خۆبێژا گوتنێ

چەند پێزانین ل سەر ڤان گوتنێت ژێری

چەند جوداهی دجۆرێ دارێدا

کاریتە ژکێراتا نارابن

گاریتە ژتەراشا نارابن

گاریتە ژرویلا نارابن

گاریتە ژکفرا نا رابن

گاریتە ژمەرانا نارابن

جەند جێوازی دڤبەهاندن ودارێژتنێدا

گاریتە ژکفرا نارابن

گاریته‌ ژرویلا نارابن

گاریته‌ ژمه‌رانا نارابن

گاریتە ژکفرا نارابن

گاریتە ژکێراتا نارابن

گاریتە ژکێراتا چێ نابن

ل کێراتا گاریتە نا چێبن

گاریتە ژتەراشا نارابن

چ جارا ل كێراتا گاریته‌ چێنابن

١- گاریتە: دارەکێ درێژە قاییم وستویرە (ب تایبەتی دا کو بان خو ل سەر رابگریت) دهێتە برین ل گوندا بو ئاڤەکرنا بانێت خانیان، ئەو دار یێ سپیندارێ یان یێ مژمژێ بیت یان یێ چ دارەکا ژوی رەنگی بیت.

٢- ئەڤ گاریتە ئانکو ب درستی دڤێت بێتە نڤێسین (گاریتە) چنکی ئەو دکەڤتە ل سەر دو ستویان ودگریت پێکڤە دا شەقلە خۆ ل سەر بگرن وبانێ موکمکەت. کارێ وی داری (گرتنە) ڤەبستنە وپێگڤە گرێدانە.

٣- ناڤێت پێنج رووەکان یێت هاتن دناڤ وان گوتنێت ژۆریدا ئەڤەنە:( کفر، رویل، مەران، کێرات، تەراش) ئو هەر پێنج جهێ خۆ دگرن درامانا وان گوتنادا چنکی ئەو هەر پێنج ب کێر ناهێن ببن گاریتە وب کەڤنە سەر ستوینان ژبەر لاوازیا وان وکورتیا وان وزراڤیا وان

٤- ڤێجا ئەگەر ئەو دارە نە یێ ب ڤی رەنگی بیت ب کێر وێ مەبستێ ناهێت چ جارا وب چ رەنگان

٥- دارێت وان وەک شڤکانە ب ساناهی دهێنە شکاندن وچەماندن خۆ ل بەر چ ناگرن نە خاسمە کو ببیتە گاریتە وبان پێڤە ب هێتە گرێدان خۆ ل بەر گرانیا شەقلا وئاخێ نا گرن دێ هێنە شکاندن

٦- ئەو هەر پێنج رووەک مینا شڤکێت تراشێنە وچقێت دەڤیانە، ئەڤ رەنگە روەک شیندبن دناڤ دارستاندا، ل رێل وبیشان ودەحل ودران،  ژوان هەمیا خڕا دارێ گوپالی ژێ چێنابیت، ڤێجا ب چ رەنگ نابنە گاریتە 

٧- مەبەستا وان گوتنا ئەوە کو هەمی کەس ب کێر هەمی شولا ناهێن ژبەر کێم وکاسییت وان. نە دهەژینە وی جهی بگرن، چنکی دبنە مالێ خڕێدا کەس نە رابویە ببیت جهگر، ناڤ ودەنگ ژێ چوبن دا ئەوژی وی جهی بگریت ب درستی. ژبەر ڤێ چەندێ وەدبێژن دا وی کەسی دبەر وی کاریرا نەکەن

٨- ما دەم گاریتە ژڤان رەنگە روەکان چێنابن ژبەر ئەگەرێت مە گوتی ئانکو ئەڤە (نەبیتە) وەبیت.ئەڤە ژموستەحیلانە، چێنەبویە وقەت چێنابیت. رامانا وان گوتنا بو بەرامبەری دبیتە شیرەت وبێ هیڤیکرن کو ئەو کەسێ هوین ژێ دبێژن وبەحسدکەن نا گەهیتە وی پلێ ونابیتە چ تشت دقویناغا ژیانا خۆدا.

٩- گوتنا:"گاریتە ژکفرا نارابن" پتر ب کاردهێت دئاخڤتنێدا ژئەوێت دی وەکی من بهیستی ژخەلکی ل کوچک ودیوانان ل دەمێ سوحبەتێ

١٠- ب شێوێ سورانی ژی ئەڤ گوتنە دهێتە دارێژتن ب ڤی رەنگی:" کاریتە لە کفرهەڵناکەوێت".

١١- ئەڤ گوتنا سێ پەیڤێت سەرەکی: "گاریتە ژکفرا نارابن" پەیڤێت وێ دهێنە ڤەگوهاستن ئێک ل جهێ یا دی بێ گوهورین ب کەڤیتە رێزمانا رستێ یان رامانێ ومەبەستێ، بەلێ هندەک جێوازی دکەڤیتە شێوازێ وەک ڤان نمونێت ژێری بو پتر سود ومفای:

چ جارا گاریتە ژکفرا رانابن

چ جارا گاریتە رانابن ژکفرا

چ جارا رانابن ژکفرا گاریتە

چ جارا رانابن گاریتە ژکفرا

ژکفرا گاریتە چ جارا رانابن

ژکفرا چ جارا رانابن گاریتە

گاریتە چ جارا رانابن ژکفرا

گاریتە ژکفرا چ جارا رانابن

رانابن چ جارا گاریتە ژکفرا

رانابن ژکفرا چ جارا گاریتە

گاریتە ژکفرا نارابن چ جارا

ژکفرا گاریتە نارابن چ جارا

   ١٦-٤- ٢٠١٩ – دهوک – نڤێسینا: ئەحمەد عەلی