1.Mineralak eta harriak.

Mineralak:Lurrazalean dauden elementuen konbinazio kimikoz osatutako solidoak dira.

Adibidea: Kaltzita karbonato kaltzikoa (CaCO₃ ) da.

Pisuaren %12 C, %40 Ca eta %48 O

Harriak: mineralez osatuta daude.

Adibidea: Kareharria kaltzitaz osatuta dago (harri mineralbakarra da)

2. Mineralen ezaugarriak

• Naturala izatea : Laborategietan-eta artifizialki sortutako substantziak ez dira mineralak.
• Jatorri ez-organikokoa izatea : Izaki bizidunek sortutako substantziak ez dira mineralak; adibidez, azukrea.
• Konposizio kimiko homogeneoa izatea : hau da, mineralaren zati guztiak substantzia berberaz osatuak izatea.

3. Mineralen konposizioa

Mineralak substantzia puruak dira; hots, substantzia mota bakar bat dute konposizioan.

Mineralen propietateak konposizioaren araberakoak dira (gogortasuna, distira…). Mineral beraren ale guztiek propietate berberak dituzte; izan ere, substantzia mota bakarraz osatuta daudenez, munduko ale guztiek konposizio berbera dute.

Mineralen konposizioan ezpurutasunak baldin badaude mineralaren zenbait propietate alda ditzakete; esaterako, kolorea. Horrelakoetan, mineral horrek barietateak dituela esaten da. Adibidez, kuartzoa barietate askoko minerala da.

4.Mineral amorfoak eta mineral kristalduak

Mineralen kanpoko itxura osagaien antolamenduaren baitan dago. Horren arabera, hauek bereizten dira:

• Mineral amorfoak: osagaiak ordenatu gabe dituzten mineralak dira.
• Mineral kristalduak: osagaiak ordenan antolatuta dituzten mineralak dira.Mineral kristaldu batzuek, ez guztiek, aurpegi lauak, erpinak eta ertzak dituzte; horrelakoei kristalak deritze.

5.Propietateak

• Kolorea : argi zuriz argituta islatzen duten argi mota da
• Distira: argia islatzeko modua da. (Motak: metalikoa, beirakara, matea eta koipetsua)
• Gogortasuna: Material batek beste batzuek marra ez dezaten egiten duen erresistentzia da.

Mohs-en eskala: mineralen gogortasuna adierazteko, 1etik 10ra bitarteko zenbakiak erabiltzen dira.Mineral orok bere zenbaki bereko edo txikiagoko mineral guztiak marra ditzake, eta zenbaki bereko edo handiagoko guztiek marratuko dute bera.Taulan ez dagonean erdiko balioa ematen zaio.

• Marraren kolorea: Mineralak marratutakoan sortzen den hautsaren kolorea da.
• Esfoliazioa: Hautsitakoan aurpegi lauko zatiak dituztenen propietatea da.