قولى ئێزیدیا - قەولێت ئێزیدیا
أقوال إيزيدية - Izadi sayings
پێشگوتن وتێبین: ئێزدی وئێزیدخان
گۆتنا جەنابێ سەرۆک بارزانی دجهدایە ودیارە دەما گوتی:"ئەگەر کورد ھەبن، ڕەسەنترین کورد ئـەون کوردێت ئـێزیدینە". زولم و زۆرداریەکا مەزن یا هاتی ب سەرێ کوردێت ئـێزدی ژکەڤندا وحەتا نوکە. ئـەو ژی چنکو کوردبون وئـێزدیبون. ئێزدی کوردن وەکی مە هەمی کوردان ل هەر چار کنارێت کوردستانێ، ئو چ کەس نەشێت وان ژرێز وشوپا کوردینیێ ب دەر ئێخیت وبێبارکەت. ئەڤە ژلایێ مێژویێ ڤە وهەر وەسا ژلایێ زمانی، زاراڤێ ئێزدی پێ دئاخڤن ودپەیڤن دبیت وچ خش وگومان تێدا نینە یێ پەتی ورەسەنە بەرامبەرێ شێوێت دی ل کوردستانێ. ئەڤ بەرزی وبلندی یا هاتیە بەر چاڤکرن ژلایێ زمانزاناڤە چنکی ڤی زاراڤی یێ خۆ راگرتی وپارستی حەتا رادەکا بلند ژوەرگرتنا پەیڤێت بیانی ل رەخ ودۆران وحەتا نهۆ یێ مای شێوەکێ پەتی وپاقژ ورەوان دئاخڤتنێدا، ئەڤە ژی ژبەر کێم تیکەل بونێ بوو دگەل مللەتێت دی. ئەو ژی ژبەر جوداییا ئایینێ ئێزدیان. زۆرهێرش یێت هاتینە کرن ل سەر وان، وئولا وان کەتبوو بەر تەپەسەرکرنێ حەتا نهو، ئەڤە ژی وێ دەلیڤێ نادەت کو ھێڕش ل سەر توخم و نەژادێ وان ژی بهێتە کرن. پەیڤا (ئێزدی) کوردیە ودمێژویێدا وەک خودێ ناس ھاتینە زانین وناسین، کەس نەشێت توخم ونەژادێ وان ژێببەت ب چ رەنگان. زانا ورەوشەنبیرێت ئێزدیا بخۆ ژی ڤی بابەتی ژخەلکێ دی پتر دزانن چنکی ب ئاخڤتنەکێ یان ب گۆتنەکێ نەژادێ ئیزدیا ناهێتە گوهورین وئێزدی ھەر کوردن یێ دژیاین ل سەر ڤی خاکێ کوردستانێ ودێ هەر مینن. بو نمونە لێکولینەرێ ئێزدی(خيري شنكالى) دانەرێ (قاموسا زمانێ کوردی) وەسا دیاردکەت ب تایبەت ل سەر زاراڤێ ئێزدیان کو دبیتە ئێک ژشێوێت کوردیێت کەڤن یێ ئێزدی پێ دئاخڤن ل هەمی دەڤەرێت کوردستانێ.
من ژلایێ خۆڤە ئەڤ فەرهەنگوک یا بەرهەڤکری ژوان (قولى ئيزيديا) ئانکو (سەبەق وئاخڤتن وقەسێت ئێزدیان) بەرامبەرێ زاراڤێ کورمانجی یێ بادینی. زۆربەی ڤان پەیڤان یێت دهاتن دناڤ وان فەرهەنگوکا ل دویماهیکا شروڤەکرنا ئەوان: شيرەت، بەیت، قەسیدە، سەبەق، دوعا، قەولان وەک: دوعايا هێڤارى، قەولێ سلاڤێت مەلکێ کەریم، قەولێ دەروێش حەبیب، قەولێ بێ و ئەلەف، قەولێ ئيمانێ، دوعایا بناڤێ خودێ، قەولێ مەرسوما بارى، قەول دوعايا مرازێ، بەيتا جندی، قەولێ پەدشای، قةولێ ئاخرەتێ، قەولێ دایک و بابا، دوعايا رؤژهلات، قەولێ سلاڤ ژسلاڤێت جەبێرا، قەولێ ئیمان ب خودێ راسمالێ مێرانە، دعەمرەكى دامه، دتەمەنەکی دامە، قەولێ چارشەمبووێ، دوعايا صەبرێ، قەولێ بەیگۆیا، دوعايا سفرێ (خوارنێ)، دوعايا ل سەر گيانێ مری هتد...
ئاگاهداری: من ئەڤ بابەتە یێ بەلاڤکری دمالپەرێ خۆدا دبن ناڤێ Bedera peyvokan
- قەولێت ئێزدیا – ل سالا - ٨-٨-٢٠١٩- دهوک - خرڤەکەر ودانەر ووەرگێران: ئەحمەد عەلی حەسەن
هەر وەسا ئەو فەرهەنگوک یێ هاتیە بەلاڤکرن ب شێوەی: PDF
https://sites.google.com/site/bederapeyvokan
بەلێ ل ڤی مالپەری من سەبەق ژی دانە دگەل دا کو سۆد پتر ژێ ب هێتە وەرگرتن.
ژێدەر: قولى ئێزیدیا - Izadi
https://iraq17.blogspot.com/2018/06/blog-post_3.html