بەيتا جندی
1- جنديۆ رابه رۆژه
بەس ڤێ خەوێ هندۆژه
خەوا بەرێ سبێ زۆر عەزاب ودۆژه
2- جنديۆ رابه رابه
بەس ڤێ خەوێ توو شابه
خەوا بەرێ سبێ زۆر عەزابه
3- جنديۆ رابه ژ خەوێت شرينه
بەس گۆرێ تەنگ ببينه
فەقير دبێ كەربن دبێ كينه
4- رابه ژخةوێت تاريه
خەو حەرام دبوو ل جنديا
وێ ل خودانێت ماشان وجەنبةقيه
5- رابه ژخەوێت سبەها
خەو حەرام دبوو ل مەدەها
وێ ل خودانێت خەرقەها
6- رابه ژ خەوێت هنگۆرا
خەو حەرام دبوو ل زۆرا
وێ ل خودانێت خەرقێت ب مۆره
6- رابه ژخەوێت هێڤارا
خەو حەرام دبوو ل مێردارا
وێ ل خودانێت كەونان وكارا
7- رابه ژخەوێت مەرخونه
خەو حەرام دبوو ل زەرگونه
وێ ل خودانێت دانان وستونا
8- مالۆ نيڤةكا شەڤێ يه
دەنگي ئيلی وێ دهێيه
هەره ته بۆ ژپێ يه
ماشێ ته ماشەكی چێ يه
وێ ل بەر خلمەتا مەولێ يه
9- مالۆ ديكل وێ دخونن
ڤان شةڤا خەو لێ نينن
جندي هۆلي دستينن
10- جنديۆ نەكەن نوو خەوێ
دێ بسەرێ چنه گەوێ
دگەل ميرێ خۆ ناكەهن دەرەوێ
11- ديكلێ پەرێ وی سپي يه
وێ دخونت ل عەرشێ عێلي يه
وێ ل بهر مەلكي بێري يه
بانگ وهاوارێت مه ژديوانا سلتان ئێزي يه
12- ديكلێ پەرێ وی سۆره
وێ دخونت ل عەرشێ ژۆره
وێ ل بەر مەلكی مهلكي ب مۆره
بانگ وهاوارێت مه ژديوانا قبلەت بدوره
13- ديكلێ پەرێ وی زەره
وێ دخونت ل عەرشێ سەره
وێ ل بەر مەلكی مەلكی ئەكبەره
بانگ وهاوارێت مه ژديوانا تەنه
هەی مەلكی سهروەره
14- ديكلێ پەرێ وي كەسكه
تو ڤێ خەوێ بەسكه
رابه ژخودێ بخوازه ماش وبەرات ورزقه
15- ديكلێ عەرشا باندا
يێ عەردا بەياندا
پەدشێ من وێ دلێ دلۆڤاندا
16- ديكلي كۆكه كۆكه
وێ دخونت ل مەعشوقه
وێ ل بەر مەلكێ فۆقه
17- ديكلێ پەرێ وي ب رەنگه
ژعەرشا تێتن دەنگه
هاوی شارا تێنه جەنگه
18- مالۆ فةقير دزەرگونن
ميرێ خۆ ب چاڤان نابينن
ماشێ خۆ ژميرێ مەزن دستينن
19- جنديۆ رابه رۆژه
فەقير چۆنه بەر برۆژه
خوناڤ كەفتی پەيكان وخەرقان وبشكۆژه
20- رابه ژخەوا سبەها
فەقير چۆنه بەر دەرگەها
خوناڤ كەفتی پەيكان بشكۆژان وخەرقەها
21-رابه ژخەوێت تاری باڤه
قەست بكه مەرزێت ئاڤا
جوان بكه دەستان وچاڤا
ئەڤەبوو عەدەتێ مەزەرباڤه
22- جنديۆ تو نڤستی
ل خلمەتێ يێ سستي
لەو ميرێ مەزن تو ژماش ئێخستي
23- نەخواستم لەو نڤستم
هەكەر بخواستامه نەدنڤستم
لەو ميرێ مەزن ئەز ژماش ئێخستم
24- جنديۆ مەخۆ ب رۆژێ
مەنڤه ب شەڤێ
هەرۆ كو رۆژ هلتێ
ته ماشێ خۆ ژميرێ مەزن دڤێ
25- جنديۆ مەخۆ ب رۆژان
مەنڤه ب شەڤان
سەري هلينه ببينه مەلكان وباغان
بەهەشتا باقی ملكی ئێزی
ئەم دكێمين وخودێ تمامه