1211 või 1212 Läti maa-alade jagamine ordu poolt
Läti alade jagamisel Riias osales ka Lihula piiskop ehk Eestimaa piiskop Theoderich.
B. Paderborensis, I. Verdensis, Ph. Raceburgensis, Th. Lealensis episcopi, I. praepositus maioris ecclesiae in Riga, B abbas in Dunamunde cunctis fidelibus, in perpetuum. Cum in eo convenissent milites Christi ac reverendi domini fratres ac procuratores venerabilis fratris nostri A. Rigensis episcopi, ut terra, quae Lettia dicitur, tripartita sorte divideretur, placuit scripto harum trium cartarum tres terrae partes aequales distingui, et datis hinc inde cartulis per manum cuiusdam illiterati, quidquid uni vel alteri parti pro sorte accideret, ratum habere. Duae itaque cartulae partidomini episcopi assignatae fuerunt, in quarum una continebitur Aszute, castrum Lepene et villae in confinio Bebnine quondam pertinentes regi in Gercike cum omnibus singulorum pertinentiis; in altera continebantur castra Aucenice, Alene cum suis attinentiis. Militibus Christi pro tertia parte ipsos contingente una cartula assignata est, in qua continebantur castra Zerdene, Rheyeste, Sessove cum suis attinentiis. De sorte vero episcopi castrum Alene sorti militum Christi adscriptum est, in recompensationem duarum villarum, quas eis debebat episcopus. Nos ergo, quod coram nobis est gestum, litteris mandari fecimus et sigillis nostris communiri. Praesentes fuerunt, cum haec flerent, Alobrandus sacerdos, Rudolphus canonicus in Sossad, Henricus sacerdos de Lon, Helmoldus de Plesse, Conradus de Vardenberge, Nicolaus de Bnina, Egechardus Schakke, Seyebandus de Luneba, Wridolphus miles, Frethericus de Bodenthke et alii quam plures.