Termas de Lugo
Os Baños Termais do Lugo Romano (situados na planta baixa do Balneario), probablemente daten de época altoimperial (s.I-II d.c.). Este conxunto, único en toda Galicia, foi declarado Monumento histórico-artístico de carácter Nacional en 1931.
Os restos conservados pódense dividir en dous núcleos:
Apodyterium ou vestiario, constituído por dúas salas lindeiras con vestíbulo común de cadeirado de lousa e paredes con fornelas, que poderían servir para deixar a roupa dos usuarios.
O segundo cuarto é de pequeno tamaño, con bóveda de canón corrido e paredes de argamasa. Esta podería ser o Caldarium ou baños quentes, transformado posteriormente en capela cristiá.
Hoxe as antigas termas romanas forman parte dun balneario de augas termais. Atópanse dentro das instalacións do Hotel Balneario de Lugo á beira do río Miño, preto da ponte romana. A construción destes baños é contemporánea á fundación da cidade no ano 15 a.C., sendo a parte máis impresionante das instalacións romanas conservadas o Apodyterium, estancia na que se espían os usuarios.
* Imaxe da Galipedia