دادکەت جهێ خەم ئازارا یە، ئەسەر دمینیت حەتا دەمەکێ دویر ودراز

زک وبن زک، بونە هەڤرک، رح ل خودانی کرە تەرک

هەروک پ‌ێگڤە: خارن و شولێ شەڤێ، چونا نڤینێ دبنە ئەگەر بو مرنا مروڤی

٢٣-٦-٢٠١٧ دهوک: ئەحمەد عەلی