قەولێ دەروێش حەبیب
1- یا دەروێش! سەڕا ژخۆ مە هلین
بۆرێ لەنگ بەتلین
چەندی ل حزرەتا سلتان ئێزی وەسلین
2- چەندی وەسلین ل حزرەتێ
خاس نەترسین ژهەیبەتێ
ملکێ خاسا باغێ بەهەشتێ
3- ل بەهەشتێ ئەزی ماشخۆرم
ب هەیمەتا تە دەنگ دكرم
پشتی یارێ خۆ ئەزی هۆگرم
4- هۆگر بلا بێنە مەیدانێ
بینن خودانێ سەبرێ وسکانێ
نەفسێ کەبیر ب گران پاڤێنە زێندانێ
5- بفکرن ل وان رازا
کفش بکن پسێت پڵنگا ژپسێت بازا
چاویش مەزن ل مەیدانا مەلەکا دەنگ دکە! دکن هۆل و گازە ـ گازی
6- یا ئێزی! ئەز ل با تە بهنەرم
ب هەیبەتێ دەنگ دەیین دکرم
پشتی یارێ خۆ، ئەزی هۆگرم
7- هۆگرم، هۆگرینم
ئەزی شاهیمە، دەنگێ خۆ هلتینم
ئەز هاتم دیندارا ئێزی ببینم
8- ئەز هاتم ببینم وێ دیندارێ
ئەز کولیلکەکا شین بوومە ل ڤێ بەهارێ
هاتم دگەل خاس ومەلەکا بکەم بازارێ
9- ئەز هاتم بکەم بازارا میرا
چاڤ نەدەن خرابیا ودەرەوا وگۆنەها
وەعدە هاتیە دێ داهربت ئاغێ فەقیرا
10- وەعدە هاتیە دێ داهربت مەلکێ مێرە
هون خەبیر بن ژمەعنیان وکێرە
دەستێ ئێزی کۆتەکە ل سەر شەران وخێرە
11- ئەز دەروێشەکی ب رێمە
غەواسێ بەحرێ مە
موشتاق ومشتەریێ ئێزی ورێمە
12- دەروێشەکی گەداییمە
ب خۆ شاهیمە
ئەز ئیرۆ سباکێ ل دیوانا پەدشایيمە
13- دەروێشەکی باب حالم
خۆش سوکم، خۆش سوالم
خۆش وەرگێرم خۆش دەلالم
14- دەروێشەکی وەهامە
خەلەفەکی نوو دامە
مێرا، مەلەکا ب رەنگا دامە
15- مێرا، مەلەکا وێ دبێنە
ل پێشیا مە دانابوو ئاگر ودۆژ وپێتە
ئیرۆ سبێ قسمەتێ خۆ پەدشێ خۆ دڤێمە
16- چی دۆژەکە تەنگە
تژی ئاگر وتژی بەرەنگە (پڵنگە)
جیێ خەلکێ خامێ بەردونەکی لەنگە
17- چی دۆژەکە غەدارە
تژی ئاگر وتژی پەرنگە
جیێ خەلکێ خامی بەردوونەکی لەنگی عنکارە
18- ڕۆژا حەرفا دەروێش حەبیب دەهری
مۆمن دل پێ کەتری
حەقێ ب دەستێ ئێزی، حەقێ وی بەتلی
19- مۆمن پێ شابوو
دلێ من گۆته ته، وێ جەوابێ ژعەوله
حەقێ ژدەستێ سلتان ئێزی، نه حەقێ وی بەتله
20- گەلی برا بخەبتن، نابنه وێ کول دگێژێیە
توو ژی ئیرۆ سبەیکێ قسمەتێ خۆ ژپەدشێ خۆ دڤێیه
21- رێیا سلتان ئێزی یه ئەمینە ونەیە ب نهینه
هنجیێ راستا خەرقێ سلتان ئێزی و خەرقه هلگرا ئی ب کەرب ئی ب کینه
نیڤا وی و سلتان هەفتی هەزار چیایێ بەفرینه، وهەفتی هەزار تخوبی زەمینه
22- رێیا سلتان ئێزی یه راسته ونەیه خواره
هنجیێ ب خەرقێ سلتان ئێزی ئی ب کەرب ئی کین ئی ب قەحره
نیڤا وی وسلتان هەفتی هەزار هەزار دیواری بەره
23- رێیا ئێزی سلتان یه مەزنه ونەیه بچوکه
هنجیێ دلێ خۆ بۆ سلتان ئێزی و خەرقه هلگرا نەکە سوکه
ل رۆژا ئاخرەتێ ئەو دبته بوک و نه دبته زافا، نەی باهشتیه
24- دلێ من ب ڤێ يەكێ ئى موحتاج بوو
سلتان ئێزي دلق و تانج ل بەر دلێ من وە بوو
دلق وتانج لبسي خالقێ من بوو
25- وێ دبێژنە مه ژ ژوره
هنجیێ گیرڤانێ حەقیێ ل بەره
حسابەکه زۆر ل سەره
ئەم دکێمین و خودێ ئی تەمامه