هندەک شيرەت
هندەک شيرەتێن رێيا ئێزدياتی
(بعض نصائح الايزدياتي)
مەسحابەت: سەبەقەنە ژ قەولاێن جیاواز هاتینە هەلبژاردن وەک شیرەتێن جڤاکی و ل کۆچک وجڤاتا دهێنە گۆتن و ل ڕۆژێن تازیا ژی ئانکۆ دەمێ ئێک دچتە بەر دلۆفانیا خودێ قەولبێژ دهێت وبۆ کەسێن ل دیوانی دبێژن وەک شیرەتێن جڤاکی.
هندەک شيرەتێن رێيا ئێزی
١- گەلى برا تەباى ڕێ بن
خودانێ علمێ حەقيق بن
دا هوون ب خودي را ڕەفيق بن
٢- هنجيێ خۆف و رەحم وموحەبەتا خودێ وی ل بال بێ
سوڕا مير كناربى
هەر دێ ب ميرراهەڤال بێ
٣- هون ھەڤالێت ميربن
دحەليم بن، د دلگيربن
ب نەفسێ ڕا ئێقسير بن .
٤- دا هون ب خاس و مەلەكارا بهەف سوربن
دا خودانێ علمێ پر بن
دا ل دیوانێت باتنێ هوون ب رومەت بن
٥- هنجیێ تاوسی مەلەک بخۆ کری ئیمانە٠
و ئی ب ئەدەب و ئەرکانە٠
دایم مەرکەبا وی ل بەحرێت گران یە مەڵەڤانە٠
٦- مێرێ ئێزدی نەبتە عاشقێ کارێت خراب ٠
و نەبتە هەڤالێ کار خرابا٠
ئەوی خۆلی ب سەرێ خۆ وەرکری ب هەردوو دەستان
٧- هوون دلێ خۆ ب سیقال کەن
سوڕا میر کنار کەن
ژ ئەو پاش قەستی بال کەن
٨- دلێ خۆ ب سیقال کەن
سورا میر د خەیال کەن
هەردەم قەستا بال بکەن
٩- ل بۆرێ حور سوار بن
ل قەولا گوهداربن
ب هەموو موخلقا ڕا یاربن
١٠- نە ب حیلە بن نە ب موکر
دحور بن دبوکر
د روسپی بن ب ناڤ و دکر
١١- پەدشا ئێکی عادلە
ژ هەموو ئالیاڤە ئی کاملە
ئەوە مرازە هەموو دلا
١٢- پەدشا خودایە
دیندارا وی ل مە خێر و شاییە
جیێ وی ل هەموو دلایە
١٢- پەدشا ئێکی هەر وهەرە
کینا کەسی نەیە ل بەرە
هەر و هەر رەحم ل بەرە
١٣- پەدشا خودایە روحا دبە و دئینە
سەبر و ئارامیێ د دلا دا دچینە
دکەتە مو ونابزدینە
١٤- مە ئێک دڤێت ئی خودان ئیمان بێ
ل عەبادەتێ ئی فەربێ
نە پڕ گۆتنەکی دوو خەبەر بێ
١٥- بلا هوون ل خەبەرا نە دجاسوس بن
ل دیوانا نە د وەک" مینا کابوس بن
دا ل ێاخرەتێ نە ئی دبێ عزت بن
١٧- نە یە زۆرە " نەیە زارە
توو ژ بلندیا وەرە خوارە
راستی رێیا ئەزدانە
چیایی پێ گرتی مەکانە
١٨- هنجی دلێ رەحم و موحەبەتا خودێ تێ هەيە
ئەو ئى بەهەشتێ نە
هنجی دلێ رەحم و موحەبەتا خودێ تێ نینە
ئەو نە ژ خەلکێ بەهەشتێ نە
١٩- هنجی جوانێ ل رێیە
وهەموو کار و کریارێت وی چێیە
ئەو دایم خۆشتڤیێ خودێ یە
٢٠- هەکە توو کەسەکی ببینی
خێرەکێ ڤێرا بگەینی
نەبێژێ توو باوەریێ ب چی دئینی
٢١- ئەز نەبینم مێرێ ب تنێ
بکەت دامان پیسیێ
نەبینم مێرێ دەستی راکەت سەر ژنێ
٢٢- هات مەرسوما یەزدانی
ئێ راستی بگرە وبزانی
ژویرە رەحما خودای
٢٣- ژوان نەبن مشەمەر مەبدەیا
رێ ب راستیێ دبت خویا
بۆ وە یە فەرە ئەدەب وئاقل وحەیا