Festa do Esquecemento
É un evento de recreación histórica que se celebra na localidade de Xinzo de Limia (Ourense) no último fin de semana de agosto. A festa leva celebrándose dende o ano 2001.
Historia
Esta festa intenta rememorar a chegada ata a marxe esquerda do río Limia das lexións romanas comandadas por Décimo Xuño Bruto no ano 135 aC.
A beleza do lugar fíxolles xulgar que se atopaban diante do lendario rio Lethes, o río do Esquecemento, que apagaba todos os recordos da memoria de quen o atravesase. Entón, empuñando o estandarte das aguias de Roma, o comandante chamou desde a outra marxe a cada soldado polo seu nome. Así proboulles que ese non era o río do esquecemento.
Actividades
De entre as moitas actividades que se celebran, salientamos nesta listaxe algunhas das realizadas na edición 2011.
Acto de invocación as Deusas Xunio e a Deusa Mae-Callaech.
Escaramuzas e liortas entre Castrexos e Romanos polo macelum.
Obradoiros, xogos, desfiles, animacións...
LUDI GLADIATORI (Loitas de gladiadores).
Bodas e nasciturus: Flamen Marco Flavio Sabino e Druída Rodrigísturis.
Selado do PACTO DE HOSPITALIDADE de grupos invitados coa Civitas Limicorum.
CEA DE CONFRATERNIZACIÓN castrexa e romana.
EXPUGNATIUM: Os castrexos non pagan impostos, participan: CAETRA, LUGDUNUM, TIR NA NOG, CIVITAS LUCENSIS e LUCUS EQUITES.
Representación do CRUCE DO LETHES.
BATALLA entre Castrexos e Romanos.
DESFILE XERAL dos grupos Castrexos e Romanos con un gran recorrido.
CIRCO ROMANO.
TROULA ROMANA.
Demostracións equestres a cargo do grupo LUCUS EQUITES
Galería de imaxes
Descrición e datas
Cartel da festa do Esquecemento
Equites
*Imaxe de divesgallaecia en flickr
*Imaxe de divesgallaecia en flickr