08. Sumendiak,lurrikarak eta plaken tektonika

Plaken tektonika plaka litosferikoen mugimenduak zer eragiten duen, nola gertatzen diren eta zer ondorio dituzten azaltzen duen teoria da.

Plaka litosferikoen mugimenduen ondorioz, zenbait prozesu geologiko gertatzen dira:

· Sismikotasuna.

Bi plakak elkarrekin talka egiten duten lekuetan edo elkarren aurka irristatzen diren lekuetan gertatzen da.

· Bolkanismoa.

Rift-eremuetan eta subdukzio-eremuetan gertatzen da.

· Litosferaren subdukzioa.

Plaka ozeanikoa mantuan hondoratzen denez, ozeanoaren hedadura txikitu egingo da. Adibidez, horixe gertatzen da Ozeano Barean.

· Rift-eremuetan litosfera ozeaniko berria eratzea.

Horren ondorioz, rifta duen ozeanoaren hedadura handitu egingo da. Esate baterako, Ozeano Atlantikoan gertatzen ari da.

· Litosfera osatzen duten harrien tolesdura eta haustura.

Plakek elkarri eragiten dizkioten presio handien ondorioz gertatzen dira fenomeno horiek.

· Erliebeen eraketa.

Litosfera tolesten denean, haren lodiera handitu egiten da, eta mendilerroak sortzen dira.