هەلبەست

  بەند وهەلبەست

تە چیە شەپکێ د بەر رەپکا ؟

مال هەمکا ، بانەهی ل چەمکا

کی خوری د کەڤی سەر لەپکا

 دێ لتە دەن سەد توپز ودەبکا  

هوین د زانن سێ دینێ ل دنێ

کێ گوتیە تە ب کێشی ڤێ تتنێ  

ب گەری ل سەرێت رێکا پتنێ

مالێ بەی سەر مالا بابێ ژنێ

هەکە سفکا دایێ هەر داپیربیت

 نە ترسە بدە بوری بلا کویربیت

هەرە رێکێ بلا زورا دویربیت

یا درستە کچێ بینە بلا پیربیت   

مالا پیرێ روینشتنا ل بەردەرا

زورخۆشترە ژمالا میرو پاشا 

پهاڤە مننەتا خەلکی سەر خۆرا

بفرەک ئاڤێ ب خۆ نان وماشا   

  نە ڤە دە ل بەرمن خەفکێ 

ئەز نە رویڤیێ تەلیا تە مە

ژکوفکێ دهێتە شکەفتکێ

ڤەکێشانا خەمێ هەر خەمە 

نە کە پسیارا پەر گە نگرا

ئاڤێ برن بەرێت بەرئاشا

قەت رانابن گاریتە ژکفرا

بانەهی نا بن پشت تراشا

تول بەر تولێ شمک ژی لبەر سولێ

ئاڤ گەنی دبیت دەما دمینیت ل گولێ 

گێزەر بگێزەری خرمەخرم زێدەتری

بئاخفتنا نەرم مارژکونێ دهێتە دەرێ

هەوجەی ددانا نینە گەرگرێ بدەستا ڤەبیت

خولیا سەرانە ئەگەرچاڤ هەر ل دەرا بیت

نە گرێدە دەرسوکێ  گەرسەرێ بێ ئێشبیت 

سەری ببە ناڤ گورا  گەر یێ پرئارێشبیت

نە هەوجەی ددانانە ئەگەرگرێ بدەستا ڤەبیت

گدی خولیا سەرانە گەرچاڤ هەرل دەرا بیت

هەوجەی دەرسوکێ نینە ئەگەرسەر نە ئێشیت 

سەری بکێشنە ناڤ گورا گەریێ پرئارێشبیت 

هەژارێ برسی

دەستی رویس سەر زکێ برسی

دانەک یێ تێرە وسەدا یێ برسی

تێرکی هاژ ڤی نینە ئەڤێ برسی 

بەنی چناکەن، ژخودێ نا ترسی

خوهاڤێتە حەبسێ ژ بێ نەفسێ

2016 / Duhok Ahmed Ali

وەسا نە بی

دبێژن هەیێبە کورێ کەری بە

دا هەرێ ب قەدر وقیمەت بی

د بێژن ب زانینێ سەر دەربە

دا یێ ب سەهم وهەیبەت بی

نە سەر گیفکا جهێ سەی بە

ببی لێبوک وبەرغەیبەت بی

دناڤ مروڤا هەرێ هەژی بە

خودان ناڤ وپر دەرفەت بی

سەر بلند، هەستیێ سەری بە

تور وئەدەب ومەعریفەت بی

خو ب کە هنگڤین، شرین بە

خودان رەوشت وشیرەت بی

درەوشا خودا یێ زیرین بە

هێژا بژی، سەر بەست بی

بەرهەڤبە، تاکێ سەری بە

دگەل دەلیڤا ب فەرسەتبی

١٩-١-٢٠١٧دهوک

 رەشو بدەستێت خو

نە بێژن وی ستویر دابو بەر خو

بەلێ زراڤ هات بو بەر دەستی

یا گوتی سڤورە وبەر وملێت خو

ترس ولەرز نەمایە لبەر هەستی

بو سویارێ پتنێ توزێ ناکەت؟

یان سویارێ خەلکی یێ پەیایە

مەلەڤان دخندقیت بزاڤێ ناکەت

خر بزانن بێدەر هەر خەما بایە

رەشو بدەستێت خو ئاڤێ تو بری

نەمینە ل هیڤیا دەرا خولیا سەرا

ب هەلینە زەندا هەکە دێ مری

دا بتە نەکەنن سەیێت بەر کەرا

٦-٢-٢٠١٧   

 چەند رەوشت وگوتن

نەهەلگەرە کەرب وکینێ

چنکی کەرب یابرا کوژە

دیتنا چاڤا دهینیت ئەڤینێ

مەژی برە، هناڤ سوژە

چەند ب دەیە پشێ نینێ

ل بەرخەیالێ هەر ژژە

کێ دوشاڤ کرە قەلینێ

ئەو لنک خرا سەرگژە 

ژنا هاتی سەرهەڤژینێ

خودانی دکەتە سەرهژە

زوزان دخوشن دا بچینی

سەرێت چیا عەور ومژە

دوژمن ناکەت دوستینێ

هەردەم گەل تە یێ دژە

20-2-2017 دهوك

 بو وەنەکەم؟

کی گوتیە مێش

دی بیتە گامێش

ژ چیچکی برەنی

چێ دبیت رەنی

کێم بدە داسێ

دا نە بیت ئاسێ

پیا هند درێژکە

بەرێ نە گێژکە

کییە ب تەماشا

خو بکەتە پاشا

گوتن ببە شڤان

ئو نە بە گاڤان

دزانم برا برایە

بو بازار جودایە

بینە بلا کچ بیت

چنینە با پیربیت

گوتن دناڤ هەلبەستێدا 

بەند وگوتنێت مەزنا بەر وڤاژی

ئەوێ د ترسێت ژوەریسی مار گەستە

ئەو کەسێ روژ نڤستی شەڤ هەلستە

گوت ئای پشتێ لزکی دان سەد مستە 

نە جوحنە رابە سەر پیا رەق راوستە  

بزانە هەتا بەر ئەسمانی دەست سەردەستە

نامینیت یا ڤی دەستی بوڤی دەستی راوستە  

مەلەڤان خندقی چەوا مێش دکەفیتە تەستە 

ڤەمراندن روناهیا خۆدێ بون مال پەرستە  

بێ هشە ، مەندەهوشە نیڤا روژێ یێ مەستە

دەستێ رویس سەر یێ برسی هەرێ سستە 

چ هات بخۆ ئەگەر نە ، بخۆ بەرێت بەستە 

دەوێ خۆشە بەلێ سەرە کانی چییە؟ ماستە 

تفاقێ هێلا هیک راوستیت لسەر رستە

نەدە پشتی، بێ گازندە نە کە پستە پستە 

ئێکی ئێک د ئالیسا یێ دی ئاش ئالیستە

کرنە حەتا مرنێ بکە بڤ بڤێ نە وەستە

 ژیان یا ئالوزە وەک وەریسی تێک ئێخستە 

حنێرحنێرا منە نە یا پەهلەوانێ ل سەررستە 

ئەڤە هەمی یا هاتی کرن وگوتن خردرستە

گەرنە، کی ژوان ؟ لەنگە خارە نە یا راستە

راستو درستو ، نێ خار هەرێ شکەستە

هەکە هەیە ب هەردودەستا  نینە راوستە

ناڤێ بڤری بڤرە ، بستا ئاسنی هەر بستە

رێ دچیتە هەمی تشتا، مرن نەیا بقستە  

 چاڤ دکەن شەرمێ ، یێ ستاندی دەستە

 چاڤ خویسی بەسە ما تە نەمایە هەستە

کەرەو خورەو، نەکەرو ژخەوێ هەستە

رەشو ئاڤێ توبری ، بکاربینە دو دەستە   

2016 / Duhok Ahmed Ali

بەند و گوتن بەروڤاژی

خۆ نە هاڤە د گەل بەزێت نیریا

قەت نە کە قوچانێ د گەل کەڤرە

نە ژینا سەرچوکا،مرنا لسەرپیا

بزانە زەوالا دارێ هەر بڤرە

بکە درەوا ل مریا نە ل زندیا

دارکوکێ سەری، زمانێ زڤرە

گربە بسەر بلندی لناڤ گراڤیا

چیایێت بەرز، هەردەم پر بەفرە

سیبەرا سپێدێ، ژخۆیە یا ئێڤاریا

دەستاهەلکە بکاربینە داس وبڤرە

2016 / DuhokAhmed Ali      

ئەڤە یا هەی

خردزانن من چەمەکێ هەی لملەکێ

بەس ناڤ یێ منە وبەر یێ خەلکێ

زور کەسێت دهەین بهێجەتا سلکێ

ب فەند وفێلا خو دگەهینە کوتلکێ

باپێرێ مەزن گوتبو خودانێ ملکی

نا ئێخیت قەت نا گوهێریت خولکی

یێت دهەین نابینن شیژنێ لچاڤکی

دناڤ یێ تەرا دبینن کورتە زلکی

لەشێ کەتیە بەر دمێ بەر کوتکی

قەوراند ب نکلێ خو دار کونکی

ل بەر دەڤا بوینە بەنیشتێ قاچکی

گوشتێ مە ڤە دجین وەکی علکی

٢٠-١-٢٠١٧دهوک

نە  ئەو ئەڤە

گەرنەبی کانیا خوەش

قەت خو نەکە سرک

گەر نەبی گولا گەش

نە بە ستری ودرک

ئە گەر نەبی ئاتەش

نە بە تڤەنگا چرک

دەرکە ژدلێ رەش

کەرب نەبت خرک

ببە چییایێ پرهەش

دا نەبی نزمە گرک

خو نەکە دەڤ بەش

جاڤ لتە ببن نرک

هەر ب مینە گەش

 بتە نەکەنن کورک

٢٠-١-٢٠١٧دهوک ئەحمەد عەلی

خەسلەت دگوتنێدا

ئەوی سەری ببن ناڤ گورا

 گەر ئەو ل ناڤ سەرا نەبیت 

بەرانی سەرژێکەن بە کێرا

گەر ئەو ل ناڤ کەرا نەبیت

بو چییە چیا نەکەت خێرا

چیایێ مژ دسەر را نەبیت

چ نێر یان مێ هەر شێرە

تێشکێ وان هەر شێربێت

هەڤالێ خوش مێرا مێرە

مێر چاکە هەرێ مێربیت

ناڤێ زێرێ زەر هەر زێرە

قەت چ چارا قەلپ نا بیت

 21- 2- 2017