قەولێ سلاڤ ژسلاڤێت جەبێرا
ب ناڤێ ئێزدانێ پاك ودلۆڤان
1- سلاڤ ژسلاڤێت جەبێرا
ديندارا سلتان ئێزی ل مە با وخێڕە
خۆزی مە ئەو ديندار ديتبا تێره
2- خۆزی مە تێر ديتبا ئەو ديندارە
حزرەتا لێ دبوو مەلكێ جەبارە
خاسا ل بەر بەستبوو پەرى وچارە
3- خاسا ل بەر بەستبوو چارە وپەرى
خۆزى سلتان ئێزی بۆمە ڤەكربا ئەو دەرى
شوكرينا وێ حەرفێ ل مە ب مال وسەرى
4- ل وان دەرگەها ل وان قاپی يا
حزرەتا لێ دبوو مەلكێ مێرا
ئەو مرازا مە هەمى يا
5- مە هەمووا ئەو مرازە
خۆرى سلتان ئێزى بھاته
وێ ئاڤاكربا چەندى ولاته
6-وێ ئاڤاكربا چەندى دنێ
ب كليل ومفتێت باتنێ
چەندى موخلق پێ دبوون خنێ
7- وەعدە هاتيە دێ كفش بن بێراق ودارە
خودان ئيمان دێ بنە پاشا وخوندكارە
ئەوێ ڕۆژێ سلتان ئێزی دنيايە ب تەمامەتى ب دەستێ وان ڤە دسپارە
8- ديندارا سلتان ئێزی مناسبێ خاسانە
گوھێ خۆ مەدەنە پڕانە
قوماشێ خۆ نەفرۆشن ئەرزانە
9- قوماشێ خاسا يى ب حەقيقەتە
كێرا سلتان ئێزی كێرەكە ب تاقەتە
ناڤ ل خۆ دانا حەقيقەتە
10- ناڤ ل خۆ دانا حەقى يە
هنجى مێرێ ل وى كەنى يە
سلتان ئێزی مەلكێ بێری يە
11- برمە ديوانێ و حدڕەتێ
ئەو جيێ ئەدەب ومەعريفەتێ
سلتان ئێزى بخۆ وێ ل سوحبەتێ
12- سلتان ئێزی وێ ل وێ ديوانێ
شێشمسه وێ ل سەر كورسيكا بەرێ سكانێ
دا ژێ بدەين نيشانێ
13- سلتان ئێزی بخۆ پەدشايە
هەزار وئێک ناڤ ل خۆ دانايە
ناڤێ مەزن هەر خودايە
14- ناڤێ شرين سلتان ئێزيدە
وێ دەركەفتى قەلەمان ودەويتە
مڕۆڤێت عنكار گۆتن مەنەديتيە
15- مڕۆڤێت عنكار گۆتن مە نەديتيە
سلتان ئێزی، سورە مەلكێ بێرى يە
ل ناڤ خاسا ئى سۆڕ موخفى يە
16- ل ناڤ خاسا ئى موخفى سوڕە
ئەوى ژخۆ ئافراند بوو دوڕە
پەدشێ من نور بوو هەر ب رەنگێ خوڕە
17- چى نورەكە ل ناڤا ڕەنگە
دەنەكە وهزار رەنگە
بار تێ نينە خەلكێ خام وعنكار ولەنگە
18- ياخودێ تو خالقەكى منى هايى
بۆ هەموو دەردا تو دەوايى
بۆ هەموو موخلقا توو شيفايى
19- يا سلتان ئێزی شفاتاتا پڕە
برمە ناڤ ئەلماس ودورە
مە عێرفڕەک دڤێت ژئالماس ڤەدەت دوڕە
20- مە عێرفڕەک دڤێت دوڕان ژئالماس ڤەدەتە
كێرا سلتان ئێزی كێرەكە ب تاقەتە
ناڤ ل خۆ دانا حەقيقەتە
21- حەقيقەت يە بێ قياسا
برمە ناڤ دوڕان وئەلماسە
ديندارا سلتان ئێزی مناسبێ خاسا
22- ديندارا سلتان ئێزی مناسبێ خاسا
هنجى روحا ب ئەدەب وئەركانە
سلتان ئێزی بێ شک موحبێ وانە
23- سلتان ئێزی موحبێ وان بێ شكە
هنجى روحا بێ كەرب وكين و ركە
سلتان ئێزي مرازا وێ روحێ حاسل بكە
24- حەقيقەت يە بێ قياسە
ئەوان بێرى ديت ونەكرن ناسە
سلتان ئێزيێ من ڕێ ناسە
25- پەدشێ من ئێ ل دنێ
ب كليل ومفتێت باتنێ
ئەو جندى وێ چنە ديوانا وى كەن خوندنێ
26- هنجيێ دگەل وان جنديا هۆل رڤايە
سەرێ خۆ ل حەرفا سلتان ئێزى دايە
هۆل هۆلا سلتان ئێزيدە
سلتان ئێزى بخۆ پەدشايە
27- ئەڤ دنيايە ڤايە
ژبلى دەرەوا تێ نەمايە
راستى گەهشتە خودانێ خۆيە
28- راستى ژدنێ هلاتە
مرۆڤا ل سەر شەر وخەباتە
هنجي دگەرێم، دلێ من پێ نەى ڕەحەتە
29- ئەز دگەڕێم ل ڤان دەرا
دپرسم ژدەروێشا ژقەلەندەرا
گەلۆ دێ كەنكى بۆمە ئێت، ئاغێ مە ئێ فەرە؟
30- مە دل دكُولن، برين جۆتن
مەعنيێت كور نائێە گۆتن
غافلا ئەم ب لۆما سۆتن
31- غافلا ئەم سۆتن ب لۆما
عەزێزێ من تە ل مە دڕێژکر دۆما
لەو ژپشت مە ڕەڤى كۆمە
32- كۆم ژپشت مە ڕەڤى يا
پرس بكەن ژوان جندى يا
گەلۆ کەنگی دێ ئێت ئێزی یا؟
33- پەدشێ من ئێ فاخری
ئەڤە ھەزار وئێک سال بۆھرین
غافل ب مە دکفرین
34- كفرى بوون ژعنكێرا
بپرسن وان مێرا
گەلۆ کەنگی دێ ئێت جەبێرا؟
35- كفرى بوون ل مەييا
بپرسن ژوان جنديا
گەلۆ کەنگی دێ ئێت ئێزی یا؟
36- ئەڤ دنيايە جار علمە جار قوڕنەتە
پەدشێ من، بۆ مە نازل كرن
علم و بەرات ومشوور وخەتە
ئێزي مە بەرنادەتە
ئە دكێمين وخودێ يي تەمامە