قەولێ ئیمان ب خودێ راسمالێ مێرانە
پێشگۆتن
هەر وەکی ژ ناڤی قەولی دهێتە ڕۆن و ئەشکرا و خویاکرن " دیارکرن ئیمان تشتەکی گەلەک گەلەک گرنگ و گران بەهایە د ئێزدیاتیێ دا و سەرێ هەموو تشتی یە و بەری هەموو تشتی یە و ژێدەرێ ژیانێ یە بۆ مێری " کەسێ ئێزدی و کەسێ ئێزدی دڤێت ئیمانا خۆ ب چەندی زێر و مالی ونیایێ نەدەت.
و ئەڤە ژی قەولێ (ئیمان ب خودێ راسمالێ مێرانە)
ب دەستوری خودێ
1ـ ئیمان ب خودێ راسمالێ مێرانە
وحەموو تشت بێ خودێ ئی بەتالە
خودێیو مە ب تە ئیمانە
2ـ بدەی هەزار دەستێت شیلانێ
هەزار حدودی عەسیل ژمەیدانێ
وحەموێ بکێشیە بەر دەرێ دیوانێ
بۆ مێری فایدە ناکەت غێر سەر ل ئیمانێ
3ـ بدەی هەزار میهێت زەری
هەزار حدودی ژبەری
حەمووێ بکێشیە بەر دەری
بۆ مێری فایدە ناکەت غێر ئیمان ل سەری
4ـ زۆر کەفتنە بەحرا تاڕی
ئەو دمژولن ب وی مەراری
و ئەو ژ ڤێ دنێ چۆن بەلێ بخۆ فەرزەکە هەقیێ نەبژاری
5ـ ئەو مەرارە ئی بخونە
گەلی برا ژێک مەگرن کەرب وکینە
ئەف فێنیە فێنیەکا دەرەوینە
6ـ سەرا وی مەراری ژێک مەگرن صاری
ئەف دنیایە یە خۆشە
ب خۆشی وموحەبەت وبراتی و یاری
7ـ هون ل ڤێ دنێ نەبن طەما
زێر و مالێ دنێ نەکەن کۆما
ئەڤ دنیایە بۆ کەسی نەما
8ـ دبێژمە وە گەلی ئێزدیا
هوون دەستا بەرنەدەن ژ تاوسی مەلک
هیڤیا وی زۆر هیڤیە
9ـ دەستا ژڕێ بەرنەدەن
ئیمانا خۆب تاوسی مەلەک قەوی بکەن
قوبلەت بدور ژخورە قوبلەت کەت
10ـ قوبلەتا مێرێ ئێزدی قوبلەت بدورە"ڕۆژە
مێر هاتن مەدهە ومەدح ژێ دانە
ئەو مەکانێ پەوشێ من ئێزی بخۆیە
11ـ هەی کۆرۆ ئی چاڤ سپی یە
تە های ژمەعنیا خەرقەی نینە
چما توو دبێژی خەرقە چەنگلەک زەرگوز و ڵەپەک هرییە؟
12ـ هەی کۆرۆ ئی کۆرە
توو نزانی زەرگوز مۆرە
و دەرەجا خەرقەی دەرەجەکا ل ژۆرە
ئەو لبسێ ئێزیێ منێ سۆرە
13ـ هەکە کەسەکی کار باش ومؤمن ببینی رێزێ لێ بگرە
هەکە عەردەکی ببینی عەشارەت بکە
هەکە پەرزدگەهەکێ یان پیرۆزیەکێ ببینی لێ زیارت بکە
14ـ سەدقا مە خۆش سکانە
ڕێیا مە خۆش ئەرکانە
مەعریفەتا مە خۆش نیشانە
15ـ سەد خۆزیە ب وی مێری
ئێ پەدشای خوندیە دەری
ئافرانەکی بخۆ ل ئاشێ موحەبەتێ بهێری
16ـ ئەو بوو ئاشێ موحەبەتێ
بەرێ وی ژحەقیقەتێ
ئاڤا وی یە ژمەعریفەتێ
17ـ ئەو بوو ئاشێ هۆستا جەبار
تێ هەینە خەلکێ ئەهل یل قریار
ئەو چوو جارا گەهێ نادەنە مرۆڤێ خوار وکار خراب
18ـ مەعنیا وی ئاشی یە مەزنە
قەراشێ وی مؤمنە
مێر"مؤمن دبێژت چی گاڤا بچم گەها منە