دوعايا صەبرێ
قەولێ، دوعايا صەبرێ
1- خودانێ صەبرێ صەبر چێكر
ناڤێ خۆ ئێ شرين لێكر
ئەركانا مەعريفەتێ ڤێرا چێكر
2- خوداى صەبر كر سكانه
مەلەک ژنورا هاتنه خواره
ب وان ئاڤاكربووعەرد وعەزمانه
3- صەبر دەليله
نازل بوو ژقەنديله
دانين سەر پەردا فەقيرا
4- ئەوان ب صەبرێ خوه ناسى
ئێزى ب وێ صەبرێ داهربوو ب هەزار وئێك ليباسى
ل بەحرا گەريا بوو ب رەنگێ ماسى
5- صەبر رەحمانه
ل باهەشتێ مەلەكا گرتبوو جڤات وديوانه
صەبر كر دەليلێ رێيانه
6- صەبر سكانا عەولى يه
هنجيێ صەبر ناسييه
ئەوى خودێ خۆ ناسييه
7- صەبر ئەركەكى چێيه
هنجيێ مەعريفەت وئەركان دڤێيه
ئەو صەبر سلامەتيا رێيه
8- ب وێ صەبرێ دەروێشا مال ومەزەل تەرک كرن
ب شەڤ ورۆژ عەبادەت كرن
پەدشێ من سەردانێ خێرێ ل وان كرن
ئەو دەروێش ژئاگرێ دۆژێ عەفوكرن
9- صەبر خەلاتەكى پەدشايه
ژبا خوه كرى پەيدا
ب وێ صەبرێ ل بەر وان خاسايه
گورى بوون(هلبوون) موم وچرايه
10- ئەو صەبر دا گاى و ماسييه
ب وێ صەبرێ خودايێ خوه ناسي يه
چارده تەبەقه ل سەر ملێ وييه
11- ب وێ صەبرێ هەيڤ ورۆژ ل ئاسمانا دانين
پەردا وان ل كانيا سپى وسحانێ هلانين
12- خودێ ب وێ صەبرێ عەرد وعەزمان خەملاندن
هۆريا ل قوبا فەلەكێ هلهلاندن
خودێ چار دو...ئافراندن
13- پەدشاى ب صەبرێ باهەشت چێكر
مەلەكا هۆستاى پێکر
دلێ كارچاكا خوەش بوو
دلێ خرابا بەر ب ژێر كر
14- هۆري ومەلەک ب وێ صەبرێ گەهشتنه ئيمانێ
هاتن خوەديێ صەب وسكانێ
ب وێ صەبرێ گەهشتنه وێ هزرەتێ وێ ديوانێ
وێ كەيفێ وێ سەيرانێ
15- ئەركانەک ژصەبرێ راستي
پەدشايی ژبا خوه بيراستي
ئەو صةبر بوو چرا ل پێشيا وان ڤەگوهاستي
16- ئەركانەک ژصەبرێ ناسيينه
هنجيێ رێيا خودێ گرت ب ئێقينه
ئەو رێيا مێر ومەلەكا ب هەق دبينه
17- ئەركانرک ژصەبرێ حەييا يه
پەدشاى ژبا خوه كربوو پەيدايه
ئەو جڤات ب ناڤێ خودێ يە ئاڤايه
18- صەبر خۆش حەساره
مۆركرنا وێ ژئاڤا كانيا سپى يه
ب وێ صەبرێ هەر هەفت ملياكەت بون پيره