دوعایا بناڤێ خودێ
ل دەستپێکێ دڤێت بێژین هندەک قەولبێژ دبێژنە ڤێ دوعایێ دوعایا خودێ و خودانێ مالێ! بەلێ هەر مەرەم ژێ خودێ یە.
ئەڤ دوعا ل هەمو جها و هەموو دەما تو دکاری بێژی و بخۆ بانگ بکەیە خودێ ودهێتە ناسین دوعایا خودێ چنکو بانگ کرنە بۆ خودێ مەزن! تو دکاری ڤێ دوعایێ بێژی دەمێ تو ئی خەمگین چنکو ئەڤ دوعا دلێ مرۆڤێ ئارام و هێنک دکەت و بێهنا مرۆڤی فڕەھ دکەت! وهەر وەسا گەلەک قەول ودوعایێن دی ژی هەنە هۆسا دلێ مرۆڤێ خۆش دکەن ب تایبەت ئەوێن پەسن و مەدحا خودێ مەزن و دلۆڤان دکەن.
دوعایا بۆ خودێ
1- یاخودێ تو ل مە بکەی سەرەدانێ
ئەم ژ تە دخوازین تفاقێ و مەعریفەتێ و ئیمانێ
مە هیڤی ژتە هەیە تو هیڤیا مە بینیە جی
2- ئەم دراوەستیاینە ل بەر تە یاخودێ
تو د دلێ مە بکەی سیقالێ
توو ژپێشیا مە هلینی کەربێ وکینی
تو بینیە پێشیا مە خۆفێ وسەبرێ وئیمانێ
توی خودانێ سەبرێ وسکانێ
3- یاخودێ تو ئی لایقی مەدەها
ئەم راوەستیان ل بەر چاردە دەرگەها
ئەمێ مرازا خۆ ژتە دخوازن یا خودانێ سەبرێ ومرازا
4- یاخودێ تو خودانێ قوبا نوریینە
کورسیا تە سەربانێ عەرشێ عەزیمە
ل بەر دئیسێت شەمالێ نوریینە
یا خودێ مە هیڤی ژتە هەیە تو هیڤیا مە ب جی بینی
یاخودێ ئەم هەردەم "دیم ژ تە و سور و کەرەما ب هیڤینە
یاخودێ تو کارێ باش بدەی مە و کارێ خراب ژپێشیا مە هلینە ودوربکە
5- یا خودێ گونەهکارا تو ناس نەکری
و خۆ ژرێیا تە دورکرن
ئەوان دەرێ قەدا وبەلایا ل خۆ ڤەکرن
زەبێنیا ل ڕۆژا ئاخرەتێ ئەو ل گەلیێت بلند وەرکرن
6- یاخودێ ترسێ وموحەبەتێ ورەحمێ د ولێ مە بکە
مە هیڤی ژتە هەیە مۆم وچرا ل بەر مە ڤەکە
یا خودێ تە ئەم ژدوانزدە هەزار بەلایا دورکرین
7- یاخودێ ژباهەشتا میرە
لێ دئێورین جۆقەتێت فەقیرە
رێیا تە راستی یە وئەم ل پێ تە دچنە
8- یا خودێ ناڤەک ژیێت تە مەلکێ بێری یە
هنجیێ رێیا هەقیێ"رێیا تە ناسییە
مرازا وی یە حاسلە
9- ئەڤە یە دوعا خودێ خودانێ سەبرێ
مالا هەقیێ دیم ئەم دخوازن هیڤیا
یاخودێ ئەم دلخۆشن ب وێ خۆشیێ وشاهیێ
10- خودێ خویەتی ل مە کر
مەلکا دلێ مۆمنا خۆشکر
دلێ بێگۆیا وکار خراب ودل خراب وعنکارا نەخۆش بو
11- یا خودێ توو خودانێ جارا
هنجیێ ل رێییا تە دوژمنە
ل رۆژا ئاخرەتێ بارێ وی ئاسنە وجزایێ وی سۆتنە
12- یا خودێ هنجیێ ل رێیا تە نەی گوهدارە
دێ وان ل ڕۆژا ئاخرەتێ هاڤێژنە دۆژ ودەڤێت مارە
ل رۆژا حسابێ ئی بێ جییە ئی بێ وارە
13- یاخودێ تو خودای مە ب تە ئیمان و بەهورە
ژ مەرا سەکنین ل مەهدەرە
مەلەک وێ ل سەر مەنبەرە
یا خودێ تو خودایێ مەی تە ژمەرا ئانی تۆکە
یاخودێ تو توو ژدلێ مە دەرخە کول و کۆڤان وکەسەرە و ل مە ببە مەفەرە