அழகிய மாளிகையை அடைதல்

இந்த வீட்டிற்கும் முன்பு ஒரு இரவு தங்கிய வீட்டிற்கும் (House of Interpreter) சில வித்தியாசங்கள் உண்டு. இந்த வீட்டில் அநேக நாட்கள் பயணிகள் தங்குகிறார்கள். முந்திய வீட்டில் ஒரு இரவு மாத்திரம் தங்கினர். இங்கே அவர்களுக்கு விசேஷவிதமாக பணிவிடை செய்யும் ஊழியர்கள் உண்டு. இவர்கள் வாலிப பிள்ளைகளுக்கு விசுவாசத்தில் உறுதி செய்ய, விவேகம் (Prudence) என்ற ஊழியரின் மூலமாக போதனைகள் (catechism) கொடுக்கப்படுகின்றது. அவர்களது கல்யாணம், படிப்பு காரணமாக உதவிகள் செய்யப்படுகிறது. முந்திய வீட்டில் பொருள்கூறுவர் மூலம் பயணிகள் சத்தியங்களை உவமானங்கள் (Parables) மூலம் கற்றுக்கொண்டனர். ஆனால் இந்த வீட்டில் - (i) விவேகம் (Prudence) என்ற ஊழியரின் மூலமாக கள்ள உபதேசங்களை பகுத்தறிவு செய்யும் (discernment) பயிற்சியும், கருணை ஊழியரின் மூலமாக தரித்திரரான பரிசுத்தவான்களுக்கு உதவி செய்யும் பயிற்சியும், ஏழைகளுக்கு உதவி செய்யும் பயிற்சியும் (ministry to poor saints and charity work),

(ii) பக்தி ஊழியரின் மூலமாக தேவனிடம் தனிப்பட்ட உறவு வைக்கும் (Personal devotion to God) பயிற்சியும் அளிக்கப்படுகிறது.

முந்திய வீட்டைப் பார்க்கிலும் இந்த வீட்டில் (இந்த அழகிய மாளிகையில்) சில விஷயங்கள் உண்டு. ஒவ்வொரு உள்ளூர் சபையும் நாளடைவில் பலன் கொண்டு ஒரு அழகிய மாளிகையாக மாறவேண்டும். இன்று நடப்பது என்ன? ஒரு புதிதாக ஆரம்பிக்கப்பட்ட சபை எண்ணிக்கையில் மாத்திரம் வளர்ந்து ஒரு மெகா சபையாக (Mega Church) மாறிவிடுகிறது. தரத்தில் வளராமல் எண்ணிக்கையில் மாத்திரம் வளர்கிறது. இந்த அழகிய மாளிகையாக இருக்கும் சபையிலுள்ள ஊழியங்கள் இன்று நமது சபைகளில் கிடையாது. எல்லா காரியங்களையும் கவனிப்பது ஒரே போதகர் தான்! ஊழியத்தில் சபை மக்களுக்கு இதுவரை பயிற்சி அளிக்கப்படவில்லை. கள்ள போதகர்களை, கள்ள தீர்க்கதரிசிகளைப் பகுத்தறியும் போதனைகள் கொடுக்கப்படவில்லை.

சபை தரத்தில் வளராவிடில், விசுவாசிகளும் தங்களின் ஆவிக்குரிய வாழ்க்கையில் வளரமாட்டார்கள். எப்போதும் குழந்தைகளாகவே இருப்பார்கள். சீடர்களாக மாறமாட்டார்கள்.

தொடர்ந்து படிக்க.....அழகிய மாளிகையில் நடக்கும் பணிகள்

.