கிறிஸ்தவமும் உலக ஆதாயமும்

யோவான் ஆறாம் அதிகாரத்தில் குறிப்பிட்டபடி கிறிஸ்துவை வெறும் அப்பத்திற்காகப் பின்பற்ற விரும்புவது சரியில்லை. கிறிஸ்துவத்தையும் கிறிஸ்துவையும் தன் சுய நலத்திற்காக அனுபவிக்கும் நபர்கள் வேட்டைக் குதிரைகளைப் பயன்படுத்தி பறவைகளை வேட்டையாடுபவர்களுக்கு (Stalking horses) ஒப்பானவர்கள். பொதுவாக பறவைகள் மனிதர்கள் அண்மையில் வருவது தெரிந்தால் உடனே பறந்துவிடும். ஆனால் குதிரைகள் போன்ற விலங்கினங்கள் அருகாமையில் வரும்பொழுதோ அவை அதுபோல பயப்படுவதில்லை. அந்த விலங்கினங்கள் தங்களுக்கு தீங்கு விளைவிக்காது என்று நம்பி தொடர்ந்து இரை தேடுவதில் கவனம் செலுத்துகின்றன. இதை நன்கு அறிந்த சில தந்திரமான வேட்டைக்காரர்கள் குதிரைகளின் மீது ஏறி அமர்ந்துகொண்டு வந்து இந்தப் பறவைகளுக்கு அருகாமையில் வந்து அவற்றை வேட்டையாடுகின்றனர்.கிறிஸ்டியான் நான்கு பெயர்களின் உதாரணத்தை விளக்கிக் கூறுகிறான்.

புற ஜாதிகள் (Heathens)— புற ஜாதியனரான ஏமோர், சீகேம் என்பவர்கள் தங்களது தேசவாசிகளுடன் சேர்ந்து, மனைவிகளையும், நிலங்களையும், மிருகஜீவன்களையும் பெருவதற்கு மாத்திரம், விருத்தசேதனம் செய்வதற்கு கூட தயாராகயிருந்தனர் (ஆதிகாமம் 34ம் அதிகாரம்).

பரிசேயர்கள் (Hypocrites) : பரிசேயர்கள் தங்களது மதத்தை பயன்படுத்தி தங்களது அந்தஸ்த்தை உயர்த்தி, பணத்தை கையாடி, சந்தேகப்படாத விதவைகளின் நிலங்களை அபகரித்துக்கொள்கிறர்கள்.

"நீண்ட அங்கிகளைத் தரித்துக்கொண்டு திரியவும், சந்தை வெளிகளில் வந்தனங்களை அடையவும், ஜெபஆலயங்களில் முதன்மையான ஆசனங்களில் உட்காரவும், விருந்துகளில் முதன்மையான இடங்களில் இருக்கவும் விரும்பி,

விதவைகளின் வீடுகளைப் பட்சித்து, பார்வைக்கு நீண்ட ஜெபம்பண்ணுகிற வேதபாரகரைக் குறித்து எச்சரிக்கையாயிருங்கள், அவர்கள் அதிக ஆக்கினையை அடைவார்கள் என்றார்" (லூக்கா 25: 46-47).

சாத்தான்கள் (Devils) : யூதாஸ் 30 வெள்ளிக்காசுக்காக இயேசுவை காட்டிக்கொடுக்க சம்மதித்துவிட்டான். "இயேசு அவர்களை நோக்கி: பன்னிருவராகிய உங்களை நான் தெரிந்துகொள்ளவில்லையா? உங்களுக்குள்ளும் ஒருவன் பிசாசாயிருக்கிறான் என்றார்" (யோவான் 6:70-71).

"அப்பொழுது, பன்னிருவரில் ஒருவனாகிய யூதாஸ்காரியோத்து என்பவன் பிரதான ஆசாரியரிடத்திற்குப்போய்:

நான் அவரை உங்களுக்குக் காட்டிக்கொடுக்கிறேன், நீங்கள் எனக்கு என்ன கொடுக்கிறீர்கள் என்றான். அவர்கள் அவனுக்கு முப்பது வெள்ளிக்காசைக் கொடுக்க உடன்பட்டார்கள்". (மத்தேயு 26:14, 15).

சூனியக்காரிகள் (Witches) : ஞானஸ்நானம் பெற்ற சீமோன் பணத்தைக்கொடுத்து ஆண்டவரின் வல்லமையை பெற முயற்சித்தான்.

"அப்போஸ்தலர் தங்கள் கைகளை அவர்கள்மேல் வைத்ததினால் பரிசுத்த ஆவி தந்தருளப்படுகிறதைச் சீமோன் கண்டபோது, அவர்களிடத்தில் பணத்தைக் கொண்டுவந்து: நான் எவன்மேல் என் கைகளை வைக்கிறேனோ, அவன் பரிசுத்த ஆவியைப் பெறத்தக்கதாக எனக்கும் இந்த அதிகாரத்தைக் கொடுக்கவேண்டும் என்றான். பேதுரு அவனை நோக்கி: தேவனுடைய வரத்தைப் பணத்தினாலே சம்பாதித்துக்கொள்ளலாமென்று நீ நினைத்தபடியால் உன் பணம் உன்னோடேகூட நாசமாய்ப் போகக்கடவது. உன் இருதயம் தேவனுக்குமுன்பாகச் செம்மையாயிராதபடியால், இந்த விஷயத்திலே உனக்குப் பங்குமில்லை பாகமுமில்லை. ஆகையால் நீ உன் துர்க்குணத்தை விட்டு மனந்திரும்பி, தேவனை நோக்கி வேண்டிக்கொள்; ஒருவேளை உன் இருதயத்தின் எண்ணம் உனக்கு மன்னிக்கப்படலாம். நீ கசப்பான பிச்சிலும் பாவக்கட்டிலும் அகப்பட்டிருக்கிறதாகக் காண்கிறேன் என்றான்" (அப்போஸ்தலர் 8:18-23).

பின்பு, கிறிஸ்டியானும் நம்பிக்கையும் இந்த மனிதர்களை விட்டுவிட்டு ஒரு "இலகு" (Ease) என்ற சமதளத்தை அடைந்தனர். அந்த இடம் சமதளமாக இருந்தாலும் குறுகியதாக இருந்தது. அந்த இடத்தை இலகுவாக கடந்து ஒரு "பண ஆதாயம்" என்ற சிறிய குன்றை அடைந்தனர். அந்த குன்றில் ஒரு வெள்ளியெடுக்கும் சுரங்கம் (Silver Mines) இருந்தது. இவர்களுக்கு முன்பு சிலர் இந்த அதிசயத்தை காண இந்த பள்ளத்தின் விளிம்பில் நின்று எட்டிப்பார்த்தபோது, கவரப்பட்டு கீழே விழுந்தனர். சிலர் முடமானார்கள். சிலர் மரித்தார்கள்.

தேமா (Demas) என்பவன் கிறிஸ்டியானுக்கும் நம்பிக்கைக்கும் இந்த சுரங்கத்தைக்காண்பித்து அதை உற்றுநோக்கும்படி சொன்னான். கிறிஸ்டியான் அவனிடம் தர்க்கம் பண்ணி தேமாவை நோக்கி "நீ கேயாசியின் (Gehazi) தாத்தா" என்றும், "யூதாஸ் உனக்கு தகப்பன்" என்றும் கூறி தேமாவை கடிந்துக் கொள்கிறான்.