1.4.Eguzki Sistema

Duela bost mila miloi urte inguru Eguzki Sistema nebulosa baten gasetik eta hautsetik eratu zen.

• Eguzkia erdigunean dago eta izarra bi gasez osatuta dago nagusiki, hidrogenoz eta helioz.

• Planetak. Gorputz horiek forma esferikoa dute eta Eguzkiaren inguruan biraka dabiltza.

Zenbait planeta harritsuak dira: Merkurio, Artizarra, Lurra eta Marte.

Beste batzuk, nagusiki gasezkoak: Jupiter, Saturno, Urano eta Neptuno.

• Planeta nanoak. Gorputz horiek forma esferikoa dute eta Eguzkiaren inguruan biraka dabiltza.

Adibidea: Pluton (Neptunoren ondoren dago), 2006.urtera arte planetatzat hartuta zegoen.

• Gorputz txikiak. Eguzkiaren inguruan biraka dabiltzan gainerako astroak dira. Haien artean, asteroideak eta kometak nabarmentzen dira

• Sateliteak. Planeten inguruan biraka dabiltzan gorputz harritsuak dira. Planeta nanoak ere izan ditzakete sateliteak.

Eguzki-Sistema

Errotazio- eta translazio-higidurak.

Astroek bi higidura mota egiten dituzte:

• Errotazio-higidura. Astro batek bere buruari bira ematean egiten duen higidura da.

Bira hori ematen duenean egindako irudizko lerroari errotazio-ardatza deritzo.

• Translazio-higidura. Astro batek beste baten inguruan birak ematean egiten duen higidura da. Egindako ibilbide horri orbita deritzo.

Lurraren orbita dagoen irudizko plano horri ekliptika edo ekliptikaren planoa esaten zaio.