گوتنێت نویژەن

گوتنێت نویژەن

ئەو گوتنن یێ دهاتینە گوتن ل ڤی دەمێ نێزیک ل سەر رەوش رەوشت ورەفتاریت نوی ل سەر زاردەڤێ خەلکی ل جڤات وگوردیا یان ل لایێن راگەهاندنێدا وەک سوشیەل میدیایێ وفێسبوک وتوتەرێدا.

١- مووچە

ل ڤان چەند سالێت بورین پشتی قەیرانا دارەیێ زۆر مووچە پاشکەڤتن ڤێجا چ جهێ تو بچیێ بەحس بەحسێ مووچێ یە چنکی هندی خەلک بەحسێ موچەی دکەن ب شەڤ وروژ وبێ راوستیان دەڤ ل وان موچبوون وسەر ل وان حوچبوون  ئو رێهدین ل وان لوچبوون.

گوتنەکا نویژەن ل سەر ڤێ چەندێ هاتە گوتن و ددبێژیت:

"مووچ وماچ وموچە، ئەی دەڤ خارێ موچە، دگەل کەڤری نە کە قوچە، وەلات بێ دەسهەلات بزنا کوچە"

٢- گەندەلی

دز هەر دزییە، گەندەلی ئێشەکا مللەتی یە، چ یا بچیک بیت یان یا مازن بیت، قەسپەک بیت یان هەسپەک بیت دیکل بیت یان مریشک بیت، دینارەک بیت یان ملیارەک بیت. ناڤەکێ لەوتی یە، کارەکێ پیس وچەپەلە، چ ئایین وئول ڤێ چەندێ قەبیل ناکەن، چ یاسا پشتەڤانیێ بو ڤێ رەفتارێ ناکەن، چ مللەت وعەدەت رێ نادەنی ب چ شێوان وەناکەن، خودانێ دزیێ یێ روی رەشە ل دنێ وئاخرەتێ وخودان چ جارا ب وی مالێ هاتیە دزین خوشیێ ولەزەت پێ نابەت. ڤێجا هەمی تشت ب وژدان حەتا دگەل کورا بخوی دڤێت یا راست ودرست وب ئینساف بیت. دڤێت گەندلی ودزی نەمینیت ناڤ مللەتیدا ئو ئەڤە دکەڤیت سەر شان وملێت مە خڕان، کو ڤێ نەهێلن بمینیت ناڤ جڤاکیدا ب چ رەنگانە.

بەرێ دگوتن: من دزێ خو گرت.

نوکە دبێژن: دزو من بەردە، من تو یێ بەردای، چێلێ ببە دگەل گای، دزانم هەوە پێگڤە چەوا یا گورای.

بەرێ دگوتن: چ دزو بیت، یان رێزو بیت، دێ حال هوبیت.

ئو نوکە دبێژن: ئێک دزو بیت، یێ دی مێژو بیت، هەر دێ حالێ هەژاری هۆبیت.