هوزان

  خانێ بەدلیسا

ژ خەوا گران رابە خانی بەدلیسا

ئەڤروسەرمەدا هاتن تارێت دیسا

تورکوعەجەم گەڵ دەلنگ رویسا  

دا ژێکڤەکەن خاکی ب دەنە پیسا

ژخەوێ رابە کوردو بادە وەریسا  

دوژمنا سەر تە حسارە خوڤەنیسا

بەرڤەدە سەد تەلها گەڵ هزاردیسا

پێ هایدە بدەنگێ خو چاڤ خویسا

بیژێ ما بەس نینە تو بمە ڤە نیسا  

وەلات پارێزین، توکەتیە قە سیسا  

سنگین ل سەر سنورا دژی کاپیسا

کمکمە خەمەگور نەرێنە مارگیسا

 ب زڤرە کلێسێ بکەڤە کون ولیسا 

دا تاڤا کوردا سەرڤان چیا بتە ییسا

 ئەحمەد عەلی ١٢ / ١٠ / ٢٠١٦  دهوک

بزن وبێری وشڤان

هەر دو پێگڤە دبەزن چنکی شڤانە

بو چاڤدانێ بو سەخبێرێ بێریڤانە

بتبلێت قەشەنگ د دوشیت گوهانە

د کەتە ماست ، دانیت بەر مێڤانە

بزنێ نە ترسە یێ ل بەر تە شڤان

شاخ مەزنێ هاتە رەخ تە بێریڤان

زاروک لپشتێ دەستا دەتە گوهان

ماستێ قەرستی دانیت بەر مێڤان

بزنێ شڤانێ خورتە یێ هشیارە

تە د گێرینیت ل چول و بەیارە

ل گر وملا، هنداڤی چییا دیارە

بو ژیانا مە خوش کارە،ژیارە 

 زوردار

ل چول وچیا گەریام ل پەزێ کیڤی

من قوتان خەلک ب گوپال و چیڤی

ژیان نا هێتە کێشان تو نە شی پیڤی

چو سەرئەڤرازی هات سەر نشیڤی  

ژی بوری وەکی خەونا پتر ژ نیڤی 

لڤێ دنی تە نەمان قەت سوزوهیڤی  

شوینا شێران د کەن گێرێ رویڤی

خەلکی دگوت برا تە گوت کریڤی 

 جورێت دەمی 

گەلو نوکە دەمە ،

دەمێ بوری دەمە،

یێ دهێت دەمە،

جار خوشییە ، جار خەمە،

باغچێ گولانە ، جار چەمە،

تەنگاڤییە ، جار جەهنەمە،

جارگەرمە ، جار سرە، سەقمە

جار مجداییە ، جارترانە و گەمە،

جار شیرە ، جارکورتە قەلەمە

مێرگە ، جار ستریە ، کەلەمە

کوز وپاوانە ، جاررێل و قەرەمە

د بیتە تیر، جار د بیتە تیژە رمە،

بێ چارییە ، جارکار وحم حمە،

دەشتەکا فرەهە ، جارتەنگە قومقمە،

جار کونجە ، جار قەسرا دمدمە،

قەنەقینە، دەرمانە ، ئاڤا زمزمە.

شەرمێ نەکە 

شەرمێ نە کە

دەستا نە دە چاڤا 

 شەرمێ نە کە چ دەم وگاڤا

من وەرە تو نە یێ وەستیایێ

 نە یێ دامایێ

 بەس دەستەکێ ڤالایە

ئێکی چ تێ نەمایێ

جەژن هات  خێزان

یا ل هیڤیا دەستا مایێ 

گەر بەنیا نەدا

بمینە ل رەحما خودایێ

 خاندنا بەرێ

خاندنا بەری بشەڤێ د کەتە بەر تاڤە هەیڤکێ

پشتی هنگێ قندیلێ جهێ خو کرسەر رفاندکێ

دکێلا وێ نەما چنکی خو ئینا پێش فانوسکێ

دیڤداهاتن هەر سێ برا پێگڤە وەک بابەلیسکێ

فەنەر ولەمپە وچرا کەتنە بەر برا وخویشکێ

نەکێشا گەلەک سالا مە دێت روناهیا لوکسکێ 

بو جەژن ل دەف مە دەما هاتی گلوپا کولانکێ  

هەمیا دانە ئالەکی تە ژ بیرکر روناهیا مومکێ

دلێ موکم

دلێ موکم ودژوار وەکی رەشە مار

دێ مینیت چەپ وچیر ولەنگ وخار 

ئاڤ ژ کەڤرا دەر دچیت دهێتە خار

دلێ گەلەک کەسا دێ مینیت بەیار  

دەستو بدە دا شەرم نەکەت ژاروهەژار

دلی نەرم کە بەرزە نابیت دەف جەبار 

کفنی بەریک نینن, قەت لێ نینن دریار 

دراڤی بدە, دا ژار ب لڤینیت دەڤ وزار  

دێ کەت لاڤا، بهەمی دەنگی کەت هاوار  

دێ گەهینتە ئەسمانیم، نک مەزنێ غەفار

٢٥ /٤ /٢٠١٦ دهوک- ئەحمەد عەلی    

 کەوێ بخەەباتە

کەس نە بێژیت

دارێ ف کەوی کەڤتی 

نە بێژن کەوی جاڤ نقاندن

دناڤ هێلینێ خەفتی  

کێ گوتی یە  پرا ئاڤێ

 ل کەوی دێ هێتە هاڤێتن 

پەر لێ دهێنە قوساندن

دم لێ هاتیە چەماندن

وەنیە قەت وەنینە

 وەنینە گەلو وەنینە

درەوە چ قولەتەین تێدا نینە

کەو نە دوژمنێ خویە  

جەنگاوەرە هەرێ هویە

ل ڤان نهال ودولا

سەرێ دوژمنی کریە گویە

دایە بەر صم وسولا

کێ گوتی یە کی دبێژیت؟

سەرێ وی یێ پرخوینە  

چەنگ لێ برینە 

گەلو هوین خر بزانن

کارێ وی هەر قەبقەبە

ل هنداڤ چیا قەبینە

سەر بلندە یێ کوک ورەپە

کارێ وی خورینە

نەیارا ژبەر رەڤینە

کەوێ رەباتە، هنداڤی لاتە

سەر سنور وسەنگەرا

سەر کنارا و چەپەرا

هەر دەم یێ بخەباتە

ژ بەر وی دوژمنێ

 ب ترسە ولەرزینە

ژینا دوژمنی هەودا

دگەلدا هات وباتە

مرن یا لێ کریە خەلاتە

سەر شورە شەهمزارە

کارێ وی غار وبەزینە

رەڤە ، غارە ، بەزینە

٢٢-١٢-٢٠١٦ دهوک

ئەحمەد عەلی

     زاروکێت مە

کور لنک دەیک وبابا دلە

دەف باب وباپیرا نەڤی کاکلە  

دندلاندی سەر ران وسەر ملە 

هەریێ پاقژ وبژینە یێ چاڤ کلە

لێ هشیارن هەردەم یێ چاڤ زلە 

شەمالکن د رێدا، چرایێ رون وهەلە

چێ بخازن دێ بو ئینن هەتا هەسپێ دندلە

ژێ تورە نابن چ جارا قەت تو نابینی یێ سلە 

    دەیک هەمی تشتە 

گەر مێر تەناهی بیت

ژن مال و گەشتە

خیشک کوزیرک بیت

برا هەر پشتە 

کور خودێ دا بیت

کچ خێرە سەر مە دارشته

باب سه ر فه رازی بيت

دەیک هەمی تشتە 

   دەروێش

ئەو کییە وەک من بو یە دەروێش 

لچول وچییا ژین دیف خو راکێش

پرچا من دگەل ریها بونە راکێش

تێرم ژرەحما خودێ نەمایە ئێش 

یا دای ئەوە چ جارا نا بێژم هێش

چییە مال ، ل نک من بویە گلێش

خەم نینە خەلک بچن پاش وپێش

نەهشم ، مەندەهوشم نەما ئارێش   

     لاڤ

تو خودێ هەمی خەلکی

زورداری سەر مە راکی

ئێشێ ببەی،مە ساخکەی

نە هێلە دەردا بن برکەی

بی شفا تە مە نینە شفاکی   

   نعمەتێت خودێ

ئێک ژ نعمەتێت خودێ دو چاڤن

گوهو دەست و پێنە هەر دو گاڤن

دل ومێلاک وسیهن یێ دی هناڤن

خودێ مەزن ژ تە دان ژمە لاڤن   

    زاروکێت شەهیدان 

شەهیدی خوجان فیدا کربو وەلاتی ئەی وەلات 

خوینا پاک سەر ئاخا پاک  کردیاری کر خەلات 

گیان ورەوانێ تە ل سەر شەوقا روژێ هەلات

تیروژکا هەبونی دگەل سەر بەخونێ هێڤەهات 

زاروکێ شەهیدی تویێ سەر بلندی سەر فەرازی

بێژە بابێ من هێرش کرە نەیاری وەک بالە بازی

مرنا تە بەلاڤ بو ل خر جیهانێ ب قەدروشانازی 

جان فدایێت دنێ  خرا بو هەوە کرهەوار و گازی 

١/ ٦ / ٢٠١٦ دهوک 

    چا سەر پەلا 

ل چولی چا چێ ببیت سەر چولێ پەلا 

ل دەمێت خەمگین دل ببن سیبەر بودلا 

ل ئاستە نگا ل ئاریشا مل بێنە بەرملا

ل جەنگا خو نە ڤەکێشە هەر بێژە بلا

لێ کەفتن دەیباب باورکرن وبێ عاقلا

لێ دان ل زکی سەد مست دا بەرکەلا

لێ کرن گەف، چاڤ کورەکر بەرتلا

لێ ڤە دان خەفک مارێت بن گل گلا

تڤەنگ ....... بمینە بی دەنگ

بگرە وێ لویلیا تڤەنگێ

دەڤێ وێ پرکە ژ گولا

وەسا بمینی بی دەنگێ

نەشەقی لێبدەی ل دلا

نە چی شەرو جەنگێ

نەکەڤی بەرزەند وتلا

یا خوشە بڤبڤا ستنگێ 

بێڤەدەت مارێ گلگلا 

پرببی ژتوز وژەنگێ

کەس نە دانن سەرملا  

دژو بزانە ڤێ سەنگێ

ئەم چەپەرن سەر ملا

٢٩ /٩ /٢٠١٦ دهوک 

پێشمەرگێ قەهرەمان

 تەیرێ بازە

تف نەکە تفا سەرئەفرازە

ژوردا بناڤ چاڤا دکەڤیت

ژدوژمنی هیڤیێ نە خازە

هەردێ ب دیڤ تە کەڤیت

فرە بلند وەک تەیرێ بازە 

نەهێلە ل سەر تە بکەڤیت

چیڤێ ستویر، بکە داخازە

دا هەر ژ بەر تە برەڤیت

دوژمن خنزیرە ، بەرازە

ل بن ئەردی دگڤ گڤیت

بمینە هشیارقەت نە رازە

دا نەشیت دورتە بکەڤیت   

گوری ب کولە ب لیهازە 

دا دبن کەڤر وبەرا بنڤیت

بێژێ تە نەمان غاروبازە

پێ شکەستن نا لڤ لڤیت

سەربلندم گەل ژیانا تازە

دا دوژمنێ پیس بتڤ تڤیت

٣١ / ١٠ / ٢٠١٦  دهوک

ئەحمەد عەلی 

هەستا تە چ دبێژیت؟

 دوژمنو وەلات پارێز یێ دبێژتە تە:

 ژئەڤرو وێڤە بەسە گوندێت مە ب هێنە:

خرابکرن... وێرانکرن... کومباخکرن

بهێنە هەرفاندن... شەوتاندن... ستاندن

بهێنە ژبن برن...کاڤڵ ببن .... بم تێدا بفرن

هەرفتی دیوار... ببن شینوار

ب سوژیت وار.... نەمینیت بهار

نوی روژ هات... ئادار هات ... بو خەلات

٢١/٣/٢٠١٧ دهوک 

تا گریێ وخوڤیک

ل تا گریێ بخورە ، ئو لێ نەزڤرە ، دا بمریت دەمەکێ زیک

خوڤیک درێژ بو وەک ریڤیک، ناڤ مەدا بویە هزار چق وتیک

کیمێ پڕ بزاڤ،چێترە ژ زورێ بێ زاخ، کا تاری کانێ حەتاڤ  

گەل کورا بخو بئنساف، ژڤی بخو یێدی بدێ گوشتێ خاڤ

پێش خو راکە تەلها ، ڤەکە چاڤا دا بەرزە نەبیت ماڤ وناڤ 

٢٠/٣/٢٠١٧ دهوک

 گوندێ بابکالا

ئەو کی نە بهیستی ناڤێ ڤی گوندی بلا بێژیت نەخێر

بڤروداسا کارێ کری،ئەردێ کێلای بمەرێ تەڤر وبێر

بچیک ومەزن،پیر وداپیر بەشداربون دگەڵ ژن ومێر

بخوشیا میری، ژار وژیری ، دەهان برسی، ئێکێ تێر 

١١-٤-٢٠١٧ دهوک

     وەرنە گوندا

مەبەستا من ژخەلکی بزڤرێن سەر گوندا بچینن

گەشتا واری ژهەمی رەنگا کەسکەن بخەملینن

ژپیر نەکەن جهێ باپیرا ل سەر ڤی خاکێ زێرین

بژین بکەیف وشادی، بسەر بلندی، ئارام بمینن

١٦-٤-٢٠١٧ دهوک