Útkall F2-Gulur: Fótbrotinn maður í Botnsúlum
Post date: Mar 14, 2013 2:36:26 PM
Stórt útkall var hjá okkur í Kyndli föstudaginn 8. mars síðastliðinn. Maður hafði hrasað í vestari súlunni og fótbrotnað illa. Í fyrstu voru snjótæki boðuð á staðinn en síðar kom í ljós að vélsleðar gætu ekki athafnað sig á svæðinu sökum snjóleysis.
Þyrla Landhelgisgæslunnar sá um að ferja björgunarmenn upp í fjall til hins slasaða þar sem að ferðin sóttist hægt á jeppum og snjóbílum upp fjallið sökum erfiðra aðstæðna á Leggjarbrjótsleið.
Kyndill sendi sleða, fjórhjól og jeppa á staðinn. Einn jeppi frá okkur keyrði áleiðis að slysstað og svo fóru tvo fjórhjól alveg upp að slysstað. Einnig fór vaskur hópur fjallabjörgunnarmanna um borð í þyrluna og voru þeir fluttir um 500 m. frá slysstað.