قەولێ بەیگۆیا
1- خودێیۆ توی هەقی
بێگۆیا بەکی، بکە شەقی
شەقسێ فەخرەدین ئی سادقە، ئی سەخی
2 - فەخرەدین نە مالێ کەسی دخوارە ، خواریە
نە دلێ کەسی دئازاره
بێگۆیا ژ دەستێ وی دکرە گازی وهاوارە
3 - وەی ! بێگۆیا وعەوانە
ئێزی، خودێ، تاوسی مەلەک، دلێ وان خالی نەکەت ژئێشان و ژانە
ئەو چوو ب چاڤێ خۆ نابینن و ل خەلکێ کار باش و خودان ئیمان دکەن بۆختانە
4 - بێگۆ ل مار سواربن
دوبشک رکێت دار بن
من ب خودێ هیڤیە ل دنێ و ئاخرەتێ ژهەردوو چاڤا ژار بن
5- مار ل مالێت بەیگۆیا بزێن
ئەو چوو ب چاڤێ خو نابینن
ئەو دەرهەقێ خەلکێ دبێن" دبێژن
6- بێکۆ دکەڕ دکاس بن
هاڤینێ دپێخواس بن
زفستانێ دبێ کراس بن
من ب خودێ هیڤیە ئەو ژ خوشیا ڤێ دنێ خلاس بن
7- بێکۆ دکەڕ دکۆرە بن
هاڤینێ ل جزێری بن، جهێت زێدە گەرم
زفستانێ ل بن بەفرا تیر بن
من ژناڤێ تاوسی مەلەک هیڤیە ئەو ژخۆشیا ڤێ دنێ دوربن
8- بێگو مالا وان ل بن بانی
نەشکەفت دەست وان بکەڤت نە خانی
من ژخودێ هیفیە ئەو هەر دپێخواسبن و ل بیا بانێ ب نالی
9- بێگۆ مالا وان وا ل بن کەپرێ
بەفرە، باگێرە لێ بێتە ستوکری
من ب ئێزی هیفیه گچک و مەزنێت وان هەتا کیی لێ دەری
10- بێکۆ ل فروین سەرڤە
شەڤێت کانونێ چلێ زفستانی بمینن ژدەرڤە
من ژناڤێ خودی، تاوسی مەلەک، ئێزی، هیفیه مەزن رابن کچک ل بەرڤە
11- بێگۆ زۆما سەر بن
هاڤینێ پەرخۆ سەر بن
تۆز وباگێرا وەربن
من ب خودێ هیفیه خێرا وان یا خۆش ل گەل یەک کدیلەر، لبەربن
12- ئەون بەیگۆیێت کرینو دکەن گۆنەهکاری
فەخردین وچەندی خاسان لێ کری نفری
ل رۆژا ئا خرەتێ مابوون بێ مەفەر، زەبێنیا
ب چەنگلێ وان گرتن وهاڤیتنە ناڤ گۆکا ئاکری
13- خودێیو، بەیگۆ ئی وەهابێ ل دنێ
شەڤا بەفر وبا بێ
سکا سایکا کانونێ"چلەی لێ دابێ
دا بەیگۆ ل وێدەری ب حەق وجزا بێ
14- ل وێدەری بێگۆ ئی د وەهابن
بێگۆ شونا ئاگرێ دەستێ خۆ ل بەر بەفرێ گەم بکەن
و شونا دۆشەک ولحیفا بێگۆ لەشێ خۆ ب بەرا نەرم بکەن
15- بێگۆ خێرێ نەبینن، و ل مالا بگەرێن،
هندەك دەوێ ترش ل ناڤ گوندێ خۆ بینن
هندەك چەنیکێت نانی بخۆ تێ بچینن
من ژخودێ هیفیە وی ژی قسمەتی وان نەگەهینت
16- ئەو بێگۆییت ڕوئاسن
ل جفەتا بێژی وگۆتنا دکەن وەکە ئەلماسن"دبێژن
بەلێ ئەو ئێزی ورێیا ئێزی ب حەق نەناسن
17- روێیت بێگۆیا رەشترن ژتەنیا دێزا
هنجی کەسێ ژێک ڤەکەت دلێ دوو عەزیزا
خودی لێ خۆش نەکەت ڤێکیا چوو پایزا
18- رویێ بێگۆیا رەشترن ژتەنیا دێزا
من ژخودی هیڤیە ئەو نەخۆن ژفێکیێ چوو پایزا چاوا ئەو ژێکفە دکەن دلێت عەزیزا
19- خودێیۆ یی بێری
ئەو بوو دەشتا برا گێری
خودێیۆ توو حوکحێ بێگۆیا ب دەستێ خۆڤە بسپێری
20- خوشکێ وفەخرێ شەرکر
رونشتن چێکر
سەرێ بێگویا کێر کر
21- چەمێ ئاڤا تییم دبێ
کانیا ئاڤا هشک دبێ
کاری بێگۆیا ل نگ خودێ کێم دبێ
22- من تەرونەک چێکر، من گۆ قای ئاشە
من خانیەك چێکر، من گۆ قای ماشە
کول وکاری بێکۆیا ل نك خودێ هەر ئی بەلاشە
23- من مێوەک چاند من گۆ قای رەزە
من کێلەک دانا من گۆ قای مەرزە
کول وکارێ بێکۆیا ل نك خودێ هەری ب لەزە
24- من هژیرەک چاند دەرکەفت کەرك بوو
جینارەکی من هەبوو، قەوی ئی ب ڕک بوو
گاڤا من دئاخفت، ئەو ب کارێ خۆ یی ب شکک بوو
25- من کوندەکک دابەست، دەرکەفت بازی بوو
زەرەڤانکی من هەبوو خودان ئیمان وئەرکان بوو
ئەوی ژی دزانی تالیا دەولەتا من ل کو بوو
26- هەکە عنکار مێری میرە
خۆفا خودێ وی نێتە بیرە
ئەو رزکار و خلاس نابت ژقەیدان و زنجیرە
27- هەکە مێری عنکار پاشا
سەر تەختێ خۆ راوەستابێ
قەت دلێ خاس ومەلەکا وخودێ پێ خۆش نابێ
28- عنکار چوو چێناکەن
شەڤێت گران خەوێ ناکەن
وان دڤێت طەلپەکی ژخۆڕا کەن
29- عنکار کۆ دعنکرێ
هەکە هەقی هات وحدری، بوو داهری، حازربوو
جییەک نینە ئەو لێ ب سەبری
30- عنکار ئی عنکێرا
هەکە هەقی هات ئەو گرێدا
جیەکك نینە هەرێ پیدا
31- هوون ئەوان عنکارا ب هەق نەگرن
دووری تەیقە تن بکرن
هەکە قسمەتەکی چاکک دگەل هەیە
ئەوی ژی، ژێ وەرگرن، هەلگرن
32- هوون عنکارا ب حەق نەبینن
ژدورێ تەریقەتێ بخوینن
هەکە قسمەتەکی چاك دگەل هەبە ئەوی ژی، ژێ بستینن
33- هەکە ئەسکەر هەزار دبی
دووی عنکارا دبێ
با فروارا خودێ هەردوو ژی بار دبی
34- هەکە عنکار مێرێ شۆباشیە
چی جهێلێ بێ خێر ، بێ خوشیە
دوبار ژ تەعلیە، ژ دەست تەنگیە
35- هەکە ئێ عنکار، مەزن، مالخۆیێ گوندە
ئی نەفس کوبارە یی نەفس بلندە.
ئەو ژی ل ئۆغلەما ئێزی دێ بت هندا
36- هەکە عنکارە مالخۆیێ مالە
بکەت هاریکاریا فەقیر و ژارە
ئەو ژی ل ئاخرەتێ ئی بێ ملك و مالە
37- هەکە عنکار مێرێ پیرا
وخۆف وترسا خودێ وی نێتە بیرا
دەستێ وی راموسە ژ وێ هەرە دوورە
38 - هەکە عنکارە مێرێ کەڕە
جیێ وی طەش بەرە
سبەیکێ ژی دکەل مالا خۆ گالە و شەرە
39- هەکە عنکارە مێرێ کۆچەکە
گەر ئی ب وەکازە ،گەر ئی ب چەکە
خودێ خلماتا وی قەبوول ناکە و نەکە
40- هەکە عنکارە مێرێ قەوالا
خودانێ دەفا شەش مالا
خودێ ماشێ وی لێ نەکەت و ناکە حەلالە
41- هەکە عنکارە مێرێ دبەردا خەرقەیە
ڕۆژێ سێ جارا عەبادەتا خەرقێ خۆ نەکەتە، بکە ژی جیێ وی ئی ڤەژوارتیە
قیرە و قەترینە و دۆژەیە جیێ ڤاڤا رتی
ژیرە تەنگە و تەعلە ودۆژەیە
42 - دوبشکێت دۆژەهێ د سەمەرن
مارێیت وان دهەڤت سەرن
ل وان روحا دعنکرن
ئەوێییت ڕۆژێ سێ جارە ب ناڤێ خودێ ئێزی، تاوسی مەلەکك دگونەهن
43- هنجیێ نە خودان ئەرکان وئیمان بێ
جیێ وی تەنگە وقیرە ودوژەنە
خودان ئەرکان و ئیمان بخودێ ڕا دبن ئاشق ویار وجهێ وان بەهەشتە . یاخۆدێ مەتێ هەبە بار ....ئامین...