قەولێ ئاخرەتێ
ب دةستوری خودێ
1- هنجيێ حكمكر ل زمانی
وەی بۆريه ل بەر دلۆڤانی
وەكی چل چلە ومجادا هلانی
2- هنجيێ حكم كر ل زمانێ خۆيە
بزانت ب وەزن دەنگ بكەيه
نەي حەوجی چل چلة ومجادەيه
3- ئەی زمانۆ يێ خەباته
خەبةرا خۆش نەباته
خەبەرا ناخۆش چی منفعەته
دێ دلێ مرۆڤی پێ كەی نارەحەته
4- ئەی زمانۆ يێ سۆتنێ
خەبەرەک وا هەی نايا گوتنێ
دێ بۆچی داهر کەی رووی دنێ؟
5- چاڤ بازيێ سەری
دل خوندكارە وێ لدەری
چاڤ دبينت ودل دخوازت
زمان دبێژت: من دەوری
زمانۆ خۆزی من تو كربايه كەر ب كەری
6- چاڤ بازيێ بلنده
دل خوندكارە وێ ل بندا
چاڤ دبينت ودل دخوازت
زمان دبێ بينه ومەنده
زمانۆ خۆزی من توو بری بايه ژبندا
7- زمان دبێژت دلۆ ئەز دەلالم
هەتا ژباته ناخولقت ونێته بالم
ئەز پەرچومەكی كەر ولالم
8- سبحانه ژته سبحانه
تە دامن ئاقل وفامه
تە ئەز ژرۆژهلات برم رۆژئاڤا
9- هەی نەفسێ يە بێ مەعريفةتێ يە بێ رێية
شةڤێت گران تە داوا ل غەدرێ يە
شةڤێت گران تە دايم داوا ل غەدرێ
زێده توو رونێ دمالێ دە
تە خەيال ل مە هەساكەی چرايێ ژپێتە
10- ته خەيال ل مە هساكەی چرێت گوری
گاڤا تەيرێ دەولەتێ فری
يار وبرايێت ئاخرەتێ ناسبونی ژمەبری
11- نەفسێ توو چەند دكەی گومانێ
توو خالی نابی ژغەدرێ ژدوخانێ
توو خەيالا خودانێ خۆ خلاس دكەی ژئيمانێ