گوتن وکەرستە

مەشک دگوتنێدا: مویحشک: موی هشک

پەیڤا مەشک یا هاتیە لێکدان ژڤان هەردو پەیڤان: موی دگەل حشک ( مویحشک) گو بویە (مەشک) پشتی گوهورینێ وژێبرنێ یا ئاسان بوی ل سەر دەڤ وئەزمانی ل دەمێ ئاخڤتنێ.

مەشک دهێتە چیکرن ژپیستی پەزان ب گشتی، پشتی دهێتە حشکرن ب گەلەک شێوان ودبیتە کەڤلکەکێ پاقژ وبژین بو زۆر مەبەستان: کیانا شیری ودانانا پەنیر وژاژی وکەشکان ورونی وگەلەک تشتێت دی یێت پێدڤی دناڤ کار وکوکاندا دژیانا مروڤیدا.

ژبو ب کارئینانا مەشکێ هندەک ئامیریت تایبەت هەنە وەک : دەوکی-  لەولەب- وەڕیس- همبانک.

گۆتن وبێژە ب مەشکێ ڤە هاتینە گوتن وڤەهاندن:

ئاداره‌، مه‌شك ل داره‌

ئەوێ ژمشکا ببیت، دێ هنبان مەشکا کێشیت

بەس وێ مەشکی ب هەژینە

تۆ بخۆ مەشکا خۆ بکێ ونەهیلە ب هیڤیا کەسی ڤە

تۆ مەشکێ نە کێی، تۆ دەو ونیڤشکی ناخوی

چەندا زک مەشکە                                    

خۆ نە تو کونێ مەشکێی                                    

شلقاندنا مەشکێ نە یا ب سانەهی یە

قیاسا کەشکی دمەشکێدا ناهیتە کرن

کەس وی دمەشکا خۆ نا شەقینیت

ل سپێدا پیرەژن ژی حنگا ل مەشکێ دەن

ل هەژدەی ئادارێ، مەشک لدارێ، نە لڤێرێ، بەلێ لبەریا شنگاری

مەشکا وێ قەتیا

مەشکا خۆ کیا وپال ڤەدا

مەشکا خۆ نا هەژینیت، مەشکێت مالا میری دهەژینیت

مەشکا درێدا هەچیێ هات حنگەک لێدا  

هندی ژن ل خەوێ بیت، مەشک دێ ل دارێ بیت

وێ چەند حنگێت حێل ل مەشکێ دان

یا کوکە ل بەر مەشکێ                                    

یا مەشکێ دشەقینیت

بو پتر پێزانینان سەرەدانێ ببە ڤی لنکی ل ژێری

٧-٧-٢٠٢١ – دهوک – ئەحمەد عەلی

https://sites.google.com/site/kurdfolklore/life-custom/amiretet-kevn