Embedded Files
Materia, itxuraz jarraia izan arren, atomo edo molekula izeneko “adreilu” txikiz osatua dago. Materiaren egoera guztietan partikula txiki horiek mugitzen daude etengabe, askatasun gutxiagoz (solidoak) edo handiagoz (gasak). Azken horietan partikulak ia askatasun osoz eta ordenarik gabe mugitzen dira, abiadura desberdinez. Mugimendu horri agitazio termikoa deritzo.
Agitazio termikoaren ondorioz, energia zinetikoa du partikula bakoitzak. Gorputz baten partikula guztien energia zinetikoen batura barne-energia da.
Gorputz baten tenperaturak gorputz horrek zenbateko barne-energia duen adierazten du.
Barne-energia gutxitzen bada, tenperatura jaitsi egingo da eta gorputza “hoztu ” egin dela esaten dugu. Kontrakoa gertatzen denean, berotu egingo da.
Zenbat eta bero handiagoa eman gorputz bati eta hark zenbat eta materia kantitate -partikula kopuru- txikiagoa izan, orduan eta gehiago igoko da haren tenperatura.
Google Sites
Report abuse