گوتن وئیشارەت

گوتن وئیشارەت: إيماءات: gestures

هندەک گوتنێت کوردی ل دەمێ لێدانێ ل بەرانبەرێ کەسان پێدڤیێ ددەتە خۆ ودخازیت کو ئەو وێ گوتنێ پتر رونکەت ڤێجا رادبیت ب هندەک ئیشارەتان چ ب دەستان یان ب چەند لیڤینێت دی دا کو مەبەستا وی گوتنێ ب درستی ب گەهینیت. ب ڤێ شیوەی جهێ گوتنێ یان بێژێ خۆ پتر موکمکەت وتێگەهشتن زۆرتر پەیدادبیت دمەژیێ هەمبەری دا.

بو نمونە ئەڤە چەند گوتن بێژەنە

١- ئاقل تانجا زێرینه‌، بەلێ دسه‌رێ هه‌می که‌سان دا نینه.

دەستی ددەتە سەرێ خۆ ونیشان دکەتە یێت ل رەخ ودۆران

٢- ب ده‌ستان دەت، ب لنگان ب دیف کەت.

دەستی ڤەدکەت ونیشان دکەتە پێت خۆ

٣- پشت دیوار ب گوهن.

سەرێ خۆ بادەت رەخەکێ خۆ کا کەس ل وێرێ نینە

٤-تفا سەر ئەڤرازە.

بەرێ خۆ دکەتە بەر ئەسمانا

٥- جلە کەتە ملە.

هەر دو دەستا دانیت ل سەر ملێت خۆ

٦- چەندێ دەڤ بەشە.

دەڤێ خۆ ڤەدکەت نیشانا کولافیێ وداخازا هێشتێ

٧- حەقێ ڤی دەستی بو ڤی دەستی نا مینیت.

دەستێ راستێ دانیت سەر دەستێ چەپێ

٨- خودانێ خۆ شفکا کیری وخەلەکا قوینێ.

بالەدکەتە نهینیێت خۆ

٩- دەنگ ژ دەستەکێ بتنێ ناهێت.

دەستەکی ڤەدکەت ودگریت ودیاردکەت کو چ دەنگ ژێ ناهیت

١٠- ریهـ دانانە ل سەر سمبێلا.

دەستێ خۆ دکەتە رهێت خۆ و دبەتە سمبێلا

١١- زێر ژی هندەیە ومەجیدی ژی هندەیە.

دو تبلا گروڤردکەت ب تەنگی و پشتی هنگێ پتر ڤەدکەت

١٢- ژڤی دەستی یێ کریە ڤی دەستی.

دەستێ راستێ درێژدکەتە دەستێ چەپێ

١٣- سمبێل ل زەلاما دهێن.

ئیشارەت دکەتە سمبێکێت خۆ

١٤- شانە دێرە.

تبلێت خۆ دکەتە دگوهارا

١٥- عویرکو یە.

زکێ خۆ پڤدکەت ئێشارەتا پندڤینێ یە

١٦- قەسا من ئێکە نا بیتە دو.

تلەکێ رادکەت پشتی هنگێ دکەتە دو تبل

١٧- کتکا چاڤ نقە.

جاڤان دگریت نیشانا نقینێ وچ نەدیتنێ

١٨- گوهدەنە من: ژدویرڤە، ئەز دکچا میرڤە.

جڤین دان ب شێوەکێ تۆرە ب هەر دو دەستان

١٩- لێڤا ژوری ل یا ژێری نەدا.

لێڤا سەری دگەهینتە یا خارێ

٢٠- مال قرێژا دەستانە.

هەر دو دەستان تێک دپەرخینیت

٢١- نەشێت بێژتە مێشا کشە.

دەستێ خۆ دلڤینیت ل دۆر سەر ورویێ خۆ.

٢٢- هاتە ڤە دەست ژپیا درێژتر.

دەستێت خو شۆردکەتە ب رەنگەکێ درێژ و دگەهینیت پیان

٢٣- هندێ نا ددەتێ، هەتا هندێ نە بەتێ.

دەستەکی ددانیت ب کێمی ل سەر یێ دی پشتی هنگێ ب درێژی وێڤەتر دبەت

٢٤- هێشتا نە گوتیە ئای سەرۆ.

دەستێ خۆ دبەتە شێلکا سەرێ خۆ

٢٥- وەرە ڤی کەری، بدە ڤی بوری.

تبلەکێ درێژ دکەتە کەسەکی وئیشارەتێ دکەتە جهەکێ ل پێش خۆ

٢٦- یێ حەفک ستویرە.

هەر دو دەستێت خۆ ل دۆر ستویێ خۆ دوەرینیت

٢٠- ٦- ٢٠٢١ – دهوک – ئەحمەد عەلی