دوعايا مرازێ
1- پەدشا ل ناڤ دورێ دلخوازه
نورا وی ب هەزار و ئێك ليباسه
ناڤەك ژێ خودێ يێ مرازه
2- پەدشايێ من مراز سەوراند
ملياكەت ژ نورا ئافراند
قوبا فەلةكێ پێ خەملاند
3- قوبا فةلەكێ نورينه
لەنگەرێ وێ ل بةحرێت كورينه
سەرێ وێ ل عەرشێ عەزمينه
4- ملياكەت دراوەستيانه ل دةرگةهێ مرازێ
ب شةڤ ورۆژێ وێ دخوازنێ
هەتا گەهشتنا وێ حزرەتێ وێ مرازێ
5- ملياكەت نۆت هەزار سالی سەكنين ل خلمەتێ
پەدشا رونشتی ل وێ حزورێ، وێ سەعدەتێ
مراز حاسل بوو ل حەقيقەتێ
ئەو چاوشێ سەعدەتێ
6- پةدشا مراز حاسله
هون ب خۆف و ترس بن ژهةموو دله
دا ل ئاخرةتێ ببن خودان مراز حاسله
7- پەدشايی ب راستیێ مراز چێكر
ناڤێ خۆ ئێ شرين لێكر
مەلەكا ژئەو پاش سجودە ل پێ کر
8- ژپەدشێ خۆ ددەن مەدەها
مەلەك راوەستان ل پێش دەرگەهە
مرازا خۆ دخوازن ژستێركا بەرێ سبەهە
9- ستێركا بەرێ سبێ داهربوو
بۆر ل عەبادەتێ سوار بوو
سەد خوزيا ب وی مێری ل هەر هەقيێ راوەستابوو
10- سەد خوزيا ب وی مێری ل بەر حەقيا خۆڤە راوەستابوو
عاشق ومەعشوق رای وێ ل دەسته
مە مرازا خۆ ژ وان دخوەسته
وان مرازا مه و خۆ ژحەقيێ دخواسته
11- مرازا، مراز ژديوانا حةقيێ
ئەم مابوون ل هيڤيێ
مةلةك راوەستان ل پێشيێ
ب وێ مرازێ، ژ ئەو پاش گةهشتن وێ خۆشيێ