قەولێ چارشەمبووێ
ب دەستوورێ خودێ
1- چارشەمبوو رۆژەکە فادلە
مەللک فەخرەدین ئافراند بوو ژدلە
ناس نەدکر ڕوحێت چوغافلە
2- چارشەمبوو ڕۆژەکە ب حسابە
ژبا مەلەکا هاتییە ئەڤ جەوابە
دەریێت خێرا دفەکرینە ژرۆژهەلات هەتا ب رۆژ ئاڤا
3- چارشمبو برە كراسه
وبۆمه دانابوو ئاساسه
نابيت خۆ ژلبسێ ئيمانێ بكەی خلاسە
4- چارشەمبو ڕۆژەكە خاسە
ومێرێ هەرسێ روکنا ژئیمانێ بكەت ئاساسه
تاوسی مەلک دێ وی دۆژێ كەت خلاسه
5- ل چارشەمبووێ خۆش كری ژیانە
كەسک كرى چيا وزەڤی وزۆزانه
هەموو ب كەرەمەتا پەدشێ منی یەزدانه
6- چارشەمبوو ژمەڕا گەلەكە
چەندی سعود هەينه وفەلكە
حەموو ب دەستێ طاوسی مەلكه
7- دەمێ جارشەمبوو دهێت ژسبێ دە
مێرێی عەبادەتێ بكەت ب تاقەت وزێده
تاوسی مەلەک دێ لێ بيە فێده
8- دەمێ جارشەمبووێ ڕۆژ هلتێته
مێرێ زوو رابت ژخەوا بەرێ سبێ يە
مەدح وسەنا بدەت بۆ ناڤێ خودێ يە
دوعایا تاوسي ملک یە لێ یە
9- تاوسی مەلەك يی رێبەری سەروەره
ئەو مەلكێ ژهەر وهەره
ئەو دزانت ئەف دنيايە چەند قەندەره
ئاخ وئاف وبای وئاگرە
10- تاوسی مەلک مەلکێ ئاخرەتێ ودنيايێ
توو بدەيه خاترا جارشمبوێت دوازده مەهايێ
تو مە شەبەقێ راكەی دا ئەم بەكەن عەبادەتێ ودوعايێ
11-عەبادەت یا فەرە
ل چارشەمبوێ مەكەن چوو زيان وزەرەره
دا جەهوەری بدەن ل ديوان ومەهدەرا
12- ل مەهدەرا دەنگ بكەن
وچارشەمبووا سەرێ نيسانێ ب رەنگ بكەن
وكارێ خۆ سافی بكەن
13- ل چارشەمبوێ كار خۆش تێ
ژخێرێ ژخلمەتێ ژعەبادەتێ
سەد خۆزيا ب وی مێری ب جەبينت ڤێ شيرەتێ
14-هاتی چارشەمبووا سۆرا
نيسان خەملاند ب خۆره
ژباتن دا يە ب مۆره
15-هات چارشەمبوا سۆر وزەرە
بەهار خەملاند ژكەسك وسپی و سۆر وزەره
مە پێ خەملاندی ئەف سەرەدەرە
16 ـ سەرەدەرا ب خەملینە
هەکە پرسیار بکەی ژبەر چینە
ئەڤنە خەلاتێت تاوسی مەلەکینە
17ـ دبێژمە وە گەلی مۆمنە
هیڤیا چارشەمبوێ زۆر هیڤیە
سەد خۆزیا ب وی مێری روکنا بینتە جییە
18 دبێژمە وە گەلی خەلکێ ئیمانێ
ل شەڤا چارشەمبوێ نەفسێ نەبەنە شەهوەتێ
ژبۆ خاترا تاوسی مەلەک وئاخرەتێ
19ـ هەکە هوون دگرن خاترا تاوسی مەلەک وئاخرەتێ
ل چارشەمبووێ نەکەن وێ غەلەتێ
دا وە ببەنە باغێ بەهشتێ
20 ـ دبێژمە ژحەقیقەتێ
هوون سست نەبن ژخێرێ ژخلمەتێ ژعەبادەتێ
دێ تاوسی مەلەک دەتە وە قەوەتێ
21 قەوەت یە ب ئیمانە
ئیمان یە ب نیشانە
تۆک ومەفتول وسمبێل و گیرڤانە
ئەڤە دفەرن بۆ مێرانە
22ـ هنجیێ خۆ ب ئیمانێ ناسکر
و ل چارشەمبووا نیسانێ داخوازکر
تاوسی مەلەک ئەو روحە خەلاتکر
23ـ هات چارشەمووا عەولی
دور ب رەنگا خەملی
وئەڤ دنیاییە پێ کەملی
24 ـ هات چارشەمبووا فاخری
تاوسی مەلەک ئەڤ دنیایە ب پیرانی کری
کرە رکنەک ژ یێت عەولی
25 ـ تاوسی مەلەک ئەڤ دنیایە ب پیرانی کر
وکارێ ب پیرانی قەبولکر
وکارێ بێ پیرانی قەبول نەکر
26ـ هات قەرە چارشەمبووا قەرە
هنجیێ عەبادەتێ بکەت ب فەرە
تاوسی مەلەک ژێڕا مەفەرە
27 چارشەمبوو ڕۆژەکا ئەمینە
عەزیز تاوسی مەلەک یی ناڤ شرینە
ل دنێ ژمەڕا بوو ئیمان و ل ئاخرەتێ ژمەڕا بوویە مەفەرە
28ـ یا تاوسی مەلەک توو مەلکێ هەر وهەری
توو بدەیە خاترا عەرد وعەزمان وبەری
توو مە نەکەیە تەنگاڤیا توو زوو ل بانگیا مە وەری
29ـ توو زوو ل بانگیا مە بێی
ل چارشەمبووا نیسانێ
توو مەلکێ مەلکی توو دکاری عنکارا بینیە سەر ڕێیا ئیمانێ
30ـ عنکار دشکدارن
دغافل دگونەهکارن
ل ڕۆژا ئاخرەتێ دبێ زارن جهێ وان دۆژەهن
31ـ عنکار چەندی بعنکرت
غافل چەندی بگونەهت
ئەو بخۆ بتر جۆرێ وعەزابێ دکترینت
32ـ چارشەمبوو ڕۆژەکە پاکە
هنجی مێرێ فاریقە بت ژماکە
خودێ هەر دێ وی وەفا کە
33ـ هەکە تە دڤێت ژسەر خۆ راکەی جۆرە
ل چارشەمبوئ خێرەکێ بکە ل دۆرە
تاوسی مەلەک یی غەفورە ئەو نوور ل سەر نوورە
34ـ چارشەمبوو ڕۆژەکا خویانە
دبێژمە وە گەلی مێردارانە، ئێزدیانە
تاوسی مەلەک ژوەرە شەهد وئیمانە
ئەم دکێمین وخودێ یی تەمامە