قەولێ دایک وبابا
ب دەستوری خودێ
1- فروارەک هاتیە ژئەزمانا
رێ ورسم وحەد وسەد بۆ مە دانا
ئێک ژوان وەسفەتا دایک وبابا نە
2- فەروار هاتیە ژبا مەلەکێ جەلیلا
ل هەموو دەما وهەموو بەدیلا
بەری خاسان وچاک وقەندەرا
3- فەروار هاتیە ژبا ئێزیێ منی سورە
ل ئەمرێ وی دایە مؤرا
ل ئەمرێ وی بوەستە وژئ نەبوورە
4- هزرا خۆ بکە ل ڤێ دنێ
ل ئەمرێ پەدشاێ بتنێ
ئەۆی ئادەم کرە باب وهەوا کرە دێ ل ڤێ دنێ
5- بێژمە وە نەکن ژبیر
خەلکێ عێرفێ زانا یێ ژیر
بێ دایک وبابا مەکەن تەکبیر
6- ل سەر مە دانایە هەقە
دگەل نەکەن ئاخفتنا رەقە
دا سەر وزمان ل مە نەبنە شەقە
7- یێ دڵێ وان بهشتە(بهێله)
دڵێ تەریقەتا خۆ ژخۆ دهشتە
ل ئاخرەتێ نە پالە ونە پشته
8- هەقە ل وان بکن سلاڤا
زیارەتی بن دەستان وچاڤا
هەرو سبا وهەموو گاڤا
9- شکەستی یە دەستێ ل سەر ڕابێ
ل دنێ و ئاخرەتێ تەنا نابێ
دێ ل دوژئ یە ڕابێ
10- پسێ سەفیل یی روو رەشە
شەمرەکی شاشە وبێ هەشە
یێ ل پێ دایک وبابا نە مەشە
11- نەهە مەها تو خودان کری
ژئاڤ وئاگری دوور کری
خەوێت شەڤا بۆتە ل خۆ حەرام کری
12- باب ل عەردا هوستایە
مال بوی راوە ستایە
تاعەتا وی ژتاعەتا خودایە
13- چل چلەی ب رۆژی بی
چلێت دی ب مجادە ونڤئژ ل پێ بی
فایدە ناکەت هەکە نە ل تاعەتا دێ وبابێ بی
14- هەکە دڵێ دایێ خۆش نەکەی
ودڵێ بابێ شاهه نەکەی
فایدە ناکەت سەد سالی عەبادەتێ بکەی
15- نە بێژە دایێ تو یا پیری
وهزرەکا بێ بیری
بوێ نەبت ناچیە پیش دیندارا میری
16- نە بێژە بابێ پیرە مێرەکی كالە
زەگونەکی بێ حالە
دا شەرمە زار نەبی ل دیوانا خۆداێ عەرد وعزمانا
17- گاڤا نەساغ دبن
بێ پێ و دەست هلات دبن
یا فرە هنگێ دخزمە تکابن
18- ب دەستی بگرە وبگێرە
ل لالشا نورانی ڤەشێرە
رەحمەکێ پێرا بنێرە
19- پێرا بدە خێرە
دوعایە کێ بگە ژمەلەکێ جەبێرە
واجبێ وان بگەن دگەل مەلەکان ومێرە
ئەم دکێمن و خودێ یی تەما مە(الكمال للله والنقص فينا)