قەولێ بەحرا
1- ڕۆژەکێ فکریم
داما بووم حەیریم
ل بەحرەکێ سەیریم
2-چى بەحرەكە كورە!
سبحانە ژمەلێ غەفووڕە
تەرەفێ ڤێ بەحرێ سەحتێ دوورە
3- چى بەحرەكا ساخە!
يەكورە بێ قياسە
ركنەكە وچار ئەساسە
4- چى بەحرەكە پانە
سبحانە ژمەلكێ رەحمانە
تەرەفێت ڤێ بەحرێ نە دخويانە
5- چى بەحرەكە مەزنە
قەنديلەكە نوورانى د ئيسێت ل بنە
چار جۆى ژێ دچنە
6- چى بەحرەكە كورە
سبحانە ژتە مەلكێ غەفورە
تەرەفێت ڤێ بەحرێ سەحت ل دوورە
7- چى بەحرەكە بێ حەدە
سبحانە ژتە مەلكێ سەمەده
مە ب خودێ خۆ مەدەدە
8- چى بەحرەكە عەميقە
پەدشا ل مە دكەتەت شەفيقە
ئەم ژ دوور ئينانە نێزيكە
ئەم ژ دوور ئينانە كناره
پێل دئێنە مە ب دژوارە
مە ب خودێ خۆ هاوارە
9- هاوارە خودێ خۆ مە
چەندى مەدەها ژێ ددەمە
پەدشێ من ئەوە يێ ل عەرشە ل سەما
10- پەدشێ من ل عەرشكر
نەقاشێ چەندی نەقش کر
دوو جندیيا قوبەك فەرشكر
11- دوو جندى يا دوڕەك دگێرا
هوون شەھدە بن ژخودێ ڕا
هەر زەربەک ناڤ هەزار زەربا هەبوو ڤێڕا
12- ئەز فكريم ل وێيە
دەرگەھەکە وسێ رێ یه
دوو درونشتی نە و ئێك دايم دچت و دئێ يه
13- ل با دلێ من بوو عەيانە
كورسيەكە ب شەش پێ يانه
فتيلەكە و چار چرانه
14- ھەر چار چرا وفتيلەک
دوو مەنبەر وقەنديلەک
هەفت دەرگەھ وکلیلەک
15- من ل وێ ديت بوو بازارەک
دناڤدا هەبوو يارەک
ل سەر سەکنی بوو سوارەک
16- ل سەر سەکنی مير
ئەوى خەولەكربون فەقير
وێ دكەن راي وھۆله
17- چى ميرەكى مەزنە
خودانێ يازدە هەزار قەوشەنە
تەلپێت گران ژبەر دهەڕەنە
18- ئەز فكريم ب نەره
ئێزى رونشتبوو ل مەنبەره
وێ دخونت ل چار دەفتەره
19- قازی ومەنبەرن
کتێب ودەفتەرن
تەژنەکە وچار بەشەرن
20- هەر چار بەشەر ب روحەکێ
هەردوو تایێ سیهەکێ
تە باکرنە وان ژدەرەکێ
21- هەر چار یارێ تەبانە
حەرفەک ل ناڤ وان یازدە حەرفانە
دوو رونشتینە ژ پێیانە
22- سەعدەتا ب دەن خەبەرە
وێ دبێژن قەولا و وێ دخونن دەفتەرا
بۆ خودانێت نەدەرا
23- سەعەتا ددەن حسێبێ
وێ دبێژن قەولا وێ دخونن کتێبێ
بۆ خودانێت عەجێبێ
24- قاتانیێ چەند مەعنە دگۆتن
دایکە وچار دۆتن
ئەو دباتندا دهاتنە گۆتن
25- باتن ومەعریفەتە
رونشنا وان موحەبەتە
ڤەخوارنا وان ژ کاسا موحەبەتە
26- خۆشیا ل وان زوکر
ب ماش وجەنبەقیا کر
لەو خاسا ل وێ قەبولکر
27- لەو خاسا ل وێ سوحبەتکر
ب کاس وموحەبەتکر
لەو خاسا ل وێ ژکاسا موحەبەتێ تامکر
28- گەلی برا هەتا هون ل وێنە
دەرهەقێ غافلا مە بێنە
ئەو ژی بەندەیێت خودێنە
29- مە بێژن دەرهەقێ غافلا
ب خۆف وترس وموحەبەت بن ژهەموو دلا
دا ل ڕۆژا ئاخرەتێ ببن خودانێت مراز حاسلا
30- علمێ خودێ بەحرە ژێ دچن جۆی وکانی
خاس خاسن چۆنە بەر نورا رەحمانی
غافل دکۆرە بوون رێیا خودێ نەدزانین
ل سەر هۆلێ سەکنینە دەروێش قاتانی
ئەم دکێمین وخودێ ئی تەمامە