چەند مامکێت کوردی
ئێک لنگ ل دەشتێ، دولنگ گەهشتێ، ئێخستە سەر پشتێ - گولیا گەنمی ودرینکەر
بازنێ ستیێ، کەفتە کانیێ، شەوقێ دا ئامێدیێ – هەیڤا دئاڤێدا
تەنیرا مەتێ، پەلەک کەتێ، کەس نە وێریا دەستێ خۆ ب کەتێ - تڤەنگە دەما دشەقیێت
تەیرەک هات ل کورسی، شاهێ عەجەم ژبەر ترسی، دبێژن ئەڤە چ تەیرە هویێ برسی - کولی
تەیرەک هات، نانەک پات، نە فترە ونەزەکات ونەشەکرە ونە نەبات - مێشا هنگڤینی
چاڤ رەشا ل دەشتێ، دو پێ گەهشتێ، ئێخستە سەر پشتێ - گەنم ودرینکەر
دارا ل ناڤ دارا، زەردکەت ژگوهارا – گوهشیکە ب دارێ ڤە
دارا ل ناڤ دارا، ژێ دهێت دەنگێ بریندارا - مێشا هنگڤینی
دچیتە مستێ، ناچیتە تەستێ - تیروکا نانی
سێنیا ساڤارا، ل سەرگوهێت دارا، بو جار وبارا - هنارە
کەرە نە کەرە، هەڤساری ل سەرە، تشۆ تشۆ ل دیف من وەرە - باگوردانە
گارەنەک هاتە گوندێ مە هرمە هرمە، ڤێ گارانێ گورمە گورمە، گولکا ژهەمیا بچیکتر یا حەفت چەرمە - بارێ پیڤازان
هێرڤە دارە، وێرڤە دارە، ل نیڤەکێ دا گورگێ هارە - مشارە
هەرمە هەرمە، گارانەک وا ل بەر مە، گولکێ دوماهیێ حەفت چەرمە – پیڤازە
٢٠٢٤ – ئەحمەد عەلی - دهوک