گوتن وئاخڤتن ونان پەحتن
نان ل دەست پێکا ژیانێ حەتا نوکە ئێکەمین تشتێ خارنێ یە ل هەمی جیهانی، بنگەهکێ سەرەکی یە دگەل سفرا خارنێ ئو ب چ رەنگا ئەم نە شێین ژێ بێ باربن. هەر مللەتەک بب رەنگەکێ جودا وجێواز ژیێ دی نانی چێ دکەت ودپێژێت. دهێتە چێکرن ژگەنم ودانا برەنگەکێ بەر فرەهو مشە ئو هندەک چێدکەن ژ جەهی وگەنم شامی (گەنموکێ ).
ل نک مە کوردا نانێ تەنک ودورک دهێتە پەحتن بارا پتر ب ئاگرێ دارا د کوچکادا ب سێلێ ئو ب خانک وتیروکا. هندەک پرەمیزێ گازێ یان یی غازێ ب کارد هینن بو ڤێ چەندێ. ئو هندەکک سەوکێت نانی د پێژن ب تەنیرێ ئو ب هندەک رەنگێت دی یێت جێواز.
ئەڤە چەند ناڤێت پەیڤانە ئەوێت د گەل نان پەحتنێ د هێن د کەڤندا وحەتا نوکە ل مالا. هەرپەیڤەک ژوان پەیڤا من گوتنەکا کوردی یا کریە نمونە بو رونکرنێ.
پەیڤێت دگەل نانی د هێن
پەیڤ - رستەک یان گوتنەک
ئار - هەر وەکی ئارێ ب دوریێ دا کری
بێژنکا ئاری - بێژنکا ئاری بو من بینن
بەردەستک - ڤێ بەردەستکێ بشو باش
بەرمایێت نانی - ڤان بەرمایێت نانی بدە دەوارا
پرتێت نانی - ئەز چ لڤان پرتێت نانی بکەم
پرەمیز - پرەمیزی خوشکە دا نانی پێژین
ترار - ترارێ ئاڤێ دانە دەف من
تیروک - تیروکا خو بلندکە کتکا دز دێ خو هاڤیت
تەستا هەڤیری - هەرە ئاری بکە تەستا هەڤیری
تەمەدی - ئاگر تەمری ڤێجا بو تەمەدی
تەنی - تو دبێژی تەنیا سێلێ یە
چنیکێت نانی - یێ لبەر چنیکێت نانێ خەلکی مازن بوی
خانک - هەرە خانکی بو من بینە
خولیا کوچکی - تو خولیا بن کوچکیێ
دکێل - چ ئاگر د بێ دکێل نینن
زلینکا نانی - هەرە زلینکا نانی بینە
سێل - تو وەکی نانێ سێلێی
سێلا شاریای - وەرە نانی پێژە سێلا شاریای
سەوکا پەنیری - سەوکا پەنیری خارنا میری
سەوکا قورادێ - سەوکا قورادێ ب دەن بێ مرادێ
سەوکا گژنیژا - سەوکا گژنیژا یا ب تامە
قەدێت نانی - ڤان قەدێت نانی پاڤە ل بەر سەی
کلۆر- هند ژنن، هند ژانن، هند غەرمێت کلۆرانن
کوچک - کوچکێ خو ل چ عەردا رەش ناکەن
گرک - هەمی گرکا چێکە تەمەت ئێک
گڤشک - بلا هەڤیری بکەمە گڤشک
گلدکا نانی - هەوە دانایە کیری گلدکا نانی
گودادک - ئەڤێ گودادکێ دانە بن خو
گیزک - بو من گیزکێ ئاگری بینە
لەگەن - کانێ یە لەگەنا مازن
نازکەنان - ئەز حە ژ نازکەنانێ دکەم
نان - نانێ خو بخو بئاڤێ مننەتا خەلکی بهاڤێ
نان پەحتن - نان پەحتن خوش کارە
نان وەرگێر - نان وەرگێر ژنە یان مێرە
نان وەرگێرک - ئەڤ نان وەرگێرکە نەیا خوشە
نانپێژ - نانی ب دەف نانپێژێ بلا نیڤەکێ بخوت
نانخور - تو نانخورکێ سفر درینی
ناندان - مروڤەکێ نان دەهە
ناندەهی - ناندەهی ژ هەمی کەسا ناهێت
نانفروش - بابێ وی نانفروش
نانو زک - کارێ وی نانوزکە
نانێ تەنک - نانێ تەنک گەلەکێ خوشە
نانێ دوهندای - هەمی گاڤا نانێ تە یێ دوهندای نابیت
نانێ رەق - ئەڤی نانێ رەق ب رەشینە
نانێ سوتی - ئەز ناخوم ئەڤی نانێ سوتی
نانێ شەوتی - ئەڤ نانێ شەوتی ناهێت خوارن
نانێ قەلیای - ئەو گەلەک حەژ نانێ قەلیای دکەت
نانێ کوزری - کی دێ خوت ئەڤی نانێ کوزری
نانێ هشک - هندەک نانێ هشک بو مە بینە
نانێخێرێ - پیرا خێرکەر بیت ئەینی دمشەنە
نانەکەرا - جهێ نە نانەکەرا ل ڤێرێ نینە
نوریا نانی - ئەو هەرو نوریەکا نانی دخوت
هلما ئاگری - هلما ئاگری خو ل ناڤ چاڤێت مندا
هەفکوینک - پیچەکا ئاری بکە هەفکوینکی
هەڤێر - ئەڤ هەڤیرە دێ هێشتا ئاڤێ ڤەخوت
هەڤیرترش - هندەک هەڤیرترشی بو من بینە
هەلەمور- تو هەلەمورا بنێ کوچکیێ