இளைப்பாறும் வீடு

அந்த வீட்டிலுள்ள முக்கியமான அறைகளுக்கு அழைத்து சென்று பொருள்கூறுபவர் அங்கே காணப்படுவைகளின் அர்த்தத்தை விளக்கி கூறுகிறார். கிறிஸ்டியானாவின் கணவர் கிறிஸ்டியானை ஏற்கனவே, இந்த அறைகளுக்கு, பொருள்கூறுபவர் எடுத்து சென்றிரிக்கிறார். அங்கே கூண்டில் அடைக்கப்பட்ட மனிதன், கனவு காணும் மனிதன், தனது விரோதிகளை வெட்டி வீழ்த்தி சென்ற ஆயுதம் தரித்த மனிதன், கைகளில் புத்தகம் ஏந்திய முதிர்வாய்ந்த மனிதன் ஆகிய எல்லோரையும் காண்பிக்கிறார். கிறிஸ்டியானுக்கு காண்பிக்காத வேறு முக்கிய அறைகளையும், இந்த பெண்களின் குழுவுக்கு பொருள்கூறுபவர் காண்பிக்கிறார். கற்றுக்கொள்ளும் பாடம் இந்த வீடு ஒரு உள்ளூர் சபையை (local church) குறிக்கிறது. இது ஓர் இரவு தங்கும் சத்திரத்திற்கு ஒப்பாகயிருக்கிறது. இது நிரந்தரமான இடம் கிடையாது. மோட்சப்பட்டணத்தை நோக்கிப்போகும் வழிப்போக்கர்களுக்கு பரலோக ராஜாவால் கட்டப்பட்ட ஒரு மாளிகை! இங்கே மோட்சப்பயணிகளின் சரித்திர புத்தகங்கள் வைக்கப்பட்டிருக்கின்றன. பெண்களுக்கென்று ஒரு தனியான ஊழியம் இருக்கிறது. கிறிஸ்டியானுக்கு காண்பிக்காத வேறு முக்கிய அறைகளை இந்த பெண்களின் குழுவுக்கு பொருள்கூறுபவர் காண்பிக்கிறார். சபையின் முக்கிய ஊழியம் பணிவிடை செய்வதுதான். பின்பு வேதத்தின் மகிமைகளையும், புரிந்துகொள்ளமுடியாத பொருட்களுக்கு அர்த்தம் விளக்கி கூறுவதுதான். உவமானங்கள் (Parables) மூலம் மக்கள் புரிந்துகொள்ளும்படி போதனை நடக்கிறது. இங்கே ஒரு பிரசங்க மேடை கிடையாது. இன்றைக்குள்ள சபைகளில் பணிவிடைகளோ, அன்பின் விருந்துக்களோ கிடையாது. சில சபைகளில் மாத்திரம் அன்பின் விருந்துகள் நடைபெறுகிறது. சபையில் தோன்றுவது ஒரு பிரசங்க மேடைதான். சில வீட்டு சபைகளில், உட்கார இடம் இல்லாவிட்டாலும், ஒரு பிரசங்க மேடை காணப்படுகிறது. இன்று நமது சபைகளில் பரிசுத்தவான்களின் சரித்திரங்களை பற்றி உபதேசங்கள் கிடையாது. விசுவாசத்திற்காக தங்கள் உயிர்களைத் துறந்த பரிசுத்தவான்களின் (Martyrs) ஜீவ சரித்திரங்களை சபைகளில் போதிக்கவேண்டும்.

தொடர்ந்து படிக்க..... குப்பைவாரியுடன் ஒரு மனிதன்